الطاف شيخ ڪارنر

برونائيءَ کان برازيل

الطاف شيخ
الطاف شيخ ڪارنر

هي ڪتاب برونائي ۽ ڏکڻ آمريڪا جي ملڪن: پاناما، چلي، ڪوراسائو، برازيل جي سفرنامن تي مشتمل آهي جنهن جو ليکڪ ناميارو سفرناما نگار الطاف شيخ صاحب آهي. الطاف شيخ هڪ مضمون ۾ لکي ٿو:
هن ئي ڪتاب ۾ هڪ هنڌ الطاف شيخ لکي ٿو:
”هڪ ٻي ڳالهه ته هي بولچند جهڙا امير ماڻهو رڳو پئسي جي زور تي وڏا واپاري نه ٿيا جيڪا غلط فهمي اسان جي ڪيترن ماڻهن، خاص ڪري انهن ”سنڌي مسلمانن“ کي رهي ٿي جن کي واپار جو تجربو نه آهي. ۽ ائين به نه آهي ته پرديس ۾ وڏو نالو ۽ ناڻو پيدا ڪندڙ ”سنڌي هندوءَ“ کي هر وقت سهولتون ۽ آسانيون مليون. هرگز نه. هنن تي ڏکيا ڏينهن به آيا. هنن جي سالن جي ڪمائي ۽ واپار هڪ جهٽڪي ۾ ختم به ٿي ويو. دنيا جو امير ترين واپاري هانگ ڪانگ جو سنڌي ”هري ليلا“ ٻي جنگ عظيم ۾ سڀ ڪجهه وڃائي ويٺو ۽ گهر جي اٽي لاءِ هو مٿي تي ٿالهه رکي چين ۽ هانگ ڪانگ جي گهٽين ۾ شيون وڪڻندو رهيو. هن جيتوڻيڪ بعد ۾ پنهنجي کيسي مان هانگ ڪانگ يونيورسٽي ٺهرائي، پر ننڍي هوندي هن کي اسڪول جي في ٻه ڊالر نه هجڻ ڪري پاڻ پڙهي نه سگهيو.“

آنلائن پڙهو | پي ڊي ايف

ڪئمپس جا ڏينهڙا

الطاف شيخ
الطاف شيخ ڪارنر

هي ڪتاب سفرنامي جي انداز ۾ لکيل يونيورسٽين ۽ ڪئمپس جي ڪالمن، سفرنامن، مضمونن ۽ اتان جي استادن ۽ شاگردن سان ٿيل ڪچهرين تي مشتمل آهي، جنهن جو ليکڪ ناميارو سفرناما نگار الطاف شيخ صاحب آهي. الطاف شيخ هڪ مضمون ۾ لکي ٿو:
”ملائيشيا جي هڪ پراڻي يونيورسٽي ”ملايا يونيورسٽي“ جو موٽو آهي: “Ilmu Punca Kemajuan” يعني ”علم ڪاميابيءَ جي ڪنجي آهي“. يونيورسٽي سائنس ملائيشيا جو موٽو آهي: “Kami Memimpin” يعني ”اسان ئي اڳواڻي ڪنداسين“. ۽ ”تُن حسين عون يونيورسٽي“ جو موٽو آهي: “Dengan Hikmah kita Meneroka” يعني عقل سان ئي حاصل ڪنداسين. “

آنلائن پڙهو | پي ڊي ايف

گهاتو گهر نه آئيا

الطاف شيخ
الطاف شيخ ڪارنر

هي ڪتاب سمنڊ ۽ سامونڊي جيون سان گڏ آبي جيون تي لکيل ڪالمن، سفرنامن، مضمونن ۽ ڄاڻ تي مشتمل آهي، جنهن جو ليکڪ ناميارو سفرناما نگار الطاف شيخ صاحب آهي.
ڪتاب ۾ کوڙ دلچسپ ۽ معلوماتي مضمون شامل آهن، جيئن شارڪ مڇي لذيذ ڇو آهي، خطرناڪ ڇو آهي؟ وهيل مڇي جا قسم، ان جا فائدا ۽ اها وهيل جنهن جي عنبر سبب اسپيني مهاڻا ڪروڙ پتي ٿي ويا. گانگٽ، اسپنج ۽ ٻين آبي جيون بابت دلچسپ معلومات. سنڌو نديءَ جي انڊس ڊولفن يا انڌي ٻلهڻ بابت تفصيلي ڄاڻ. سنڌوءَ جي لذيذ ترين پلي مڇيءَ بابت تفصيلي ۽ دلچسپ مضمون. ڳاڙهي، نيري، اڇي ۽ ڪاري سمنڊ بابت معلومات. کاري ۽ مٺي سمنڊ بابت حقيقتون ۽ معلومات ۽ ٻيا به کوڙ پڙهڻ جهڙا ليک شامل آهن.

