تاريخ، فلسفو ۽ سياست

پاڪستان جو ماضي حال ۽ مستقبل

جي ايم سيد
تاريخ، فلسفو ۽ سياست

نامياري ليکڪ، اديب، قومپرست سياستدان ۽ ڏاهي سائين جي ايم سيد جو ڪتاب ”پاڪستان جو ماضي حال ۽ مستقبل“ اوهان اڳيان حاضر آهي.
هن ڪتاب ۾ پاڪستان جي قيام جو تاريخي پس منظر، ان جي ٺاهڻ جا سبب، پاڪستان ٺهڻ کان پوءِ جي صورتحال ۽ پاڪستان جي مستقبل جو تجزيو پيش ڪيل آهي. ھن ڪتاب جو پھريون ڇاپو 1992ع ۾ ڪيرت ٻاٻاڻيءَ ”سورٺ پبليڪيشن“ بمبيءَ وٽان ڇپايو

آنلائن پڙهو | پي ڊي ايف

فلسفي جو ابتدائي ڪورس

محمد ابراھيم جويو
تاريخ، فلسفو ۽ سياست

هِن ڪتاب جي موضوع جِي سڀني عوام دوست، حق شناس، سرگرم ڪارڪنن لاءِ وڏي اهميت آهي. جڏهن ”فلسفي“ جو لفظ وٺجي ٿو تہ ڪارڪن، مزدور ۽ پورهيت اڪثر سوچين ٿا تہ هيءُ موضوع خيالي آهي، مٿانھين قسم جو آهي ۽ سندن مغز ۾ ويھڻ جھڙو نہ آهي؛ ۽ بهرحال اهڙو هڪ ڏکيو موضوع آهي، جو هو اُن ۾ ماهر ٿي ئي نٿا سگهن. هِن ڪتاب ۾ آيل فلسفي جو هيءُ ابتدائي ڪورس، جنھن لاءِ اسين فرانس جي ساٿين جا احسانمند آهيون، اسان جي آسٽريليائي اڳواڻ ڪارڪنن لاءِ هڪ ثابتي آهي تہ جيتوڻيڪ مشڪلاتون آهن، پر اُهي ڪنھن ڪارڪن کي فلسفي جي علمي اصولن جي سمجهڻ کان ۽ اُنھن ۾ قابل ٿيڻ کان هروڀرو روڪي نٿيون سگهن. خاص طرح توجهه لائق ڳالهه هيءَ آهي تہ جدلياتي ۽ تاريخي ماديت مارڪسي فلسفي جا ترڪيبي عنصر آهن.

آنلائن پڙهو | پي ڊي ايف

عالمگيريت ۽ انسان

پروفيسر ڊاڪٽر عبدالغفور ميمڻ
تاريخ، فلسفو ۽ سياست

ھي ڪتاب نامياري محقق ۽ اديب ڊاڪٽر غفور ميمڻ جو لکيل آھي. راز شر لکي ٿو:
”عالمگيريت ۽ انسان ڪتاب دراصل انسان جي زوال جي ڪھاڻي آهي. انسان جي چريائپ جي ڪھاڻي آهي. ليکڪ جو چوڻ آهي تہ پھرين بيماري جي سڃاڻپ ضروري آهي. جيڪو بيماري سمجهي وٺندو تہ سندس علاج ۾ سھوليت ٿي پوندي. تنھن ڪري هي ڪتاب جيڪي سنجيدہ ذهن هن سماج کي تبديل ڪرڻ چاهين ٿا انهن لاءِ مشعل راهہ آهي.

آنلائن پڙهو | پي ڊي ايف

سوڍن جي صاحبي يا راڻن جو راڄ

ڀيرومل مھرچند آڏواڻي
تاريخ، فلسفو ۽ سياست

ھي ڪتاب جملي 19 عنوانن ۾ ورھايل آھي. موضوع جي لحاظ کان ھي ڪتاب ٿر ۾ سوڍن جي صاحبيءََ واري تاريخ سان واسطو رکي ٿو، جنھن ۾ سوڍن جي سنڌ اچڻ، عمر ڪوٽ واري لڙائي، سوڍن جو ٿر ۾ زور وٺڻ، حڪومت جي ورھاڱي، سوڍن جو زور ٽٽڻ، عمر ڪوٽ ۾ اڪبر بادشاھ جو جنم، ڪلھوڙن جي صاحبي، ميرن جي صاحبي، انگريزن جي صاحٻي، سوڍن ۽ انگريزن جي لڙائي ۽ راڻن جي ھاڻوڪي احوال تي ٻڌل آھي.

