عبدالواحد آريسر جا ڪتاب:

باک جو آواز

عبدالواحد آريسر
تاريخ، فلسفو ۽ سياست

هي ڪتاب نامياري ليکڪ ۽ قومپرست اڳواڻ عبد الواحد آريسر جي تقريرن، مضمونن ۽ انٽرويوز تي مشتمل آهي. هن ڪتاب جو مرتب منصور مزاري آهي.
عبدالواحد آريسر ادب، سياست، ٻولي، شاعري ۽ تاريخ کي سمجهندڙ ۽ ان تي لکندڙ سنڌ جو نرالو سياستدان هو، جنهن نه رڳو تاريخ کي پنهنجي قلم ذريعي سهيڙيو، پر ان اڙانگي سفر واري سياست ۾ جيل جون سختيون برداشت ڪيون ۽ ٽارچر سيل جا عذاب ۽ ڦٽڪا به سٺا، پر عشق جي هن ميدان ۾ هُو تِر جيترو به پوئتي نه هٽيو، هُو سنڌي قوم لاءِ سائين جي. ايم سيد جي پيغام جو، پنهنجي ماڻهن لاءِ ’باک جو آواز‘ به هو ته ’باک جي ساک‘ به هو.“

آنلائن پڙهو | پي ڊي ايف

سرَ ۾ سانجھيءَ ويرَ

عبدالواحد آريسر
شخصيتون ۽ خاڪا

آريسر صاحب پنهنجي ڪتاب ”سَرَ ۾ سانجھيءَ وير“ ۾ سنڌ جي ڪردارن کي جيئن پيش ڪيو آهي، اهو هُن جو ڪمال ته آهي ئي پر سندس وطن دوست تاريخ نويس هجڻ جو به مثال ڏئي ٿو.
ڪتاب جي ڪمپوزنگ شاھنواز سومري ڪئي آهي.

آنلائن پڙهو | پي ڊي ايف

سنڌي سماج جو جائزو

عبدالواحد آريسر
تاريخ، فلسفو ۽ سياست

عبد الواحد آريسر جو لکيل هي ڪتاب ”سنڌي سماج جو جائزو“ 1985ع ۾ ڀنڀور اشاعت گهر حيدر آباد پاران ڇپيو هو. سنڌي سماج جي جوڙجڪ، مختلف نظريا، طبقاتي نظام ۽ گهڻو ڪجهه آهي هن ڪتاب ۾.

آنلائن پڙهو | پي ڊي ايف

چانڊوڪيون ۽ چيٽ

عبدالواحد آريسر
تاريخ، فلسفو ۽ سياست

”چانڊوڪيون ۽ چيٽ“ محترم عبدالواحد آريسر جي نثري ٽڪرن تي مشتمل ڪتاب آهي۔ اهي نثري ٽڪرا سچ ته ضمير کي جهنجهوڙي ڇڏين ٿا۔ ” چانڊوڪيون ۽ چيٽ “ ڪھاڻي آھي، پياسي ٿَر ۾ پيل خالي گھڙن ۽ ويران کوھن جي ۽ انھن ماڻھن جي به، جيڪي بُک وگھي، پنھنجا گھر ڇڏي، اُڃيا بُکيا ٿر مان وقتاً فوقتاً نامعلوم منزلن ڏانھن روانا ٿيندا آھن.
” چانڊوڪيون ۽ چيٽ “ پوري انسانذات جي تاريخ جي اُرھه مان گوھا ڪري وھي نڪتل تخليق جو وھڪرو آھي ۽ ھر تخليق تي تنقيد ضرور ٿيندي آھي ۽ تنقيد عام طور تي ان تخليق جي مڃتا برابر ھوندي آھي. اسان سنڌ جي ڏاھن مان پُراميد آھيون ته اھي سنڌ جي مسئلن ڏانھن تخليقي رويو اختيار ڪندا، ڇاڪاڻ ته ھن ڪتاب جو ليکڪ چوي ٿو ته ” سنڌ جي صورتحال ٽائيم بم تي ويٺل اُن معصوم ٻار وانگر آھي، جيڪو چاڪليٽ چوسڻ ۾ مگن آھي ۽ کيس اھا خبر ئي ناھي ته اوچتو بم ڦاٽندو ۽ ھو ڇيھون ڇيھون ٿي ويندو. “

