شاعري 4

پن ڇڻ پڄاڻان

شيخ اياز
شاعري

شيخ اياز جي هن ڪتاب ۾، ٽه- سٽن تي ٻڌل ”هائيڪا“ ڏنل آهن. سنڌي شاعريءَ جي صنف ۾، هي هڪ نئون ۽ قابلِ حسين واڌارو آهي. اهي ٽه- سٽا، ڪٿي مڪمل نظر ته ڪٿي وائيءَ جو تاثر ڏين ٿا. هر ٽه- سٽي ۾، بيت جي ڏيڍ سٽ جيتريون ماترائون ڪم آندل آهن. اسان بيحد خوشي ۽ فخر سان سنڌي شاعريءَ جو سجايل هي نئون گلدستو، سنڌ آڏو پيش ڪيون ٿا. شل سنڌ، هن جي سرهاڻ سان سدائين سرهي ۽ ستابي رهي.

آنلائن پڙهو | پي ڊي ايف

هي گجرا هي گولا

استاد بخاري
شاعري

استاد بخاريء جي شاعريء جو ڪتاب ”هي گجرا هي گولا“ سندس نج سنڌي ٻولي ۽ آسان لفظن جي استعمال ڪري وڻندڙ آهي جنهن ۾ نظم ۽ ٽسٽا شامل آهن۔ هن ڪتاب ۾ آيل سندس ڪلام پهريان ڪڏهن به ڪٿي ڪونه ڇپيو هو۔

آنلائن پڙهو | پي ڊي ايف

بخاريء جا قطعا

استاد بخاري
شاعري

استاد بخاري جي شاعري خاص ڪري سندس قطعا هن ڪتاب ”بخاريء جا قطعا“ ۾ شامل آهن۔ مجازي عشق جي بهترين شاعريء سان گڏ قومي شاعريء ۾ به استاد جو هڪ پنهنجو نرالو انداز آهي۔

آنلائن پڙهو | پي ڊي ايف

حسن درس جو رسالو

حسن درس
شاعري

حسن درس جي شاعريءَ جي محبوبا ڀلي ڪينجهر ڍنڍ هجي پر سچ ته حَسن جي شاعريءَ ۾ سنڌ جي سونهن جهلڪي ٿي. هو محبتن، مُرڪن ۽ عاشقن جو شاعر هو، جنهن جي شاعري هر دل کي جهومائي وجهندي هئي. اسان وٽ اهڙا گهٽ شاعر آهن جن جي سڃاڻ سندس ڪتاب کانسواءِ ئي شاعري بڻي هجي، انهن مان حسن درس جو مقام به مٿانهون آهي. اسان جي سنڌ سان سڀ کان وڏو الميو اهو رهيو آهي جو انقلابين ۽ عاشقن جي زندگي مختصر رهي آهي ۽ ايئن ئي حسن درس به اسان کان موڪلائي هليو ويو.

آنلائن پڙهو | پي ڊي ايف

پيار جي پهرين بارش

رضوان گل
شاعري

ڪتاب “پيار جي پهرين بارش” لاڙڪاڻي سان تعلق رکندڙ بهترين شاعر، ڪهاڻيڪار ۽ مضمون نگار رضوان گُل جي شاعريءَ تي مشتمل آهي.

آنلائن پڙهو | پي ڊي ايف

ڪنول ٻڪ ۾ چنڊ

مير محمد پيرزادو
شاعري

ڪتاب ”ڪنول ٻُڪ ۾ چنڊ“ اوهان اڳيان پيش ڪجي ٿو. هي ڪتاب سينيئر شاعر مير محمد پيرزادي جي شاعريءَ جو مجموعو آهي. سائين ميرمحمد پيرزادو بيماريءَ جي بستري تي رهندي ”ڪنول ٻڪ ۾ چنڊ“ جو سپنو سجائيندي جيڪا سحر انگيز شاعري سرجي آهي، سچ ته هيئين سان هنڊائڻ جهڙي آهي، حساس دلين جي ترجماني ڪندڙ سندس ڪوتائن جا انڊلٺي رنگ مختلف صنفن جي روپ ۾ انساني صحيفن جو اهڙو اولڙو پسائين ٿا،

آنلائن پڙهو | پي ڊي ايف

ڪلهي پاتم ڪينرو

شيخ اياز
شاعري

”ڪلهي پاتم ڪينرو“ نامياري شاعر شيخ اياز جي لازوال شاعريءَ تي مبني آهي۔ جنهن ۾ بيت، دوها، گيت، وايون ۽ غزل شامل آهن۔

