مختلف موضوع

سنيها سپرين جا (خط)

هي ڪتاب ليکڪ ۽ اديب عيسيٰ ميمڻ ڏانهن لکيل خطن جو مجموعو آهي. ”سنيها سپرين جا“ ، مختلف وقتن تي مختلف اديبن، شاعرن، سماجي ۽ سياسي ڪارڪن جي لکيل خطن تي مشتمل آهن. هنن خطن مان نه صرف سنڌ جي سماجي، ادبي ۽ سياسي ۽ حالتن جو اولڙو پسي سگهجي ٿو، جيڪو اڳتي هلي تاريخ جوڙڻ ۾ پڻ ابتدائي مواد جي صورت ۾ ڪم ايندو. جنهن سان نئين نسل ۽ تاريخدانن لاءِ ڪنهن قدر مدد ملي سگھي ٿي.
  • 4.5/5.0
  • 1968
  • 539
  • آخري ڀيرو اپڊيٽ ٿيو:
  • عيسى ميمڻ
  • ڇاپو پھريون
Title Cover of book سنيها سپرين جا (خط)

ادل سومرو (هڪ خط)

(17)
سکر
30-03-2002
محترم ڀاءٌ
عيسيٰ ميمڻ!
السلام عليڪم
سائين سرور منگيءَ جي پهرين ورسيءَ جي ڪوٺ پهتي. مهرباني. سنگت ٺل وارن 6 اپريل تي شام جو فتاح عابد جي ورسيءَ جو پروگرام رکيو آهي. جنهن لاءِ کين اڳواٽ پروگرام ڏنو هو. مان ڪوشش ڪندس ته توهان وٽ ٻئي ڏينهن پهچان، پر واعدو نٿو ڪريان. نه پهچي سگهڻ تي اڳواٽ معذرت. ڪنهن نه ڪنهن پروگرام ۾ اوهان وٽ ايندس. ضرور. توهان جون سرگرميون مون لاءِ اتساهه جو سبب آهن.
اميد ته خيريت سان هوندا.
اوهان جو
ادل سومرو
سيڪريٽري جنرل
سنڌي ادبي سنگت - سنڌ