ناول 2

ڌرتي ماءُ

زيب سنڌي
ناول

هي ڪتاب روسي رياست ڪرغيستان سان تعلق رکندڙ ليکڪ چنگيز اعتماتوف جي ناول جو سنڌي ترجمو آهي جنهن جو سنڌيڪار ناميارو ليکڪ، ڪهاڻيڪار، شاعر، ناول نگار ۽ براڊڪاسٽر زيب سنڌي آهي.
چنگيز اعتماتوف جو هي ناول جنگ جي موضوع تي لکيل دنيا جي اهم ترين ناولن مان هڪ آهي ، جنهن ۾ سوڀ حاصل ڪرڻ جي لاءِ ملڪ جو هر فرد قرباني ڏيڻ لاءِ تيار ٿي وڃي ٿو. هي نه فقط جنگ جي ڪهاڻي آهي ، پر ماءُ جي مامتا ، زال جي محبت ، ابهم ٻارڙن جي بُکَ ، مقصد خاطر لڳاتار جدوجهد ۽ پنهنجي ڌرتيءَ سان لازوال عشق جي ڪهاڻي به آهي.

آنلائن پڙهو | پي ڊي ايف

پريت پراڻي ريت نرالي

سندري اتم چنداڻي
ناول

سندري اتمچنداڻي جو نالو هند ۽ سنڌ جي مشهور ليکڪائن ۾ ٿيندو آهي۔ سندس ٻولي، سندس ڪردار ۽ ڊائلاگ سچ ته دل تي گهرا اثر ڇڏيندا آهن۔
سندري اتمچنداڻي جو شاهڪار ناول پريت پراڻي ريت نرالي پيش ڪجي ٿو۔ هي ڪتاب سندري اتم ويبسائيٽ تان ورتل آهي ۽ سنڌي سنگت جي آشا چاند جي ڪوششن سان اي بوڪ جي صورت ۾ پبلش ٿيو آهي۔

آنلائن پڙهو | پي ڊي ايف

ڀڳل کنڀڙاٽيون

خليل جبران
ناول

خليل جبران جون ڪهاڻيون ۽ ناول تمام گهڻو پڙهيا ويندا آهن۔ خليل جبران 1883ع ۾ لبنان ۾ پيدا ٿيو ۽ 48 سالن جي عمر ۾ آمريڪا ۾ وفات ڪري ويو ۽ سندس مڙهه لبنان جي جهنڊي ۾ ويڙهي لبنان موڪليو ويو ۽ کيس سندس پيدائش واري هنڌ دفن ڪيو ويو۔ سندس ڪتاب 20 کان وڌيڪ ٻولين ۾ ترجمو ٿيا آهن۔ سندس هي ڪتاب ”ڀڳل کنڀڙاٽيون“ سلمى ڪريمي سان ڪيل عشق تي آهي جنهن سان سندس شادي نه ٿي سگهي ۽ پوء جبران سموري عمر شادي ڪانه ڪئي۔ هي ڪتاب عربيء ۾ ڇپيو ۽ پوء 20 ٻولين ۾ ترجمو ٿيو ۽ لڳ ڀڳ 20 لک ڪاپيون وڪرو ٿيون آهن۔ هو هڪ هنڌ لکي ٿو ته:

”عورت جي پيار ڀري هڪ ئي نطر اوهان کي دنيا جو خوشقسمت ترين شخص بنايو ڇڏي“ ​

آنلائن پڙهو | پي ڊي ايف

پيار پناهون ڇانورا

مهتاب محبوب
ناول

سنڌ جي نامياري ليکڪا ماهتاب محبوب جو ناول ”پيار پناهون ڇانورا“ اوهان اڳيان پيش آهي. هي ناول 2001ع ۾ نيو فيلڊس پبليڪيشن پاران ڇپايو ويو هو. ڪرزمه ويب جي ٿورن سان اوهان سان اسڪين ڪاپي شيئر ڪجي ٿي.
هي ناول معاشري جي حقيقتن ۽ انساني روين توڙي بدلجندڙ ۽ قدرن جي ترجماني ڪرڻ جي هڪ ننڍڙي ڪوشش آهي، جنهن ۾ تصوراتي يا خيال ڪردارن بدران هِن ڌتيءَ سان تعلق رکندڙ زنده ڪردارن جي چونڊ ڪئي وئي آهي.

آنلائن پڙهو | پي ڊي ايف

مونکي ساهه کڻڻ ڏيو

غلام نبي مغل
ناول

”مونکي ساهه کڻڻ ڏيو“، سنڌي سماج جي هڪ المناڪ ڪلچر ڪارو ڪاري جي موضوع تي لکيل آهي. انهي موضوع تي اهو پهريون ناول آهي. . هي هڪ پرچاري ناول آهي، جنهن ۾ ليکڪ نهايت مناسب ۽ سگهارن لفظن ۾ ”مظلوم عورت“ جي وڪالت ڪئي آهي.
هي ناول 2001ع ۾ نيو فيلڊس پبليڪيشن پاران ڇپايو ويو هو جنهن جي اسڪين ڪاپي ڪرزمه ويب جي ٿورن سان پيش آهي.

