محمد سليمان وساڻ طرفان شامل ڪيل ڪتابَ 22

شاه لطيف جو تصورِ ڪائنات

خ . ق . سومرو
لطيفيات

سيّد جو ڪلام عالمي سچائي آهي. ان ڪلام جو ڪنهن خاص زمان يا مڪان سان تعلق ڪونهي. اهو علم آهي، سچ آهي. ان آسماني خوبيءَ ڪري، سيّد جو پيغام دنيا جي سڀني انسانن کي، زندگيءَ جي هڪڙي مقصد تي متحد ڪري سگهي ٿو.

آنلائن پڙهو | پي ڊي ايف

لفظن جي خوشبو

احسان دانش
شاعري

احسان دانش جا شاعراڻا خيال بنيادي طور پيار ۽ محبت جي محور تي رقص ڪن ٿا ۽ مختلف صنفن جي صورت ۾ منظوم آهن. جيئن ته هيءُ احسان دانش جو پهريون شاعريءَ جو مجموعو آهي، ان ڪري ان ۾ سندس شاعريءَ جي به چونڊ آهي، خاص طور هن ۾ ست رنگي نئين شعري صنف آهي جيڪا احسان دانش جي انڊلٺي سوچن جي سهڻائپ مان اُڀري، شاعريءَ جي اُفق تي ست رنگ پکيڙي بيٺي آهي

آنلائن پڙهو | پي ڊي ايف

ڏُونگر نيٺ ڏَرن

رنڌير سنگھه / امان الله شيخ
تاريخ، فلسفو ۽ سياست

هن ڪتابچي ۾ حقي ڪري ته ايڪتا، ڀائپيءَ، رواداري، سهپ ۽ انسان ذات جي خوشحاليءَ لاءِ پاڻ ارپي ڇڏڻ جا املھ مثال موجود آهن، جيڪي اڄ جي هن دور ۾ هوريان هوريان ڄڻ ته اڻلڀ ٿيندا پيا وڃن، ۽ ان جي جاءِ تي انقلاب جي نالي وٺ وٺان، سس پس ۽ ڇڙواڳيءَ، اسان وٽ اچي واسو ڪيو آهي- ان لاءِ چڱو ائين ٿيندو ته اسين هن ڌرتيءَ جا رهواسي، ان لاءِ ڪروڌ، شخصي چڱ مڙسائپ ۽ بهتان بازيءَ جي ڪوڙڪي ۾ ڦاسڻ کان پاڻ کي بچايون- ۽ هڪ ٻئي لاءِ سهپ ۽ رواداريءَ کي سونهون بڻائي، سنڌ ۽ سڄي انسان ذات جي ڀلائيءَ لاءِ پاڻ ارپي ڇڏيون

آنلائن پڙهو | پي ڊي ايف

اسلام جو عقلي مطالعو

مولانا وحيد الدين خان / ڊاڪٽر عبدالرزاق گهانگهرو
مذهب

ڪائنات جي ابدي حقيقتن کي ڄاڻڻ جي خواهش انساني فطرت ۾ اهڙي طرح سمايل آهي، جو هو ڪنهن به طرح پنهنجو پاڻ کي ان کان الڳ نه ٿو ڪري سگهي. قديم زماني کان وٺي انسان فطرت جي ابدي رازن کي ڄاڻڻ جي جستجوءَ ۾ رڌل رهيو آهي، پر اڃا تائين انهن رازن تائين رسائي حاصل ڪري نه سگهيو آهي. انسان پنهنجي ذاتي ڪوششن سان انهيءَ حقيقت تائين ان ڪري نه پهچي سگهيو آهي،

آنلائن پڙهو | پي ڊي ايف

سُکاري سنڌ ڏکارا ماڻهو

جيمس مئڪمرڊو / عطا محمد ڀنڀرو
سنڌ شناسي

جيمس مئڪمرڊو جو هي ڪتاب سنڌ جي تاريخ ۾ اهڙيون جهاتيون آهن، جن ۾ هن حڪمرانن جي سياسي سازشن ۽ گهرو جنگين جي بجاءِ سنڌ جي تمدني حالتن، معاشرت ۽ صدين کان ڏکن ڏولاون ۾ گهاريندڙ سنڌي ماڻهن جو احوال قلمبند ڪيو آهي.

آنلائن پڙهو | پي ڊي ايف

دل جو درد نه ڄاڻي ڪوئي

رشيد ڪليري
شاعري

رشيد ڪليريءَ جي شاعري گهڻ موضوعاتي آهي، پر عشق و محبت، سڪ ۽ چاهت پيار ۽ انتظار ۽ اهڙا ٻيا موضوع وڌيڪ ڇانيل ۽ حاوي آهن. ظاهر آهي شاعري انسان جي اندر جي احساسن جي اظهار جو نالو آهي، جنهن ماڻهوءَ وٽ جيڪو وکر هوندو، اهوئي پنهنجي دڪان تي رکندو.

