ھي ڪتاب ڪل 16 بابن تي ٻڌل آھي. ھي ڪتاب ان زماني سان واسطو رکي ٿو جڏھن سنڌوءَ جي پيٽ مان ”انڊس فلوٽيلا“ نالي سان آگبوٽ ھلندا ھئا. انڊريو جو مقصد ھيو تہ سنڌو درياھہ کي وچ ايشيا ۽ اوسي پاسي جي ٻين ملڪن لاءِ تجارتي سامان جي آبي شاھراھہ بڻائجي. ڪتاب ۾ سنڌو ۽ ان جي وھڪرن، بندرن، سنڌو تي ھلندڙ آگبوٽ ۽ اسٽيشنن، ريلوي جي نظام، ٻين آبي ۽ زميني رستن، فصلن، اقتصادي پيداواري ذريعن بابت تفصيل موجود آھن. ھي پھريون ڪتاب آھي جنھن ۾ ريل جي ابتدائي دور جو ذڪر ملي ٿو. سنڌ جي تاريخ ۾ انگريزن جي دور کي سمجهڻ لاءِ ھي ڪتاب تمام اھم سمجهيو وڃي ٿو.