آنلائن پڙهو | پي ڊي ايف

تاريخ جو سفر

ڊاڪٽر مبارڪ علي / ابوبڪر شيخ
تاريخ، فلسفو ۽ سياست

ھي ڪتاب نامياري محقق ۽ تاريخدان ڊاڪٽر مبارڪ علي جو لکيل آھي جنھن جو سنڌيڪار ابوڪر شيخ آھي. ھي ڪتاب، تاريخ کي سمجھڻ ۾ نھايت اھم ڪردار ٿو ادا ڪري. ھن ڪتاب ۾، تاريخ ۽ انساني زندگي جي ڳانڍاپن ۽ پوندڙ اثرن جو تجرباتي ۽ سائنسي بنيادن تي تجزيو ڪيو ويو آھي. ھي ڪتاب ھر پڙھيل لکيل ۽ سڄاڻ ذھن کي مطالعو ڪرڻ گهرجي، ڇو تہ مستقبل جو رستو ماضيءَ جي حقيقتن مان ئي تخليق ڪري سگھجي ٿو.

آنلائن پڙهو | پي ڊي ايف

گانڌيءَ جو قتل

خالد چانڊيو
تاريخ، فلسفو ۽ سياست

جسٽس جي. ڊي کوسلا جي لکيل ھن ڪتاب جو سنڌيڪار خالد چانڊيو آھي.
ھي ڪتاب ھندستان جي اڳوڻي چيف جسٽس جي. ڊي کوسلا جي ڪتاب ”گانڌيءَ جو قتل ۽ ٻيا ڪيس“ تان ورتو ويو آھي. مھاتما گانڌي عدم تشدد واري نظريي جو پرچارڪ ھيو. مھاتما گانڌيءَ جيڪي اصول ڏنا آھن انھن جو بنياد محبت تي ھيو، ھو مذھبي ماڻھو ھيو پر سندس مذھب روح جي پاڪائي ۽ انسانن جي ڀلائيءَ وارو ھيو. ھن اھڙي سماج جا خواب ڏٺا جنھن جو بنياد پيار ۽ محبت تي ھجي. مھاتما گانڌي کي ھڪ فرقي پرست ۽ ڀائيچاري واري سياست جي ڪٽر مخالف پونا جي ھڪ برھمڻ نٿو رام گاڊسي کيس گوليون ھڻي قتل ڪيو.

آنلائن پڙهو | پي ڊي ايف

تاريخ جو منظر ۽ پسمنظر

فقير محمد سنڌي
تاريخ، فلسفو ۽ سياست

فقير محمد سنڌي هن ڪتاب ۾ مھيني جي هر تاريخ جي ترتيب سان دنيا خاص ڪري سنڌ جي شخصيتن جي جنم ۽ ورسين جي سال ۽ خاص واقعن کي مختصر نموني 365 ڏينھن ۾ سھيڙيو آهي. تاريخ جي ٽڙيل پکڙيل ورقن کي سھيڙي ڪتابي صورت ۾ آڻڻ جي سخت ضرورت ھئي. فقير محمد سنڌيءَ ان کان اڳ سنڌ جي تاريخ کي ترتيب وار سھيڙي ڪتاب ”سنڌ جي تاريخ“ ڇپرايو ھيو ۽ ھن ڪتاب ۾ دنيا جي شخصيتن ۽ واقعن سان اڳ اڳئين ڪتاب کي سنواري ۽ وڌائي ڇپرايو آھي.

آنلائن پڙهو | پي ڊي ايف

شاھنامي وارا شاهه (قديم ايران جي تاريخ)

شمس العلماء ڊاڪٽر مرزا قليچ بيگ
تاريخ، فلسفو ۽ سياست

1926ع ۾ ڇپيل ھي ڪتاب فردوسيءَ جي شاھنامي جو ترجمو آھي جنھن جو سنڌيڪار ۽ ترتيب ڏيندڙ شمس العلماء ڊاڪٽر مرزا قليچ بيگ آھي.
فردوسيءَ جو شاھنامو مشھور آھي، جنھن ۾ قديم ايران جي بادشاھن جو احوال ڏنل آھي ۽ منجھس عجيب غريب ڳالھيون آھن، جن مان گهڻيون خيالي ۽ شاعرائي ڊول جون آھن. انھي قديم تاريخ بابت ٻيا بہ ڪتاب نثر ۾ لکيل آھن، جن تان ھن ڪتاب جو مضمون ورتل آھي.