آنلائن پڙهو | پي ڊي ايف

وطن جن وساريو

ڪليم ٻُٽ
ناول

ڪليم ٻُٽ سنڌي ٻوليءَ ۾ ڪهاڻي ۽ ناول جي حوالي سان نوجوان ٽهيءَ جو ڪافي متحرڪ نالو آهي. سندس ڪيتريون ئي لکڻيون، ناول ۽ مضمون وقفي وقفي سان پڙهڻ لاءِ اکين آڏو ايندا رهن ٿا. ڪليم وٽ موضوعن جي ڪابه کوٽ ناهي ۽ وڏي ڳالهه ته هر ناول کي سنڌ جي تاريخ سان ڳنڍي ڄاڻي جنهن ڪري ناول پڙهندڙ هڪ ساهي ۾ ناول پڙهي پورو ڪندو آهي. سندس هي ناول به اهڙو ئي آهي جنهن ۾ آمريڪا ۾ رهندڙ هڪ سنڌيءَ کي ڪيئن نه هڪ نانگ ڇڪي سنڌ ٿو آڻي ۽ اهو نوجوان جيڪو سنڌ جي تاريخ ۽ تمدن کي وساري ويٺو هو سو ٻيهر سنڌ جي تاريخ کي لکڻ شروع ٿو ڪري ۽ دنيا کي سنڌ جي تاريخ کي سمجهڻ ۽ پڙهڻ لاءِ مجبور ٿو ڪري.

آنلائن پڙهو | پي ڊي ايف

اڏوهي

اخلاق انصاري
ناول

اخلاق انصاري جي لکڻ جو پنھنجو انداز آھي ھن جا ڪردار داخلي ڪيفيتن جي ڀڃ ڊاھ کان وٺي خارجي حالتن جي ڀڃ ڊاھ سبب پيدا ٿيندڙ احساسن جي Surrealist عڪاسي ڪن ٿا. ھن ناول جو ڪردار به سندس ڪھاڻين جي ڪردارن جيان زندگي ۾ پيش ايندڙ عذابن جي ڪرب مان گذرندڙ ھڪ شخص آھي.
اڏوهي سماج کان ڪٽيل هڪ فرد جي رڳو اندروني اڻتڻ جي ڪهاڻي ناهي، ان ۾ مختلف سماجي مسئلن/روين کي چِٽيو ۽ سامهون آندو ويو آهي. هڪ پاسي يونيورسٽي انتظاميا آهي جيڪا مختلف بيقائدگين ۾ ورتل آهي ۽ هڪ شاگرد جي قتل کي آپگھات قرار ڏيئي پنهنجي جان بچائڻ گھري ٿي. ٻئي پاسي گھر جا اهي ڀاتي آهن جيڪي علاج لاءِ مليل پئسن کي ... تي خرچ ڪرڻ کي بلڪل جائز قرار ڏين ٿا. اهي ئي اُهي حالتون آهن جيڪي ماڻهوءَ جي اندر کي اڏوهي جيان چَٽ ڪري وڃن ٿيون ۽ کانئس ماڻهپو کسي وٺن ٿيون.

آنلائن پڙهو | پي ڊي ايف

ڪرندڙ ديوارون

سندري اتم چنداڻي
ناول

سندري اتمچنداڻي جو نالو هند ۽ سنڌ جي مشهور ليکڪائن ۾ ٿيندو آهي۔ سندس ٻولي، سندس ڪردار ۽ ڊائلاگ سچ ته دل تي گهرا اثر ڇڏيندا آهن۔
سندري اتمچنداڻي جو هڪ شاهڪار ناول ڪرندڙ ديوارون پيش ڪجي ٿو۔ هي ڪتاب سندري اتم ويب سائيٽ تان ورتل آهي ۽ سنڌي سنگت جي آشا چاند جي ڪوششن سان اي بوڪ جي صورت ۾ پبلش ٿيو آهي۔

آنلائن پڙهو | پي ڊي ايف

قلوپطره

بيدل مسرور
ناول

قلوپطره عالمي تاريخ جو هڪ غير معمولي ڪردار جنهن مصر ۾ اڄ کان اڍائي هزار سال اڳ جنم ورتو. هڪ غير معروف نينگري اڳتي هلي عالمي تاريخ ۾ ملڪه قلوپطره جي نالي سان مشهوري ماڻي. پنهنجي پيءُ جي مرڻ کانپوءِ نه صرف سلطنت جون واڳون سنڀاليائين پر روم جي ٻن طاقتور حڪمرانن سان شادي ڪيائين ۽ پنهنجي ملڪ کي خوشحال بڻايائين.
اهو سڀ اوهان سندس جيون ڪٿا طرز تي لکيل ناول ”قلوپطره“ ۾ پڙهي سگهو ٿا. هن ناول جو سنڌيڪار بيدل مسرور آهي. هي ناول ماهوار ڪرزمه ميگزين ۾ ڇپيو هو.

