لطيفيات

شاهه عبداللطيف ڀٽائي جي رسالي ۾ استعمال ٿيل ڏکين لفظن جي معنى

علامه آءِ آءِ قاضي
لطيفيات

هي گلدستي جهڙو ڪتاب شاهه عبداللطيف ڀٽائي جي رسالي ۾ استعمال ٿيل ڏکين لفظن جي معنى تي مشتمل آهي. جنهن جي ترتيب علامه آءِ آءِ قاضي صاحب جي رسالي مان اسڪين ڪيل آهي.
ٿورائتا آهيون پياري دوست وقار احمد سومري جا جنهن جي محنت سان رسالي مان اسڪين ڪيل صفحا سندس فيسبوڪ پيج تان ڪتابي صورت ۾ سنڌ سلامت تي پيش ڪجن ٿا. هن محنت جو مقصد هڪ ئي آهي ته لطيف سائينءَ جو پيغام وڌ کان وڌ دوستن تائين سولي نموني ۽ سمجهاڻيءَ سان گڏ پهچائجي.

آنلائن پڙهو | پي ڊي ايف

لات جا لطيف جي

آغا سليم
لطيفيات

اوهان دوستن اڳيان نامياري اديب، ناول نگار، افسانا نگار، ڊراما نگار، ڪهاڻيڪار ۽ شاعر آغا سليم جو شاهه لطيف جي غم جي فلسفي تي لکيل ڪتاب ”لات جا لطيف جي“ شيئر ڪجي ٿو.
هي ڪتاب سنڌي ادبي بورڊ پاران 2007ع ۾ ڇپايو ويو هو.

آنلائن پڙهو | پي ڊي ايف

لطيفي سئر

ڀيرومل مھرچند آڏواڻي
لطيفيات

نامياري ليکڪ ۽ محقق پروفيسر ڀيرومل مهر چند آڏواڻي پاران دنيا جي عظيم شاعر شاهه عبد للطيف ڀٽائيءَ جي شاعري ۽ سندس ڪيل سئرن جي تحقيق تي مشتمل ڪتاب ”لطيفي سئر“ اوهان اڳيان حاضر آهي. هي ڪتاب ڪيترائي دفعا ڇپيو آهي، پهريون شمارو 1928ع ۾ ڇپايو ويو، جڏهن ته آخري شمارو سنڌ حڪومت جي ثقافت کاتي پاران 2012ع ۾ ڇپايو ويو آهي.

آنلائن پڙهو | پي ڊي ايف

پيغام لطيف

جي ايم سيد
لطيفيات

شاهه عبداللطيف جي شخصيت ۽ سندس شاعريء تي اڻ ڳڻيا ڪتاب ڇپيا آهن پر لطيفيات ۽ لطيف جي پيغام کي سولائيء سان سمجهڻ لاء سائين جي ايم سيد جو لکيل هي ڪتاب ”پيغامِ لطيف“ اهم ڪتاب آهي۔ هن ڪتاب ۾ لطيف سرڪار جي شخصيت، سندس ڪلام، لطيف سائين جو علامه اقبال سان تقابلو ڪرڻ سان گڏ سندس هر پهلو تي تمام گهرائي سان سمجهاڻي ڏنل آهي۔ هي ڪتاب لطيف سرڪار کي سمجهڻ لاء اهم حيثيت رکي ٿو۔هن ڪتاب جي ڪمپيوٽر ڪمپوزنگ محترم عبداللطيف انصاري ڪئي آهي

آنلائن پڙهو | پي ڊي ايف

شاهه جي شاعريءَ ۾ سُگهڙائپ جو رنگ

عاجز رحمت الله لاشاري
لطيفيات

ڪتاب ”شاهه جي شاعريءَ ۾ سُگهڙائپ جو رنگ“ نامياري سگهڙ ، لوڪ ادب جي پارکو ۽ لوڪ ادب تي تحقيقي ڪم ڪندڙ محترم عاجز رحمت الله لاشاري صاحب جي تحقيق تي مشتمل آهي.
لطيف جي فڪر جي پوئلڳ ۽ جاکوڙي انسان عاجز رحمت الله لاشاريءَ پنهنجي طرز جو الڳ ٿلڳ ڪم ڪيو آهي ۽ لطيف جي ڪلام ۾ سگهڙائپ جا جيڪي رنگ ڏٺا ۽ انهن کي عام تائين پهچائڻ جي ڪوشش ڪئي آهي. حقيقت اها آهي ته هن وقت لوڪ ادب کان وڌيڪ شاهه سائينءَ جو ڪلام مشهور ۽ عوام ۾ مقبول آهي، عاجز رحمت الله جو هيءُ ڪتاب به ان سلسلي ۾ هڪ بهترين اضافو آهي.