آنلائن پڙهو | پي ڊي ايف

اسان زندھه رھنداسين (آتم ڪٿا)

زيب سنڌي
شخصيتون ۽ خاڪا

فلسطين جي انقلابي عورت ليليٰ خالد جي آتم ڪھاڻي.
ڪشور ناهيد پاران اردوءَ ۾ ڪيل ترجمي جو سنڌيڪارزيب سنڌي آهي. ڪتاب 1983ع ۾ سڳنڌ پبليڪيشن لاڙڪاڻو پاران ڇپايو ويو.
ڪمپيوٽر ڪمپوزنگ شاھنواز سومرو صاحب جي محنتن جو ثمر آهي.

آنلائن پڙهو | پي ڊي ايف

فڪري تحريرون

نور احمد ميمڻ
تاريخ، فلسفو ۽ سياست

(آفاقي افڪار ۽ انساني سوچ ۽ ڏاهپ جي تاريخي تسلسل مان چونڊيل شاهڪار مضمون)
علم، فڪر ۽ اخلاق جي ميدان ۾ موجوده بحران ڪٿان شروع ٿيو؟ ان جا سبب ڪهڙا آهن؟ ان جو ذميوار ڪير آهي؟ انهيءَ تناظر ۾ ڪهڙا حل آهن جيڪي بحران يا ڌٻڻ مان ڪڍي سگهن ٿا؟ هيستائين جيڪو به قومي سطح تي نقصان ٿي چڪو آهي، ان حوالي سان ڇا اصلاح احوال جي گنجائش باقي آهي يا اسان واقعي وقت وڃائي چڪا آهيون؟ ۽ ڇا هينئر صورتحال واقعي اسان جي هٿ وس آهي ئي ڪونه، يا هينئر به ويل وئي ڪونهي؟

آنلائن پڙهو | پي ڊي ايف

سانگھڙ

محمد عثمان ڏيپلائي
ناول

”سانگھڙ“ جو پھريون ايڊيشن 1963ع ۾ ڇپيو. ايوبي آمريت جي انھيءَ دؤر ۾ ”سنڌ“ جو نالو وٺڻ، شيخ اياز جي چواڻي، ڄڻ ته ڪاريھر تي پير رکڻ ھو. سنڌ ۽ سنڌين جي ڳالھ ڪندڙ ڪيترائي ڪتاب ۽ رسالا ضبط ڪيا ويا. ڏيپلائي صاحب جا ٽي ڪتاب ”1957ع جي آزاديءَ جي جنگ“، ”غازي انور پاشا“ ۽ ”جاپاني گُڏي“ ضبط ٿيا؛ سنڌي زبان جي بي مثال ھفتيوار رسالي ”انسان“ تي بندش وڌي ويئي. خود ڏيپلائي صاحب کي به ٻه دفعا جيل ياترا ڪرائي، سندس ڪاروبار تباھ ڪيو ويو.
نيٽ ايڊيشن جي ڪمپوزنگ شاهنواز سومري صاحب ڪئي آهي.

آنلائن پڙهو | پي ڊي ايف

اي سنڌ جا سنڌيو!

نور احمد ميمڻ
تاريخ، فلسفو ۽ سياست

ھن ڪتاب جو مقصد سماج جي مختلف طبقن جو پنھنجي ذميداراڻي ڪردار جي طرف توجه ڇڪائڻ آھي. سماج جا مختلف اھم طبقا جيڪڏھن پنھنجي مٿان لاڳو اخلاقي، سماجي ۽ پيشه ورانه ذميداريون ۽ فرائض پوريءَ طرح سرانجام ڏيڻ شروع ڪن ته موجود ابتريءَ جي صورتحال ۾ خرابين کان ڪافي حد تائين بچي سگھجي ٿو.

آنلائن پڙهو | پي ڊي ايف

پڙاڏو سوئي سڏ

سراج الحق ميمڻ
ناول

’پڙاڏو سوئي سڏ‘ سنڌي ادب جو هڪ شاهڪار ۽ تاريخي ناول آهي، جيڪو 1970ع ۾ شايع ٿيو. ناول جو تعارف لکندي محترم رسول بخش پليجو لکي ٿو ته: ”تازو سراج جو ناول ’پڙاڏو سوئي سڏ‘ شايع ٿيو آهي. اهو ناول سنڌي ٻوليءَ جي ادب جو هڪڙو بيمثال شاهڪار آهي ۽ سنڌي قوم جو عظيم الشان قوميداستان آهي. اهڙو ناول فقط سراج جهڙو هر فن مولا، انقلابي وطن دوست سنڌي اديب ئي لکي سگهي ٿو، جيڪو ساڳئي وقت ڪهاڻي، شاعريءَ، ناٽڪ، ٻوليءَ جي علم ۽ تاريخي تحقيق جي علم جي ميدانن جو مهندار آهي.
نيٽ ايڊيشن جي ڪمپوزنگ مير آفتاب احمد ٽالپر ڪئي آهي.