آنلائن پڙهو | پي ڊي ايف

مٽي ۽ مهاڻا

منصور ٿلهو
ناول

منصور ٿلهو هڪ سرد رات جو جڏهن کارو ڇاڻ ويو ته اتان جي مهاڻن جي حالت ڏسي هن هڪ ناول لکي ورتو۔ سندس هي ناول مٽي ۽ مهاڻا سنڌ ساحل پبليڪيشن کارو ڇاڻ پاران 2008 ۾ ڇپايو ويو۔ ڪتاب کي ڊجيٽل بوڪ ايڊيشن ۾ سنڌي لائبرري ۽ وائس آف سنڌ پاران آندو ويو آهي۔

آنلائن پڙهو | پي ڊي ايف

لال لهوءَ جي سرگم تي

سجاد اختر ٽالپر
ناول

سجاد اختر ٽالپر جهڙا لکاري تمام گهٽ آهن جن جي لکڻين جو مقصد ڌرتيءَ سان پيار ۽ مقصد سان انسيت آهي. ناول ”لال لهوءَ جي سرگم تي“ تي پڻ هڪ اهڙو شاهڪار ناول آهي جنهن جي سٽ سٽ ڌرتي سان پيار ۽ غلاميءَ سان نفرت سان ڀريل آهي. ناول جي وڏي ڪاميابي تسلسل ۽ روانيءَ جو نه ٽٽڻ آهي ۽ ڪهاڻي پڙهندڙ کي پاڻ سان گڏ کڻي هلي، سجاد اختر ٽالپر جي ناول ۾ اها خوبي موجود آهي ۽ ناول پڙهندڙ کي پاڻ سان گڏ کڻي هلي ٿو، ڪٿي به بوريت جو احساس ٿيڻ نه ٿو ڏئي، جڏهن ته ناول جي اهم ڳالهه منظر ڪشي آهي جيڪا پڻ هن ناول ۾ لاجواب ٿيل آهي.

آنلائن پڙهو | پي ڊي ايف

سيتا زينب

زيب سنڌي
ناول

زيب سنڌي جو هي پهريون ئي ناول ”سيتا زينب“ بيحد مقبول ٿيو آهي. هن ناول تي اردوءَ ۾ ٽيلي فلم پڻ ٺاهي وئي ۽ هن ناول کي سال جي بهترين ناول جو ايواڊ پڻ ڏنو ويو. هن ناول کي شاهد حنائِي اردو ۾ ترجمو ڪيو آهي ۽ ان جا ٻه ايڊيشن ڇپجي چڪا آهن.

آنلائن پڙهو | پي ڊي ايف

امن لاءِ اتحاد

ڪليم ٻُٽ
ناول

سنڌ سلامت ڊجيٽل بوڪ ايڊيشن سلسلي جو نئون ڪتاب ”امن لاءِ اتحاد“ اوهان اڳيان پيش ڪري رهيا آهيون. هن سائنسي افساني جو ليکڪ ناميارو ليکڪ ڪليم ٻُٽ آهي.

آنلائن پڙهو | پي ڊي ايف

اوڙاهه

غلام نبي مغل
ناول

هي سنڌي ٻوليءَ جي مشهور ڪهاڻيڪار ۽ ناول نگار غلام نبي مغل جو پهريون ناول آهي. هن ناول ۾ ۾ ورهاڱي (1947ع) جي لڏپلاڻ ، ون يونٽ واري زماني ۾ سنڌ ۾ ٻاهرين جي آبادڪاريءَ سان گڏوگڏ سنڌ جي تاريخ ۾ پهريون ڀيرو موجوده وچولي طبقي جي اڀرڻ يا ان جي جدوجهد جو ذڪر ڏنل آهي. ناول اوڙاهه ان سموري تاريخي جاکوڙ بابت آهي. جنهن ۾ سنڌ جي چئن سئو سالن جي سوشيو پوليٽيڪل تاريخ بيان ٿيل آهي. ڪن نقادن ناول ۾ هندو وچولي ڪلاس بابت ڏنل ڄاڻ سان اختلاف ڏيکاريو آهي، پر هي ناول سنڌ جي سماجي، اقتصادي ۽ سياسي تاريخ تي پهريون مڪمل ناول آهي.

آنلائن پڙهو | پي ڊي ايف

اي ٽرين ٽو پاڪستان

خشونت سنگهه / امجد ڪيريو
ناول

هي ناول ”اي ٽرين ٽو پاڪستان“ هندستان جي مشهور ليکڪ خشونت سنگهه جو لکيل آهي ۽ سنڌي ترجمو محترم امجد ڪيريو صاحب ڪيو آهي.

آنلائن پڙهو | پي ڊي ايف
صفحا: پهريون 1 2 3 4 5 6 آخري

انگ اکر

ڪُل ڪتاب: 755
ڪتابن جو مشاهدو: 1257923
ڪتاب ڊائونلوڊ جو انگ: 386341
2018 - سنڌ سلامت ڪتاب گهر
حق ۽ واسطا محفوظ