آنلائن پڙهو | پي ڊي ايف

شهنشاهه لطيف ۽ بزرگ شاعرن جو تذڪرو

غلام شبير پيراهين
لطيفيات

ڪتاب ”شهنشاهه لطيف ۽ بزرگ شاعرن جو تذڪرو“ تحقيق تي مبني ڪتاب آهي جنهن جو ليکڪ غلام شبير پيراهين آهي.
”شهنشاهه لطيف ۽ بزرگ شاعرن جو تذڪرو“ ۾ جُملي (52) بزرگ شاعرن جي مواد کي جمع ڪرڻ ۾ ڪافي مستند ڪتابن ۽ (ph.d) ٿيسز کي سامهون رکيو ويو آهي. جيئن ڪٿي ڪا غلطي جي گنجائش نه رهي سگهي. ڪو به تحقيقي ڪم ”حرف آخر“ ناهي هوندو. پر پوءِ به ”راقم“ هر وجه هر ممڪن ڪوشش ڪري صحيح ۽ مستند مواد ڏيڻ جي ڪوشش ڪئي آهي.

آنلائن پڙهو | پي ڊي ايف

سُهائي سُپرينءَ جي

ايوب کوسو
لطيفيات

”سهائي سپرينءِ جي“ نامياري شاعر ايوب کوسي پاران ڀٽائيءَ جي شاعريءَ جي فڪري ۽ رومانوي اڀياس تي مشتمل آهي. ايوب کوسو لکي ٿو:

”لطيف صوفي به آهي، عاشق به آهي، محبوب به آهي، عظيم شاعر به آهي، ته فلاسافر به آهي. لوڪ ڏاهپ جو وينجھار به آهي. تصوف جو خزانو به آهي، ته انساني احساس جو ويڄ به آهي، سامونڊيءَ به آهي ته کاهوڙيءَ به آهي. سنڌ جو عاشق آهي ته پوري عالم جو به دوست آهي. ڪڏهن پتنگ آهي، ڪڏهن آڳڙيو آهي. ڪڏهن سهڻي آهي ته ڪڏهن مارئي آهي. ڪٿي منصور جو سڏ آهي، ته ڪٿي روميءَ جو يار آهي. ڪٿي ڏياريءَ جو ڏيئو آهي، ته ڪٿي عيد جو ڀاڪر آهي! ڪڏهن هنج ٿي موتيءَ چُڻي ٿو، ڪٿي ڪونج بڻجي اڏار ۾ نظر اچي ٿو! ڪڏهن ڪاڪ جو ڪاپڙيءَ آهي، ته ڪڏهن رام ڪليءَ جو ڀڀوت جوڳيءَ آهي! ڪڏهن مومل جو مجاز آهي، ته ڪڏهن سسئي جي اداس نگاهه جو اُلڪو آهي! ڪڏهن ويرانيءَ ۾ چنڊ آهي، ته ڪڏهن سارنگ جي انڊلٺ آهي! ڪڏهن ڪيچ جو پنڌ آهي، ته ڪڏهن لاڙ جو لُڙڪ آهي! ڪڏهن ڏياچ جو ڪنڌ آهي ته ڪڏهن ٻيجل جي تند آهي! ڪڏهن جھوڪ جي هوا آهي ته ڪڏهن پڌام جي پُڇا آهي! ته ڪڏهن ڪڇ جي کٿوريءَ آهي! ته ڪڏهن ڪلاچي جي خاموشيءَ آهي! ڪڏهن مڪڙيءَ آهي، ته ڪڏهن ڇوليءَ آهي!