آنلائن پڙهو | پي ڊي ايف

ماندي ٿي نه مارئي

استاد بخاري
شاعري

شاهه لطيف جي سورمي مارويءَ جي حب الوطني بابت هن شاعريءَ جي ڪتاب جو تخليقڪار ناميارو شاعر استاد بخاري آهي.
”ماندي ٿي نه مارئي“ جي سڄي شاعري حب الوطنيءَ تي ٻڌل آهي، استادُ بخاري، شاھ عبداللطيف ڀٽائيءَ کان پوءِ اهو واحد شاعر آهي، جنهن مارئيءَ کي ڳايو آهي ۽ مارئيءَ کي مانَ ڏيندي هن جي نازڪ احساسن ۽ جذبن کي سمجھندي عورت جي ڪردار کي پنهنجي شاعريءَ جو محور بڻايو آهي. محترم استاد مارئيءَ جي اُمنگن جي صحيح تصوير چٽي آهي. ڪتاب ۾ مارئيءَ جو درد آهي، سوز آهي، وڇوڙي جا ورلاپ آهن جدائي جا گھاءَ آهن. اندر ۾ اباڻن جي اڪير، مَن ۾ مارن جي محبت اٿس.

آنلائن پڙهو | پي ڊي ايف

چنڊ آ ٻانهُن ۾

چمن آر ٿري
شاعري

ڪتاب ”چنڊ آ ٻانُهن ۾“ اوهان اڳيان پيش ڪجي ٿو. هي ڪتاب خوبصورت شاعر چمن آر ٿري جي شاعريءَ جو مجموعو آهي. وسيم سومرو لکي ٿو: ”چمن آر ٿري سنڌ جو اڀرندڙ سُھڻو شاعر آهي. هن جي شاعري سچ پچ ٿر جي اڃ جو مهاڳ آهي، جنهن ۾ لوڪ ڌنن جهڙي رواني ۽ ڏيئن جهڙي روشنيءَ جي ساڃاھ آهي. چمن پنهنجي شاعريءَ ۾ هڪ بي چين روح وانگر نظر اچي ٿو. جنهن جي اکين ۾ ستارن جيان بي انت موضوع آهن. جن ۾ پنهنجي حالتن جو درد چٽيل آهي. جنهنکي پڙهي خبر پئي ٿي ته هي شاعر مسلسل پنهنجي شاعريءَ جي پٽڻ تي محو سفر آهي.“

آنلائن پڙهو | پي ڊي ايف

زنگجي ويل نِنڊ

جاويد جبار دائودپوٽو
شاعري

ڪتاب ”زنگجي ويل ننڊ“ نوجوان شاعر ”جاويد جبار“ جو پهريون شاعراڻو پورهيو آهي. جاويد جبار مختصر عرصي ۾ تمام سٺي شاعريءَ ذريعي توجهه ڇڪائڻ ۾ ڪامياب ويو آهي، سندس هي ڪتاب شاعراڻي صنف ”سانيٽ“ تي مشتمل آهي. سانيٽ اصل ۾ انگريزي ادب مان اسان وٽ آئي آهي ڪجهه صدين کان پرڏيهين ۾ مروج هن صنف ڪافي ترقي ڪري مقبوليت حاصل ڪئي آهي.
سنڌي ٻوليءَ ۾ هي صنف سانيٽ انگريزي دؤر ۾ آئي هُئي هڪ صدي ۾ سنڌي ٻولي جي تمام ٿورڙن شاعرن هن صنف ۾ لکيو آهي، جاويد جبار نوجوان شاعرن ۾ پهريون شاعر آهي جنهن سنڌي ٻوليءَ ۾ سانيٽ تي هي مڪمل ڪتاب لکيو آهي اها تمام سٺي علامت آهي.