آنلائن پڙهو | پي ڊي ايف

ويراڳي جي وڃڻا ها

عبدالواحد آريسر
شخصيتون ۽ خاڪا

سنڌ سلامت ڊجيٽل بوڪ ايڊيشن سلسلي جو ڪتاب نمبر (140) اوهان اڳيان پيش ڪجي ٿو. هي ڪتاب ”ويراڳي جي وڃڻا ها“ نامياري ليکڪ، قومپرست سياستدان ۽ سنڌ جي عاشق عبد الواحد آريسر پاران سنڌ جي محبت وطن شخصيتن تي لکيل خاڪن جو مجموعو آهي.

آنلائن پڙهو | پي ڊي ايف

اميد جو قتل

عبدالواحد آريسر
شخصيتون ۽ خاڪا

هي ڪتاب ”اميد جو قتل “ نامياري ليکڪ، قومپرست سياستدان ۽ سنڌ جي عاشق عبد الواحد آريسر پاران محترمه بينظير ڀٽو جي شهادت کانپوءِ لکيو ويو. هن جو تعلق جيئي سنڌ سان هيو ۽ پ پ پ سان سندس سخت اختلاف هيا. پوءِ به محترمه جي ناحق قتل تي هو قلم کڻي ٿو، ڇو ته هو ظالم خلاف آهي ۽ محترمه جي قتل کي هو رياست جو ظلم ٿو سمجهي.

آنلائن پڙهو | پي ڊي ايف

ٿي نه محبت مات

عبدالواحد آريسر
تاريخ، فلسفو ۽ سياست

هي ڪتاب ”ٿي نه محبت مات“ نامياري ليکڪ، قومپرست سياستدان ۽ سنڌ جي عاشق عبد الواحد آريسر جو عدالتي بيان آهي، جنهن مان سنڌ سان اڻ ميي محبت ۽ چاهت پئي نروار ٿئي.
هي ڪتاب روشني پبليڪيشن پاران 2016ع ۾ ڇپايو ويو. ياد رهي ته هن ڪتاب جو پهريون ڇاپو، ڀنڀور اشاعت گهر، حيدرآباد، 1976ع ۾ ڇپايو هو.

آنلائن پڙهو | پي ڊي ايف

نئين دور جا نوان چار درويش

عبدالواحد آريسر
شخصيتون ۽ خاڪا

سنڌ سلامت ڊجيٽل بوڪ ايڊيشن سلسلي جو ڪتاب نمبر (145) اوهان اڳيان پيش ڪجي ٿو. هي ڪتاب ”نئين دور جا نوان چار درويش“ نامياري ليکڪ، قومپرست سياستدان ۽ سنڌ جي عاشق عبد الواحد آريسر پاران سنڌ جي محبت وطن شخصيتن نياز همايوني، محمد صالح ’عاجز‘، علڻ خان ٿيٻو ۽ حاجي خان محمد نوحاڻي تي لکيل خاڪن جو مجموعو آهي.
هي ڪتاب روشني پبليڪيشن پاران 2015ع ۾ ڇپايو ويو. ايڊٽنگ، ترتيب، حاشيا ۽ واڌارا تاج جويو صاحب ڪيا آهن.

آنلائن پڙهو | پي ڊي ايف

انگ اکر

ڪُل ڪتاب: 496
ڪتابن جو مشاهدو: 473445
ڪتاب ڊائونلوڊ جو انگ: 189422
2017 - سنڌ سلامت ڪتاب گهر
حق ۽ واسطا محفوظ