سنڌسلامت پاران
سنڌ سلامت ڪتاب گهر پاران نامياري ڪھاڻيڪار، شاعر ۽ محقق ڊاڪٽر عبدالجبار جوڻيجي جي لکيل ڪھاڻين جو مجموعو ”نہ ڪر ھار سينگار سَکي“ اوھان اڳيان پيش آھي.
ھي ڪتاب 1981ع ۾ سنڌي ساھت جي سال جي حوالي سان ڊاڪٽر عبدالجبار جوڻيجي جي نئين دور جي 15 ڪھاڻين تي آڌاريل آھي. ليکڪ پندرھن ڪھاڻين ۾ پندرنھن عورتن جي ڪردار کي ڏيکاريو آھي. ھو سماج ۾ ٻھروپيائي کي نندي ٿو ۽ اڪثر ڪري نقاد جو پارٽ ادا ڪري ٿو. سندس لکيل ڪھاڻين ۾ ناوليٽ جيتري وسعت آھي.
ھي ڪتاب 1981ع ۾ ادارہ شھباز پبليڪيشنس، حيدرآباد پاران ڇپايو ويو. ڪتاب جي پي ڊي ايف ڪاپي صاحب خان سورھ ميراڻيءَ جي سھڪار سان اوهان سان شيئر ڪجي ٿي.
محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي صرف پي ڊي ايف ڪاپي موجود آھي