سنڌ : ارغون دور ۾
اھا سورھين صدي عيسوي جي شروعات جي ڳالھہ آھي جڏھن ٻن ارغون حڪمرانن سنڌ تي ڪاھہ ڪندي شھرن کي اجاڙيو، ڦُرلُٽ ڪئي، ۽ ھزارين سنڌين جو قتلام ڪيو. ارغونن جي مختصر ترين دور حڪومت، سنڌ تي تمام گھرا اثر ڇڏيا. ارغونن پاڻ تہ سنڌ تي ڇٽيھہ سال حڪومت ڪئي پر انھن کان پوءِ ترخان ۽ مغل پڻ انھن جي ئي پيداوار ھئا. تاريخ جا ورق ورائڻ سان خبر پوي ٿي تہ ارغونن جھڙو اونداھو دور سنڌ نہ اڳ ڏٺو ھو ۽ نہ ئي پوءِ. 22 ڊسمبر 1520ع جو سج سنڌ واسين لاءِ غلاميءَ جو پيغام کڻي آيو ۽ 31 ڊسمبر 1520ع تائين ٺٽي ۾ رت جي راند جاري رھي.