آنلائن پڙهو | پي ڊي ايف

بابائي سنڌ (حيدر بخش جتوئي) جي سنڌ لاءِ جدوجھد

حيدر بخش جتوئي
تاريخ، فلسفو ۽ سياست

ھن ڪتاب ۾ بابائي سنڌ جي سياسي، سماجي ۽ ذاتي زندگيءَ تي سنڌ جي مشھور اديبن ۽ بابائي سنڌ جي عقيدتمند دوستن جي مضمونن کانسواءِ ۽ سرڪاري ملازمت ڇڏي سنڌ ھاري ڪاميٽيءَ ۾ شريڪ ٿيڻ بعد، صدر سنڌ ھاري ڪاميٽيءَ جي حيثيت ۾ پنھنجين ساٿين سان گڏ، سنڌ مٿان ٿيندڙ ظلم ۽ ناانصافين خلاف جيڪا بہ جدوجھد ڪئي آھي انھيءَ جو مختصر تاريخي ۽ معلوماتي جائزو پيش ڪيو ويو آھي، جيڪو سنڌ جي تاريخ ۾ دستاويز جي حيثيت رکي ٿو. ڪتاب ۾ بابائي سنڌ جي شاعري پڻ شامل آھي.

آنلائن پڙهو | پي ڊي ايف

جڏهن ماڻهو بغاوت ڪن ٿا

جيمس سي. ڊيويز / امان الله شيخ
تاريخ، فلسفو ۽ سياست

هن ڪتاب ۾ شامل لکڻيون گھڻ پاساون مضمونن جو ڳٽڪو آهن، جنهن ۾ بغاوت، ڏاڍ مڙسي (Violence) ۽ انقلاب (Revolution) جي ٽڪنڊي کي ذهن ۾ رکندي هڪ علمي مطالعو آڏو آندو ويو آهي. اڄ جڏهن دنيا کي ذهن نشين ڪرائڻ لاءِ عالمي اڪابر ۽ سماجي سائنس جا لکاري هڪ ئي نقطي تي زور ڏئي رهيا آهن ته هن سڄي دنيا ۾ فرد ۽ پئسي کي اهميت ۽ اصليت حاصل آهي ۽ دنيا جي خوشحاليءَ جي ڪنجي فقط جمهويت کي ئي ڄاڻايو وڃي ٿو. هي ڪتاب اهڙن مفروضن کي وائکو ڪري ٿو. ائين هن ڪتاب ۾ شامل مضمون ويهين صديءَ جي شروعاتي دور کان وٺي ستن ڏهاڪن تائين احاطو ڪيل آهن. ان زماني ۾ انقلاب ۽ تبديليءَ لاءِ هٿياربند جدوجهد هڪ ٻئي لاءِ لازم ملزوم بڻجي ويل هئا. ان ڪري ايئن چئي سگهجي ٿو ته هڙئي شامل لکڻيون ماضيءَ جي انقلاب ۽ اٿل پٿل جو هڪ داستان آهن.

