سنڌسلامت پاران
سنڌ سلامت ڪتاب گهر پاران نامياري مضمون نويس، ترجمي نگار، قانوندان ۽ سياسي ڪارڪن امان ﷲ شيخ جو جرمن عالمہ ۽ مشرقي علمن جي ماھر اينميري شمل جي شخصيت ۽ فڪري سفر تي لکيل ڪتاب ”اينميري شمل (شخصيت ۽ فن)“ اوھان اڳيان حاضر آهي.
جرمن ليکڪا ۽ محقق اينميري شمل مشرقي ٻولين، جديد تصوف ۽ شاھہ لطيف تي مثالي ڪم ڪيو آھي. ان لاءِ ھن تصوف، فلسفي ۽ مشرقي ٻولين کي جديد سائنسي انداز ۾ پڙھيو ۽ سمجهيو. ھن سنڌي ادب، لوڪ ادب، شاھہ لطيف، سچل سرمست، بيدل، شاھہ عنايت شھيد تي کوڙ مضمون لکيا. ھن ڪتاب ۾ اينميري شمل جي زندگي، سندس اھم ڪتاب ۽ لکڻين، سنڌي ثقافت جي اڀياس، شاھہ لطيف، ھندستاني ادب جي تاريخ، مغل سلطنت جي تاريخ، فن ۽ ثقافت ۽ اينميري شمل جي ڪجهہ اھم ليڪچرز کي شامل ڪيو ويو آھي.
ھي ڪتاب 2018ع ۾ پيڪاڪ پرنٽرز اينڊ پبلشرز ڪراچيءَ پاران ڇپايو ويو، جنھن جي پي ڊي ايف ڪاپي ايم ايڇ پنھور انسٽيٽيوٽ جي سھڪار سان اپلوڊ ڪري رھيا آھيون.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com
نوٽ: ھن ڪتاب جي رڳو پي ڊي ايف ڪاپي موجود آھي