نانڪ يوسف اصل ۾ سچل سرمست جو روحاني فرزند ۽ خاص طالب هو، جنھن پنھنجي علمي شعور ۽ مشاھدي وسيلي پنھنجي شعر ۾ خودشناسي، خدا شناسائي، خودفراموشي ۽ انسان دوستيءَ جو پيغام ڏنو آھي. ڪتاب ۾ نانڪ يوسف جي ولادت، ننڍپڻ، سچل سرمست سان ملاقات، ميرن سان تعلق، نانڪ جو لقب ملڻ، امرتسر جي سفر، نانڪ يوسف جي شخصيت، سچل سرمست جي اثر، شادين، اولاد، شجري، ان وقت جي سياسي ۽ ادبي ماحول، صحبتي سنگت، طالبن ۽ سندس وفات تائين جا مضمون شامل آھن. ٻئي حصي ۾ سندس شاعري جيئن سنڌي بيت ۽ ڪافيون، سرائيڪي ڏوھيڙا  ۽ ڪافيون، ريختو ۽ ھندي ڪلام، بلوچي ڪافي ۽ ٻاڻيون شامل آھن. ٽئين حصي ۾ ضميما ۽ واڌارو ڪلام شامل ڪيو ويو آھي.