ناد وارو
امر لغاريءَ هن ڪتاب جي ڪھاڻين ۾ ڪردارن کان ويندي ماحول ۽ منظر نگاريءَ سان سٺو نڀاءُ ڪيو آهي. ڪتاب جي ٻولي تمام سٺي آهي. امر لغاري وٽ عقابي مشاھداتي اک پڻ آھي، جنھن کان ننڍڙي کان ننڍڙي شئي بہ لڪي نٿي سگهي. امر جي ڪھاڻيءَ جو ھر ڪردار پنھنجي الڳ زندگي جيئي ٿو، کين پنھنجا پنھنجا درد آھن. امر لغاريءَ ٻين ليکڪن کان انڪري نرالو آھي جو ھن وٽ موضوعن جي گهڻائي آھي. سندس ڪھاڻين جي پڇاڙي غير روايتي ۽ غير متوقع آھي. اھڙي ڇرڪائيندڙ اختتام سبب امر لغاريءَ جون ڪھاڻيون پڙھندڙن لاءِ پنھنجي دلچسپيءَ جو سامان رکنديون اچن.