محمد سليمان وساڻ طرفان شامل ڪيل ڪتابَ 16

اي سنڌ جا سنڌيو!

نور احمد ميمڻ
تاريخ، فلسفو ۽ سياست

ھن ڪتاب جو مقصد سماج جي مختلف طبقن جو پنھنجي ذميداراڻي ڪردار جي طرف توجه ڇڪائڻ آھي. سماج جا مختلف اھم طبقا جيڪڏھن پنھنجي مٿان لاڳو اخلاقي، سماجي ۽ پيشه ورانه ذميداريون ۽ فرائض پوريءَ طرح سرانجام ڏيڻ شروع ڪن ته موجود ابتريءَ جي صورتحال ۾ خرابين کان ڪافي حد تائين بچي سگھجي ٿو.

آنلائن پڙهو | پي ڊي ايف

پڙاڏو سوئي سڏ

سراج الحق ميمڻ
ناول

’پڙاڏو سوئي سڏ‘ سنڌي ادب جو هڪ شاهڪار ۽ تاريخي ناول آهي، جيڪو 1970ع ۾ شايع ٿيو. ناول جو تعارف لکندي محترم رسول بخش پليجو لکي ٿو ته: ”تازو سراج جو ناول ’پڙاڏو سوئي سڏ‘ شايع ٿيو آهي. اهو ناول سنڌي ٻوليءَ جي ادب جو هڪڙو بيمثال شاهڪار آهي ۽ سنڌي قوم جو عظيم الشان قوميداستان آهي. اهڙو ناول فقط سراج جهڙو هر فن مولا، انقلابي وطن دوست سنڌي اديب ئي لکي سگهي ٿو، جيڪو ساڳئي وقت ڪهاڻي، شاعريءَ، ناٽڪ، ٻوليءَ جي علم ۽ تاريخي تحقيق جي علم جي ميدانن جو مهندار آهي.
نيٽ ايڊيشن جي ڪمپوزنگ مير آفتاب احمد ٽالپر ڪئي آهي.

آنلائن پڙهو | پي ڊي ايف

علامه آءِ آءِ قاضي (شخصيت ۽ چونڊ تقريرون )

محمد يوسف شيخ
شخصيتون ۽ خاڪا

جڏهن به سنڌ ۾ تعليم جو ذڪر نڪرندو ته سنڌ جي محسن شخصيت علامه آءِ آءِ قاضي جو ذڪر ضرور نڪرندو. محترم محمد يوسف شيخ پاران علامه صاحب جي شخصيت بابت مضمونن ۽ تقريرن جي سهيڙ ڪري ان کي ڪتابي شڪل ڏني وئي آهي ۽ ڪتاب ”علامه آءِ آءِ قاضي“ (شخصيت ۽ چونڊ تقريرون)، سنڌيڪا اڪيڊمي پاران ڇپايو ويو آهي.

آنلائن پڙهو | پي ڊي ايف

شاهه لطيف وٽ عشق جا 10 اصول

نور احمد ميمڻ
لطيفيات

سرڪلياڻ ۽ يمن سان ته ڄڻ موجوده نسلن جي شناسائي ۽ نسبت ئي ڌنڌلائبي پئي وڃي ۽ مون فقط ان نسبت کي روشن ڪرڻ جي ابتدا ڪئي آهي. شاهه جي هنن ٻن سُرن لاءِ منهنجي هيءَ سمجهاڻي آهي، اها حرف به حرف معنيٰ ڪونهي. ان سمجهاڻيءَ ۾ ڪٿي جديد فڪر ڇانيل به محسوس ٿي سگهي ٿو، ان لاءِ مان رڳو ايتري گذارش ڪندس ته شاهه لطيف دنيا جي سڀني ذهين ۽ ڏاهن ماڻهن وانگر پنهنجي دؤر کي جديد دؤر ڏانهن ڇال ڏياريندڙ شخص هئو.

آنلائن پڙهو | پي ڊي ايف

خدا ، سائنس ۽ فلسفو

عبدالمؤمن ميمڻ
تاريخ، فلسفو ۽ سياست

هي پهريون موقعو آهي جو هڪ ڪتاب ۾ اڪيچار سائنسدانن- جيڪي سائنس جي مختلف شعبن ۾ اعليٰ درجي جي مهارت رکن ٿا، پنهنجي پنهنجي علم ۽ فن جي حوالي سان خاص طور تي خدا جي هستيءَ جي مسئلي تي باقاعده بحث ڪيو آهي. اها وک اميد ته انهن ماڻهن جي لاءِ وڏي فائدي واري ثابت ٿيندي، جيڪي سطحي طور تي سائنس جي رعب ۾ ورتل هجڻ جي ڪري، خدا جي انڪار يا گهٽ ۾ گهٽ ان جي وجود بابت شڪ ۾ مبتلا آهن ۽ ان غلط فهميءَ ۾ پئجي ويا آهن ته خدا کي مڃڻ هڪ غير سائنسي ڳالهه آهي! هن ڪتاب ۾ اهي ڏسندا ته وڏي کان وڏا سائنسدان بي وس ٿي ڪري الله پاڪ جي هستيءَ جو نه صرف اقرار ڪن ٿا، بلڪه نهايت مضبوط علمي ۽ عقلي دليلن ذريعي ان جو اهڙو ثبوت به ڏين ٿا، جهڙو ثبوت سائنس کان ڪنهن مٿانهين احساس ۽ ادراڪ واري شيءِ بابت ڏئي سگهجي ٿو.

