آخري ڏوھہ

سنڌسلامت ڪتاب گهر پاران نامياري ڪھاڻيڪار انور شيخ جي ڪھاڻين جو مجموعو ”آخري ڏوھہ“ اوھان اڳيان آڻي رھيا آھيون. 
انور شيخ ڪھاڻي کيتر ۾ پنھنجي الڳ اسلوب سبب منفرد حيثيت ماڻي چڪو آھي. رسول ميمڻ لکي ٿو: ”انور شيخ جي ڪھاڻين جي خوبي سندس ٻوليءَ تي ضابطو آهي. هن جا لفظ تجنيس حرفيءَ جي ڌاڳي ۾ پوئيل آهن.“ انور شيخ جي ڪھاڻين جا ڪردار، پلاٽ ۽ ماحول پنھنجو ئي لڳندو آھي. انور شيخ جي ڪھاڻين ۾ ڪيترائي روشن خيال مظھر نروار آھن، ساڳي وقت ھن پوليس جي لونء ڪانڊاريندڙ جبر کانسواءِ جاگيرداري سماج جا ڪيترائي اُگرا عڪس پڻ چِٽيا آھن.
ھي ڪتاب 2017ع ۾ماءِ پبليڪيشن، سکر پاران ڇپايو ويو، جنھن جي اسڪين ڪاپي ايم ايڇ پنھور انسٽيٽيوٽ آف سنڌ اسٽڊيز جي سھڪار سان اوھان سان شيئر ڪجي ٿي.

محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com

نوٽ: ھن ڪتاب جي رڳو پي ڊي ايف ڪاپي موجود آھي.