آنلائن پڙهو | پي ڊي ايف

جيءَ ۾ ٽانڊا

کيمن يوُ، موُلاڻي
شاعري

ڪتاب ”جيءَ ۾ ٽانڊا“ اوهان اڳيان پيش ڪجي ٿو. هي ڪتاب ڀوپال هند جي نامياري شاعر ”کيمن يو. مولاڻي“ جي شاعريءَ جو پنجون مجموعو آهي، جنهن ۾ غزل، ٽيڙو، دوها ۽ وايون شامل آهن

آنلائن پڙهو | پي ڊي ايف

هئنگ اووَر

فياض ڏاهري
شاعري

ڪتاب ”هئنگ اووَر“ اوهان اڳيان پيش ڪجي ٿو. هي ڪتاب نامياري شاعر ”فياض ڏاهري“ جي نظمن جو مجموعو آهي. مبارڪ لاشاري لکي ٿو:
”فياض ڏاهري جو ”هينگ اوور“ نظمن جو اهو گلدستو آهي جيڪو پاڻ ۾ سنڌي نظم جي حوالي سان هڪ ارتقائي ڪائنات رکي ٿو. جنهن ۾ انساني احساس ته ٽمٽار آهن ئي پر جديد حسيت، جديديت، جديديت پڄاڻان (ماڊرنزم، پوسٽ ماڊرنزم) ڪلاسيڪيت، رومانويت، روايتن ۾ غير روايت پسندي، بغاوت، انقلاب، قوم پرستي، انسان پرستي کان ويندي ذاتي پيڙا جي پڻ جديد تاريخ رکي ٿو.

آنلائن پڙهو | پي ڊي ايف

پارسائي جون حدون

امداد سولنگي
شاعري

”پارسائي جون حدون“ نئين ٽهيءَ جي خوبصورت شاعر امداد سولنگيءَ جي شاعريءَ جو مجموعو آهي. امداد سولنگيءَ جي هِن پهرين شعري مجموعي “پارسائي جون حدون” ۾ انساني صحيفن جي لتاڙ خلاف آواز سميت اکين جو رستو چيري دل ۾ گھر ڪري ويندڙ محبتي مايا جو سمنڊ موجود آهي، جنهن ۾ پيار ۽ پريت جون لهرون عشاق دلين جي قافلن کي ٿڪاوٽ جي صورت ۾ گھاٽي ڇانوري جو احساس ڏيارين ٿيون.

آنلائن پڙهو | پي ڊي ايف

شاعريءَ جو آڪاش

احسان آڪاش
شاعري

هي ڪتاب سنڌ جي 28 تخليقڪارن آرزو عبدلرۇف نهڙيو، آدم اوڍيجو، احسان آڪاش، اخلاق بلوچ، اشرف سولنگي، اشرف مهر، اشفاق چانڊيو، افضل شر، الفت امداد، الله بخش آريسر، الله ڏنو هالاڻي، انجم قاضي، ايڇ ڪي پرڀات، ثمينه جاويد / گل بلوچ، خيرل سيلرو، سانگي صحرائي، ساقي منصور، سپنا سنڌي، سڪندر اوٺو، شميم مري، عبدالغفار عبد جوڻيجو، علي عاجز شر، علي محمد لنجو، غلام قادر منتظر، مجيب ڪنڌر، مختيار مگسي ۽ نذير حسين نورياڻي چانڊيو جي چونڊ شاعريءَ جو گڏيل مجموعو آهي، جنهن جو مرتب احسان آڪاش آهي.

آنلائن پڙهو | پي ڊي ايف

سمبارا

ساجد سنڌي
شاعري

هي ڪتاب خوبصورت شاعر، ليکڪ ۽ پبلشر ساجد سنڌيءَ جي شاعريءَ جو مجموعو آهي.
ساجد منهنجي انهن دوستن مان آهي جن وٽان اڻ ميو پيار ۽ پنهنجائپ ملي آهي، هو موٽ ۾ صرف هڪ مُرڪ گهرندو آهي. ماٺيڻي پر تخليق ۽ لکڻين ۾ ساگر جهڙي گهرائي رکندڙ ساجد سنڌيءَ وٽ مُرڪن جا خزانا آهن. سندس لکڻين ۽ شاعريءَ ۾ ڪشش آهي، هن جي قلم ۾ جنبش آهي. ساجد سراپا جدوجهد ۽ محبت آهي. سندس هي ڪتاب ان جو ثبوت آهي. منهنجي دوست هجڻ ناتي متان مان سندس تعريف ئي لکان پر هي تخليقون ۽ هي ڪتاب ان جا شاهد آهن.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 آخري

انگ اکر

ڪُل ڪتاب: 711
ڪتابن جو مشاهدو: 993159
ڪتاب ڊائونلوڊ جو انگ: 332914
2018 - سنڌ سلامت ڪتاب گهر
حق ۽ واسطا محفوظ