آنلائن پڙهو | پي ڊي ايف

ڌاري آبادڪاري ۽ سنڌ جو مستقبل

نصير ميمڻ / اختيار کوکر
تاريخ، فلسفو ۽ سياست

هي ڪتاب سنڌ رائيٽرس ۽ ٿنڪرس فورم پاران ڇپائي سنڌي عوام تائين آندو ويو آهي جنهن ۾ ڪيترائي دستاويز، انگ اکر ۽ ثبوت شامل آهن، جيڪي اهو ثابت ڪن ٿا ته ڪيئن نه سنڌ جي تباهي ڪئي پئي وڃي سڀني سنڌ دوستن کي گهرجي ته هن ڪتاب جو مطالعو ڪن ۽ سنڌ جي آجپي لاء ۽ سنڌ سان ٿيندڙ زيادتين خلاف هر فورم تي پنهنجو ڪيس پيش ڪن.

آنلائن پڙهو | پي ڊي ايف

سنڌ جي تيل ۽ گيس جي وسيلن جي ڦرلٽ

نصير ميمڻ
تاريخ، فلسفو ۽ سياست

هي ڪتاب سنڌ رائيٽرس ۽ ٿنڪرس فورم پاران ڇپائي سنڌي عوام تائين آندو ويو آهي جنهن ۾ ڪيترائي دستاويز، انگ اکر ۽ ثبوت شامل آهن، جيڪي اهو ثابت ڪن ٿا ته ڪيئن نه خوشحال سنڌ جا وسيلا ڦري ان جي مالڪ سنڌين کي بک ۽ بدحالي ڪناري پهچايو ويو آهي. سڀني سنڌ دوستن کي گهرجي ته هن ڪتاب جو مطالعو ڪن ۽ سنڌ جي آجپي لاء ۽ سنڌ سان ٿيندڙ زيادتين خلاف هر فورم تي پنهنجو ڪيس پيش ڪن.

آنلائن پڙهو | پي ڊي ايف

گُلن جهڙي شاعري پوپٽَ جهڙا ٻارَ

مختيار سمون
ٻاراڻو ادب

ٻارن لاءِ لکڻ ۾ ڪيڏو نه مزو آهي! پر، ٻار بڻجي لکڻ ۾ اڃا به وڌيڪ مزو آهي، ۽ اهو مزو ڪنهن ڪنهن جي حصي ۾ ئي ايندو آهي. ڪنهن ليکڪ کي اهو حصو وڌيڪ ملندو آهي ته ڪنهن کي گھٽ ۽ ڪنهن کي بنهه نه.
”گُلن جهڙي شاعري پوپٽ جهڙا ٻارَ“ ٻارڙن لاءِ سرجيل شاعريءَ جو مجموعو آهي.

آنلائن پڙهو | پي ڊي ايف

لاڙڪاڻو علمي، ادبي ۽ ثقافتي تاريخ

رضوان گل
لوڪ ادب، لساني ۽ ادبي تحقيق

ڪتاب ”لاڙڪاڻوــ علمي، ادبي ۽ ثقافتي تاريخ“ جو مرتب رضوان گل آهي جنهن ۾ لاڙڪاڻو ڊسٽرڪٽ هسٽاريڪل سوسائٽي جي مختلف پروگرامن ۾ پڙهيل مقالن کي سهيڙيو ويو آهي.
هن ڪتاب ۾ شامل اڪثر مضمون لاڙڪاڻو ڊسٽرڪٽ هسٽاريڪل سوسائٽي جي ڪانفرنسن ۽ سلسليوار پروگرامن ۾ پڙهيل آهن

آنلائن پڙهو | پي ڊي ايف

جيـڏي وڏي سـوچ تيڏي وڏي ڪاميابي

ڊاڪٽر ڊيوڊ جوزف شيوارڊز / خالد ڀٽي ۽ نياز مسرور
تاريخ، فلسفو ۽ سياست

هي ڪتاب جاگيرداراڻي ۽ غلاماڻي نفسيات ۾ پلجندڙ ۽ محرومين جي ڌٻڻ ۾ ڦاٿل ماڻهن کي ان نفسيات ۽ محرومين جي نتيجي ۾ پيدا ٿيل منفي ۽ ڇسي سوچ کان آجو ڪرڻ جو هڪ بهترين رهنما آهي.
هي ڪتاب وڏي سوچ سوچڻ جي رهنمائي ڪري ٿو جنهن سان ماڻهوءَ جي سوچ وشال بڻجي ٿي، هو ڪائناتي سوچ جو انداز اپنائي ٿو ۽ وڏي مقصد لاءِ جيئڻ جي راهه تي هلڻ جو روادار بڻجي ٿو.