آنلائن پڙهو | پي ڊي ايف

بندر ۽ بازاريون

الطاف شيخ
الطاف شيخ ڪارنر

الطاف شيخ جو هي سفرنامو ”بندر بازاريون“ سندس شروعاتي سفرنامن مان آهي۔ هن ڪتاب ۾ 1974 کان اڳ جي ٿائيلينڊ، سنگاپور ۽ ملائيشيا جي سفرن جو ذڪر آهي۔ ڪتاب جو پهريون ايڊيشن 1975 ۾ ڇپيو ۽ پوء هن جا ٽي ڇاپا ڇپجي چڪا آهن۔ هن ڪتاب جو مهاڳ محترم امر جليل لکيو آهي جيڪو الطاف شيخ صاحب جي ويجهن دوستن مان آهي۔ ڪتاب جو ٽائيٽل لطيف سا۔ين جي رسالي جي هيٺين بيت مان کنيل آهي:
ننگر ۽ ناڙيون پڳھه کڻي پنڌ پئا،​
بندر بازاريون سڃا سامونڊين ريءَ۔​

آنلائن پڙهو | پي ڊي ايف

ڏيهه پرڏيهه جو سفر

الطاف شيخ
الطاف شيخ ڪارنر

هي سفرنامو يورپ ۽ خاص ڪري ڊنمارڪ بابت آهي. هن ڪتاب جو مهاڳ ڊاڪٽر منظور قادر لکيو آهي جڏهن ته امداد سومري ۽ عمر قاضي جا ڪتاب ۽ الطاف شيخ بابت رايا شامل آهن.

آنلائن پڙهو | پي ڊي ايف

ڀلي پار تان ڀيرو

الطاف شيخ
الطاف شيخ ڪارنر

الطاف شيخ جا انيڪ سفرنامه پڙهيا آهن جيڪي گهڻو ڪري سمنڊ جي دنيا سان لاڳاپيل هئا۔ پر سندس هي سفرنامو "ڀلي پار تان ڀيرو" مڪمل طور اسلام جي هڪ اهم رڪن حج ۽ عمري کي سمجهڻ لاء ۽ ادا ڪرڻ لاء گهڻو فائديمند رهندو۔ هن کان اڳ سندس سعودي عرب بابت ڪتاب "اي روڊ ٽه مدينه" پڻ ڇپيل آهي۔

آنلائن پڙهو | پي ڊي ايف

سنگاپور ويندي ويندي

الطاف شيخ
الطاف شيخ ڪارنر

الطاف شيخ جو لکيل هي سفرنامو ”سنگاپور ويندي ويندي“ سنگاپور بابت هڪ ڊائريڪٽري جي حيثيت رکي ٿو۔ جنهن ۾ سنگاپور جي رستن کانوٺي روڊن، دڪانن، اتان جي ماڻهن، رهني ڪهڻي سميت هر شيء جي ڄاڻ ڏنل آهي۔ ڪتاب جو مهاڳ محترم عنايت بلوچ لکيو آهي ۽ هي سفرنامو ملائيشيا کان سنگاپور روڊ رستي ويندي لکيل آهي۔

