سرتاج شاعر شاھ عبداللطيف ڀٽائي
ايڇ ٽي سورلي دنيا جي انھن سڀني عظيم غنائي شاعرن جي شاعريءَ تي تحقيق ڪئي جن جي شاعري تھذيبي ثقافتن تي اثرانداز ٿي، اھڙن سڀني شاعرن جي تقابلي مطالعي ۾ کيس ڀٽائيءَ جي شاعري فن ۽ فڪر جي حوالي سان کيس سڀني کان مٿاھين نظر آئي. ھن ڪتاب ۾ سورليءَ ستين صدي قبل مسيح کان ويھين صديءَ تائين دنيا جي عظيم غنائي شاعرن جي نغماتي شاعري جو ھڪ ڀيٽوار اڀياس ڪري ثابت ڪيو آھي تہ سنڌ جو شاھ عبداللطيف دنيا جي اھڙن چوٽيءَ جي شاعرن مان سڀ کان مٿاھين حيثيت جو مالڪ آھي.