آنلائن پڙهو | پي ڊي ايف

علامه آءِ آءِ قاضي (شخصيت ۽ چونڊ تقريرون )

محمد يوسف شيخ
شخصيتون ۽ خاڪا

جڏهن به سنڌ ۾ تعليم جو ذڪر نڪرندو ته سنڌ جي محسن شخصيت علامه آءِ آءِ قاضي جو ذڪر ضرور نڪرندو. محترم محمد يوسف شيخ پاران علامه صاحب جي شخصيت بابت مضمونن ۽ تقريرن جي سهيڙ ڪري ان کي ڪتابي شڪل ڏني وئي آهي ۽ ڪتاب ”علامه آءِ آءِ قاضي“ (شخصيت ۽ چونڊ تقريرون)، سنڌيڪا اڪيڊمي پاران ڇپايو ويو آهي.

آنلائن پڙهو | پي ڊي ايف

شاهه لطيف وٽ عشق جا 10 اصول

نور احمد ميمڻ
لطيفيات

سرڪلياڻ ۽ يمن سان ته ڄڻ موجوده نسلن جي شناسائي ۽ نسبت ئي ڌنڌلائبي پئي وڃي ۽ مون فقط ان نسبت کي روشن ڪرڻ جي ابتدا ڪئي آهي. شاهه جي هنن ٻن سُرن لاءِ منهنجي هيءَ سمجهاڻي آهي، اها حرف به حرف معنيٰ ڪونهي. ان سمجهاڻيءَ ۾ ڪٿي جديد فڪر ڇانيل به محسوس ٿي سگهي ٿو، ان لاءِ مان رڳو ايتري گذارش ڪندس ته شاهه لطيف دنيا جي سڀني ذهين ۽ ڏاهن ماڻهن وانگر پنهنجي دؤر کي جديد دؤر ڏانهن ڇال ڏياريندڙ شخص هئو.

آنلائن پڙهو | پي ڊي ايف

خدا ، سائنس ۽ فلسفو

عبدالمؤمن ميمڻ
تاريخ، فلسفو ۽ سياست

هي پهريون موقعو آهي جو هڪ ڪتاب ۾ اڪيچار سائنسدانن- جيڪي سائنس جي مختلف شعبن ۾ اعليٰ درجي جي مهارت رکن ٿا، پنهنجي پنهنجي علم ۽ فن جي حوالي سان خاص طور تي خدا جي هستيءَ جي مسئلي تي باقاعده بحث ڪيو آهي. اها وک اميد ته انهن ماڻهن جي لاءِ وڏي فائدي واري ثابت ٿيندي، جيڪي سطحي طور تي سائنس جي رعب ۾ ورتل هجڻ جي ڪري، خدا جي انڪار يا گهٽ ۾ گهٽ ان جي وجود بابت شڪ ۾ مبتلا آهن ۽ ان غلط فهميءَ ۾ پئجي ويا آهن ته خدا کي مڃڻ هڪ غير سائنسي ڳالهه آهي! هن ڪتاب ۾ اهي ڏسندا ته وڏي کان وڏا سائنسدان بي وس ٿي ڪري الله پاڪ جي هستيءَ جو نه صرف اقرار ڪن ٿا، بلڪه نهايت مضبوط علمي ۽ عقلي دليلن ذريعي ان جو اهڙو ثبوت به ڏين ٿا، جهڙو ثبوت سائنس کان ڪنهن مٿانهين احساس ۽ ادراڪ واري شيءِ بابت ڏئي سگهجي ٿو.

آنلائن پڙهو | پي ڊي ايف

ڌاري آبادڪاري ۽ سنڌ جو مستقبل

نصير ميمڻ / اختيار کوکر
تاريخ، فلسفو ۽ سياست

هي ڪتاب سنڌ رائيٽرس ۽ ٿنڪرس فورم پاران ڇپائي سنڌي عوام تائين آندو ويو آهي جنهن ۾ ڪيترائي دستاويز، انگ اکر ۽ ثبوت شامل آهن، جيڪي اهو ثابت ڪن ٿا ته ڪيئن نه سنڌ جي تباهي ڪئي پئي وڃي سڀني سنڌ دوستن کي گهرجي ته هن ڪتاب جو مطالعو ڪن ۽ سنڌ جي آجپي لاء ۽ سنڌ سان ٿيندڙ زيادتين خلاف هر فورم تي پنهنجو ڪيس پيش ڪن.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 آخري

انگ اکر

ڪُل ڪتاب: 687
ڪتابن جو مشاهدو: 909982
ڪتاب ڊائونلوڊ جو انگ: 307258
2018 - سنڌ سلامت ڪتاب گهر
حق ۽ واسطا محفوظ