آنلائن پڙهو | پي ڊي ايف

ممباسا شيدي باڇا همباشا

الطاف شيخ
الطاف شيخ ڪارنر

پاڻي جهاز ذريعي الطاف شيخ کي ڪيترائي دفعا آفريڪا جي بندرگاهن ممباسا (ڪينيا)، ائنزبار (تنزانيا)، موپوتو (موزبق) ۽ ٻين ۾ وڃڻ ٿيندو رهيو ٿي خاص ڪري اهي سال جيڪي سئيز ڪئنال بند رهيو. ان صورت ۾ هر جهاز کي آفريڪا کنڊ جو ڦيرو ڪري يورپ يا آمريڪا پهچڻو پيو ٿي. پر هي سفر الطاف شيخ جو جهاز هلائيندڙ جي حيثيت ۾ نه پر هڪ پئسينجر جي حالت ۾ ٿيو ۽ هي سفر باءِ ايئر، باءِ ٽرين ۽ باءِ روڊ ڪيو ۽ اهو هينئر ويجھڙائيءَ ۾ ئي ٿيو جڏهن ملائيشيا جي نيول اڪيڊمي طرفان کيس ممباسا (ڪينيا) جي ٽيڪنيڪل ڪاليج ۾ ڪجه ڏينهن لاءِ ليڪچر ڏيڻ لاءِ موڪليو ويو. اتي پهچڻ لاءِ الطاف ڪوالالمپور کان باءِ ايئر ممبئي اچي ٿو جِتان ٻي اڏام ۾ ڪينيا جي گادي واري شهر نئروبي ۾ پهچي ٿو جِتان ٻئي ڏينهن باءِ روڊ ممباسا پهچي ٿو. هن ڪِتاب ۾ ممباسا، نئروبي ۽ يوگنڊا جي شهرن ۾ رهندڙ بوهري، آغا خاني ۽ بلوچن بابت ۽ انهن جي ٺهرايل تعليمي ادارن ۽ سماجي خذمتن جو پڻ احوال لکيو آهي.

آنلائن پڙهو | پي ڊي ايف

اڇن جي مُلڪ ۾ اسين ڪارا

الطاف شيخ
الطاف شيخ ڪارنر

تعليم جي سلسلي ۾ الطاف شيخ جو جڏهن ٻه سال سئيڊن ۾ رهڻ ٿيو ته اتان جي ملڪن (ڊئنمارڪ، ناروي پڻ)، ماڻهن، سندس يونيورسٽي ۽ ان ۾ ساڻس گڏ تعليم وٺندڙ آفريڪن، ايشين، ۽ آمريڪا جي مختلف ملڪن (ميڪسيڪو، برازيل، چلي، نڪراگئا، وينزوئلا وغيره) جي جهازران ساٿين جو احوال ڪالمن ذريعي اخبارن ۾ ڏيندو رهيو. هي ڪِتاب ”اڇن جي ملڪ ۾ اسين ڪارا“ انهن ڪالمن جو پهريون مجموعو آهي

آنلائن پڙهو | پي ڊي ايف

ملير کان مالمو تائين

الطاف شيخ
الطاف شيخ ڪارنر

الطاف شيخ جو هي سفرنامو ”ملير کان مالمو تائين“ سئيڊن بابت آهي۔ مالمو سئيڊن جو شهر آهي جتي ورلڊ مئريٽائيم يونيورسٽي آهي۔ جتي دنيا جي مختلف ملڪن جي ڏيڍ سئو کان وڌيڪ مئرين انجنيرن ۽ ليڪچرارن کي ٻن سالن جو ڪورس ڪرڻ کانپوء ايم ايس سي جي ڊگري ڏني ويندي آهي۔ الطاف شيخ صاحب پڻ هتي ٻه سال گذاريا ۽ ميريٽائيم ايڊمنسٽريشن (انجنيئرنگ) جي ڊگري حاصل ڪئي۔ سندس هن سفرنامي ۾ سئيڊن بابت تمام گهڻي ڄاڻ ڏنل آهي۔

آنلائن پڙهو | پي ڊي ايف

ڇا جو ديس ڇا جو وديس

الطاف شيخ
الطاف شيخ ڪارنر

خير النساء جعفري لکي ٿي ته ڪنهن سفرنامي جي آغاز لاءِ ”امان ضامن“ ٻانهن تي ٻڌڻ مذهبي لوازمات مان هڪ ريت اهي. پر ٻانهن تي امام ضامن سان گڏ هٿ ۾ جيڪڏهن الطاف جو سفرنامو ساڻ هجي ته سفر ۾ Suffer گهٽجيو صفر رهجيو وڃي. جهاز تي الطاف جو پهريون قدم ڪنهن خوبصورت سفرنامي جو حسين آغاز آهي، سندس جهاز جيئن ئي ڪنهن گولي جيان سمونڊ جو سينو چيريندو پاڻي جي چپن کي ڪنهن چنڊ گرهڻ جيان بن ڇيڙن ۾ ورهائيندو اڳيان اڳيان وڌندو وڃي. تيئن تيئن کيس مشاهدي لاءِ منظر ۽ موضوع ۽ تحرير لاءِ هڪ گهري تاريخ مليو وڃي، جن کي هو فنڪارانه فوٽوگرافي سان ائين جھليو وٺي، جيئن چقمق جھلي لوهه کي. الطاف شيخ پنهنجن سفرنامن ۾ چش ۽ چشڪا به اهڙا ڏنا آهن جو ٻهارين دنيا جون دلچسپيون ۽ رنگينيون پڙهي اچ اسان جو جوان توڙي پوڙهو سفر جو سانباهو ڪري ٿو.