آنلائن پڙهو | پي ڊي ايف

پيغامبر

خليل جبران / ستار پيرزادو
ناول

هي ناولٽ هڪ طويل انٽرويو جيان آهي، جيڪو هڪ اهڙي ماهر کان ورتو ويو هجي جيڪو زندگيءَ جي هر شعبي تي مهارت رکندو هجي. هو هر ماڻهوءَ جي اهنجن، ايذائن، ڏکن ڏوجهرن، خوشين ، پيار ۽ چاهت، ويندي کاڌ خوراڪ، پهرڻ ۽ محبتن ۽ محنتن مان واقف هجي. جبران هن ناولٽ ۾ محنت جي باري ۾ ٻڌائيندي چوي ٿو: ”محنت جي وسيلي زندگيءَ سان محبت ڪرڻ، ٻين لفظن ۾ زندگيءَ جي سڀ کان اونهن رازن تائين پهچڻ آهي. جيئن توهين پنهنجي دل جي تار ڪڍي ان مان ڪوئي ڪپڙو ٺاهيو ته اهو توهان جو محبوب پائي.“

آنلائن پڙهو | پي ڊي ايف

ڪُوڙي دنيا سچا ماڻهو

قادر جوڻيجو
شخصيتون ۽ خاڪا

قادر جوڻيجي انهيءَ ضرورت کي محسوس ڪندي دنيا جي چئن عظيم انقلابين هوچي منھ، پئبلو نرودا، ڪم چي ها ۽ بوبي سئنڊس تي لکيو آهي. جيستائين انهن انقلابين تي لکڻ جي سلسلي ۾ چونڊ جو تعلق آهي ته اهي چارئي هن ويجھڙي دور جا آهن. ٻي ڳالھه اها آهي ته انقلابي هئڻ سان گڏ اهي ليکڪ به آهن.

آنلائن پڙهو | پي ڊي ايف

دنيا جون عظيم انقلابي عورتون

تاج جويو
شخصيتون ۽ خاڪا

تاج جويي جو مرتب ڪيل ”دنيا جون عظيم انقلابي عورتون“ اوھان جي ھٿن ۾ آھي. ھي ڪردارَ محترمه فرزانه نصير جي ڪتاب ”انقلابي عورتين“ تان ورتل آھن. ھن ڪتاب ۾ انھن دنيا جي عظيم انقلابي عورتن جو ذڪر ٿيل آھي، جن پنھنجي مادر وطن جي دفاع لاءِ سِر ڌڙ جي بازي لڳائي ۽ مَردن سان ڪلھو ڪلھي ۾ ملائي پنھنجي فرض جي بجا آوري ڪئي. انھن عظيم عورتن جي زندگي اسان مسڪين پورھيتن ۽ ڏتن ڙيل انسانن لاءِ مشعل راھ بڻبي.
هن ڪتاب جي ڪمپوزنگ محترم شاهنواز سومري ڪئي آهي.

آنلائن پڙهو | پي ڊي ايف

چڱو ڀٽائي آءُ هلان ٿو

علي نواز آريسر / زاهد اوٺو
شخصيتون ۽ خاڪا

”چڱو ڀٽائي آءُ هلان ٿو“ اوهان اڳيان پيش ڪجي ٿو. هي ڪتاب ٿر جي ٻاٻيهي، نامياري راڳي صادق فقير جي ياد ۾ لکيل تاثراتي مضمونن، ايڊيٽوريل ۽ شاعريءَ جو مجموعو آهي جنهن جا سهيڙيندڙ علي نواز آريسر ۽ زاهد اوٺو آهن.

آنلائن پڙهو | پي ڊي ايف

ڪميونسٽ پڌرنامو

مارڪس ۽ اينجلس / رشيد ڀَٽي
تاريخ، فلسفو ۽ سياست

هي ڪتاب “ڪميونسٽ پڌرنامو” ڪارل مارڪس ۽ فريڊرڪ اينجلس جو ڪميونسٽ مينيفسٽو آهي جنهن جو سنڌي ترجمو سائين رشيد ڀَٽي صاحب جن ڪيو آهي جڏهن ته ڪمپوزنگ سنگتراش صحرائي ڪئي آهي.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 آخري

انگ اکر

ڪُل ڪتاب: 537
ڪتابن جو مشاهدو: 566299
ڪتاب ڊائونلوڊ جو انگ: 215654
2017 - سنڌ سلامت ڪتاب گهر
حق ۽ واسطا محفوظ