آنلائن پڙهو | پي ڊي ايف

شاهه لطيف جي شاعريءَ جو جديد اڀياس

ڊاڪٽر شير مهراڻي
لطيفيات

ڪتاب ”شاهه لطيف جي شاعريءَ جو جديد اڀياس“ جو لکيڪ ناميارو شاعر، ليکڪ ۽ محقق ڊاڪٽر شير مهراڻي آهي. تاج بلوچ لکي ٿو:
”هن ڪتاب ۾ ڊاڪٽر شير مهراڻيءَ ڀٽائيءَ جي شاعريءَ کي نئين انداز سان ايڪسپلور ڪيو آهي، خاص طور تي عالمي نظرين کي ڀٽائيءَ جي شاعري مان ثابت ڪرڻ پنهنجي جاءِ تي ڏکيو آهي، پر آئون جيئن چئي آيو آهيان ته شير مهراڻي ڀٽائيءَ جي پنجين موسم کي سمجهي ورتو آهي، ۽ عالمي نظرين تي به کيس سٺي گرفت آهي انڪري هو ادب جي عالمي نظرين کي ڀٽائيءَ جي شاعري مان ثابت ڪرڻ ۾ ڪامياب ويو آهي.“

آنلائن پڙهو | پي ڊي ايف

ايڪويهين صدي ۽ شاهه لطيف

امان الله شيخ
لطيفيات

ڪتاب ”ايڪويهين صدي ۽ شاهه لطيف“ جو سهيڙيندڙ محترم امان الله شيخ آهي. هي ڪتاب آگسٽ 2015ع ۾ مارئي سوشل، ڪلچرل ۽ لٽرري عورتن جي آرگنائزيشن، نئين دهلي انڊيا پاران پيڪاڪ پرنٽرس وٽان ڇپايو ويو آهي.
هي ڪتاب ڊسمبر 2014ع ۾ هند ۾ ٿيندڙ شاهه لطيف ڪانفرنس ۾ پڙهيل مقالن کي ڪتابي صورت ۾ شايع ڪيو ويو آهي.

آنلائن پڙهو | پي ڊي ايف

خزانة العارفين

مولانا در محمد ڪانڌڙو خاڪ
لطيفيات

ڪتاب ”خزانة العارفين “ اوهان اڳيان پيش ڪجي ٿو. ڪتاب مولانا در محمد ڪانڌڙو خاڪ جو لکيل آهي جيڪو 1962ع ۾ ڇپيو.

آنلائن پڙهو | پي ڊي ايف

شاه لطيف جو تصورِ ڪائنات

خ . ق . سومرو
لطيفيات

سيّد جو ڪلام عالمي سچائي آهي. ان ڪلام جو ڪنهن خاص زمان يا مڪان سان تعلق ڪونهي. اهو علم آهي، سچ آهي. ان آسماني خوبيءَ ڪري، سيّد جو پيغام دنيا جي سڀني انسانن کي، زندگيءَ جي هڪڙي مقصد تي متحد ڪري سگهي ٿو.

آنلائن پڙهو | پي ڊي ايف

شاهه لطيف وٽ عشق جا 10 اصول

نور احمد ميمڻ
لطيفيات

سرڪلياڻ ۽ يمن سان ته ڄڻ موجوده نسلن جي شناسائي ۽ نسبت ئي ڌنڌلائبي پئي وڃي ۽ مون فقط ان نسبت کي روشن ڪرڻ جي ابتدا ڪئي آهي. شاهه جي هنن ٻن سُرن لاءِ منهنجي هيءَ سمجهاڻي آهي، اها حرف به حرف معنيٰ ڪونهي. ان سمجهاڻيءَ ۾ ڪٿي جديد فڪر ڇانيل به محسوس ٿي سگهي ٿو، ان لاءِ مان رڳو ايتري گذارش ڪندس ته شاهه لطيف دنيا جي سڀني ذهين ۽ ڏاهن ماڻهن وانگر پنهنجي دؤر کي جديد دؤر ڏانهن ڇال ڏياريندڙ شخص هئو.

آنلائن پڙهو | پي ڊي ايف

انگ اکر

ڪُل ڪتاب: 533
ڪتابن جو مشاهدو: 550719
ڪتاب ڊائونلوڊ جو انگ: 212770
2017 - سنڌ سلامت ڪتاب گهر
حق ۽ واسطا محفوظ