آنلائن پڙهو | پي ڊي ايف

بندر ديسان ديس

الطاف شيخ
الطاف شيخ ڪارنر

”بندرديسان ديس“ ڪِتاب ڏُور اوڀر جي ملڪن، خاص ڪري جپان، سنگاپور، ٿائلنڊ ۽ سمنڊ تي گذاريل جهاز جي زندگي جو احوال آهي. هن ڪِتاب ۾ الطاف شيخ ڪيترا اهڙا مضمونَ لکيا اهن جيڪي اسان ڪناري تي رهندڙ م اڻهن لاءِ نرالا ۽ حيرت انگيز آهن جهڙوڪ: جهاز تي حلال ۽ حرام گوشت جا مسئلا، تيل مان نقلي وار (Wigs)، پلاسٽڪ جون شيون ۽ عطر پڻ ٺهي ٿو، چين جي مارڪيٽن ۾ جيئرن ڀولڙن جا ميڄالا وڪرو ٿين ٿا، جپان ۾ وڏيرڪي سسٽم جي جھلڪ، جپانين جون حيرت انگيز عادتون….. وغيره.
تيزيءَ سان بدلجندڙ هاڻوڪي دنيا جي پيش منظر ۾ الطاف شيخ هن املهه ڪِتابَ کي نئين سري سان سنواري ۽ ان ۾ نوان واڌارا ڪري ان کي ڇپرايو آهي.

آنلائن پڙهو | پي ڊي ايف

موج نه سهي مڪڙي

الطاف شيخ
الطاف شيخ ڪارنر

ٽائٽانڪ ۽ ٻين مشهور سامونڊي جهازن جي ٻڏڻ جون ڪٿائون
موج نه سهي مڪڙي، ليکڪ: الطاف شيخ موضوع: سامونڊي واقعن جا دل ڌوڏيندڙ داستان سامونڊي زندگي ڪڏهن به نارمل نه سڏي وئي آهي ۽ سامونڊي سفر چاهي اڄ کان هڪ يا ٻه صديون اڳ جو هجي يا اڄ جي ماڊرن دور جو، هميشه پر سڪون ۽ باحفاظت نه رهيو آهي. There is never smooth sailing

آنلائن پڙهو | پي ڊي ايف

مڪليء کان ملاڪا تائين

الطاف شيخ
الطاف شيخ ڪارنر

محترم الطاف شيخ زندگيء جا ڪافي سال ملائيشيا ۾ ً پنهنجي فيملي سان گڏ گذاريا آهن ۽ اتان جي مئرين اڪيڊمي ۾ پڙهايو پڻ آهي۔ اهوئي سبب آهي جو سندس سان ڪچهري ڪرڻ دوران هو ملائيشيا جو گهڻو ذڪر ڪندو آهي۔ هو اهو به ٻڌائيندو آهي ته ڪيئن هن ملڪ ايڏو جلدي ترقي ڪئي آهي۔ سندس سفرنامو ”مڪليء کان ملاڪا تائين“ به ملائيشيا بابت آهي۔ سنڌي ادبي سنگت سٽي سکر پاران اي بوڪ جي صورت ۾ آندل هن ڪتاب لاء محترم عبداللطيف انصاريء جون ڪاوشون پڻ قابل تعريف آهن۔

آنلائن پڙهو | پي ڊي ايف

بخشو لغاري کان بالٽيمور تائين

الطاف شيخ
الطاف شيخ ڪارنر

الطاف شيخ جي بهترين سفرنامن مان هڪ سفرنامو بخشو لغاري کان بالٽيمور تائين سنڌي ادبي سنگت سٽي سکر جي محترم عبداللطيف انصاري جي ڪوششن سان اي بوڪ جي صورت ۾ متعارف ڪرايو ويو آهي۔ آمريڪا بابت دلچسپ ڳالهيون ۽ تمام گهڻي معلومات به ڏنل آهي۔

آنلائن پڙهو | پي ڊي ايف
صفحا: پهريون 1 2 3 آخري

انگ اکر

ڪُل ڪتاب: 493
ڪتابن جو مشاهدو: 468322
ڪتاب ڊائونلوڊ جو انگ: 187831
2017 - سنڌ سلامت ڪتاب گهر
حق ۽ واسطا محفوظ