سنڌ سلامت ڪتاب گهر پاران نامياري ليکڪ، محقق ۽ تاريخدان دادا سنڌيءَ جو لکيل ڪتاب ”سنڌوءَ جا بندر ۽ بازارون“ اوهان اڳيان پيش ڪجي ٿو.
ھي ڪتاب سنڌ جي تاريخي بندرگاهن جي مختصر تاريخ تي مشتمل هڪ معلوماتي دستاويز آهي، جنھن ۾ 18 بندرگاھن ۽ چئن شھرن جي بازارن تي لکيو ويو آھي. جن بندرگاھن جو ذڪر آھي سي مختلف طرفن ۾ آھن ان جو مطلب تہ مختلف دورن ۾ سنڌو درياءَ موج ۾ اچڻ بعد پنھنجا رستا تبديل ڪيا آھن. دادا سنڌيءَ هن ڪتاب ۾ سنڌ جي بندرگاهن ۽ بازارن سان گڏ ڪيترين ئي لوڪ ڪھاڻين جو پڻ ذڪر ڪيو آهي.
ھي ڪتاب 2021ع ۾ سنڌي ادبي بورڊ ڄامشورو پاران ڇپايو ويو. ٿورائتا آهيون محمد قاسم سومري جا جنھن ڪتاب ڪمپوز ڪري سنڌ سلامت ڪتاب گهر ۾ پيش ڪرڻ لاءِ موڪليو.
اوهان سڀني دوستن، ڀائرن، سڄڻن، بزرگن ۽ ساڃاهه وندن جي قيمتي مشورن، راين، صلاحن ۽ رهنمائي جو منتظر.



محمد سليمان وساڻ
مينيجنگ ايڊيٽر ( اعزازي )
سنڌ سلامت ڊاٽ ڪام
sulemanwassan@gmail.com
www.sindhsalamat.com
books.sindhsalamat.com