فرزانه شاهين جا ڪتاب:

پَهڻَ پيرَ پِٿون ڪَيا

فرزانه شاهين
شاعري

فرزانا شاهين نثر توڙي نظم جي پُختي ليکڪا آهي، سندس ھي ڪتاب ”پهڻ پير پٿون ڪيا“ ان ڪري به مختلف آهي جو هي مجموعو سنڌي شاعريءَ جي ڪلاسيڪل صنفن واين ۽ بيتن تي آڌاريل آهي. وقت جون ويرون، اهنجن جا اولڙا، پنهنجن جا پيڙاءُ، اهم رشتن جو ناروا سلوڪ، اڄ جي سسئي ۽ سُهڻي سان ٿيندڙ انياءُ، ڌرتي ڌڻين سان ڌوڪا، ڪامڻين سان ڪلور، سکين، سانگين، نياڻين، اياڻين شهرن ۽ ٻهراڙين جي عورتن سان ناانصافيون سندس واين ۽ بيتن جا اهم موضوع آهن.

آنلائن پڙهو | پي ڊي ايف

نينهن جو نوحو

فرزانه شاهين
شاعري

هن ڪتاب ۾ 84 نظم شامل آهن، ٽائيٽل نظم “نينهن جو نوحو” سندس اندروني ڪيفيت جو عڪاس آهي. فرزانا شاهين جي نظمن تي مشتمل ھن شعري مجموعي ”نينهن جو نوحو“ ۾ شامل اڪثر نظم هر وقت جو آواز ثابت ٿين ٿا. شاعرہ پنهنجي فني تجربي جي بنياد تي نظمن ۾ سماجي اڻاين کي چٽيو آهي. سندس اظهار جو انداز بلڪل سادو، سولڙو ۽ ٻوليءَ جو استعمال شاندار آهي. هُن پنهنجي هن شعري مجموعي ۾ پابند نظم ڏيڻ جي ڪوشش ڪئي آهي، پر ڪجهه شعر آزاد نظم جي شبيهه رکن ٿا، ان باوجود سندس لکڻي ۾ خوبصورت رواني آهي. فرزانا شاھين جي نظمن تي مشتمل هي ڪتاب سنڌي شاعريءَ جي شيلف ۾ بھترين واڌارو آهي.

آنلائن پڙهو | پي ڊي ايف

وجود جي ڳولا

فرزانه شاهين
ڪهاڻيون

فرزانه شاهين سنڌي ٻوليءَ جي سڄاڻ ڪهاڻيڪارہ آهي، جنهن پنهنجي تخليقي سفر جي شروعات نوي واري ڏهاڪي کان ڪئي ۽ زندگيءَ ۽ سماج جي مختلف موضوعن تي ڪيتريون ئي ڪهاڻيون لکي ڪهاڻي کيتر ۾ نمايان سڃاڻپ حاصل ڪئي. سماجي رشتا ناتا، طبقاتي استحصال، وڇوڙا ۽ جُدايون سندس ڪهاڻين جا مک موضوع آهن. هُوءَ هڪ دردمند دل رکندڙ حساس ليکڪا آهي ۽ اِهي سڀئي احساسَ سندس ڪهاڻين ۾ اوتجي وڃن ٿا.

آنلائن پڙهو | پي ڊي ايف

انگ اکر

ڪُل ڪتاب: 1153
ڪتابن جو مشاهدو: 3580604
ڪتاب ڊائونلوڊ جو انگ: 977117
2021 - سنڌ سلامت ڪتاب گهر
حق ۽ واسطا محفوظ