آنلائن پڙهو | پي ڊي ايف

تاريخ جون ڪجهه نراليون شخصيتون

يوسف سنڌي
تاريخ، فلسفو ۽ سياست

ڪتاب ۾ دنيا جي 30 نامياري شخصيتن بابت سھيڙيل مضمونن جو ترجميڪار يوسف سنڌي آھي.
ڪتاب ۾ شيخ مجيب الرحمٰن جون اڻ پوريون يادگيريون، انڊونيشيا جو ڊڪٽيٽر سوهارتو، اسرائيل ايشمين کي ڪيئن اغوا ڪيو؟ ، پهريون خلائي مسافر ، جمال عبدالناصر جي ڪهاڻي ، ذوالفقار علي ڀُٽي جي آخري رات ، راڻي وڪٽوريا ۽ منشي عبدالڪريم، جارج حباش انقلابي اڳواڻ، اڇو تن جو اڳواڻ: ڊاڪٽر ڀيم رائو امبيڊ ڪر، آمريڪا جي اڪيلي ”عورت صدر“، جيوتي باسو؛ هندستان جو عظيم پُٽ ، هڪ سپاهي ڇوڪري جون يادگيريون، آمريڪا جو پهريون شهنشاهه، دنيا جي پهرين سرجن عورت، غريب اڇوت ڇوڪريءَ کان وزيراعليٰ بنجڻ تائين، برلن ڀت ٽوڙيندڙ سائنسدان، ڪرپشن خلاف جنگ کٽندڙ اڪيلي عورت، ڪارل مارڪس: نيست پيغمبر، بوليويا جو عوامي حڪمران، هٿياربند جدوجهد کان صدارت تائين، اوريانا فلاسي: تاريخ سان انٽرويو، انسانيت جي خدمت گذار جين ايڊمز، اُتساهه ڀريو جيون: روزا بونير، موچيءَ جو پٽ: جيڪو ٻارڙن جو وڏو اديب بڻيو، بل گيٽس: رول ماڊل ڪردار، دنيا جي پهرين ڪمپيوٽر پروگرامر: ايڊا لوليس، سوئيڪارنو: انڊونيشيا جو عظيم پُٽ، اسپارٽيڪس: آزادي پسندن جو عظيم هيرو، فيڊل ڪاسترو جو استاد: جوزي مارٽي ۽ جان رِيڊ: ڌرتي ڌوڏيندڙ ڏهه ڏينهن جهڙا مضمون شامل آھن.

آنلائن پڙهو | پي ڊي ايف

سارتر: وجوديت واد ۽ انسان دوستي

ڊاڪٽر بدر اڄڻ
تاريخ، فلسفو ۽ سياست

ھي ڪتاب ويهين صديءَ جي فرينچ فلسفي، ناول نگار، ڪهاڻيڪار، نقاد، مفڪر، سياسي اڳواڻ، جين پال سارتر Jean Paul Charles Aymard Sartre جي وجوديت ۽ انسان دوستي بابت لکيل مضمونن ۽ مقالن جو مجموعو آھي. ڪتاب جو سھيڙيندڙ ۽ سنڌي ۾ ترجميڪار ڊاڪٽر بدر اڄڻ آھي.

آنلائن پڙهو | پي ڊي ايف

ڦِريا پَسِي ڦيڻَ

جامي چانڊيو
تاريخ، فلسفو ۽ سياست

جامي چانڊيي جي لکيل مختلف ڪالمن ۽ مضمونن جو ھي مجموعو پاڪستان پيپلز پارٽيءَ جي ماضي ۽ حال جي سياست جو تاريخي ۽ تنقيدي جائزو آھي. جامي ھڪ ھنڌ لکي ٿو:
”اسٽيبلشمينٽ جو پ پ پ حڪومت سان اڻ سهپ، تعصب ۽ سازشي رويو هڪ حقيقت آهي، پر گڏوگڏ اهو سوال به تمام اهم آهي ته ڇا پ پ پ حڪومت وٽ پاڻ به ڪو Vision، ارادو، رٿابندي ۽ سنجيدگي آهي، جنهن مان نظر اچي ته اها رڳو مال ڪمائڻ، اقتداري مزا ماڻڻ کانسواءِ عوام ۽ خاص طور سنڌي عوام کي به ڪجهه ڊِليور ڪرڻ جو ارادو رکي ٿي؟
پ پ کي سنڌ ۾ ڀل ته مفاهمتي سياست جي شڪل ۾ سياسي آپگھات جو شوق هجي، جنهن جو کيس پورو حق به حاصل آهي پر پ پ پ کي اهو حق نٿو پهچي ته اُها سنڌ ۽ سنڌي ماڻهن جي تاريخي، سياسي، معاشي، ثقافتي، ۽ انساني حقن جي لتاڙ نام نهاد مفاهمت جي نالي ۾ ڪري.“

آنلائن پڙهو | پي ڊي ايف

چين جو انقلاب

عزيز ڏاهري
تاريخ، فلسفو ۽ سياست

ھن ڪتاب ۾ اوھان پڙھي سگھو ٿا تہ ڪيئن ھڪ آفيمي قوم تعليمي ۽ شعوري انقلاب ذريعي عظيم عالمي طاقت بڻجي دنيا تي معاشي طور ڪنٽرول حاصل ڪري ورتو. ڪتاب ۾ چين جي جغرافيائي صورتحال، قديم چيني تهذيب ۽ تاريخ، ڪنفيوشس ۽ ان جا نظريا، منگول عهد جو چين، مانچو خاندان جو دؤر، آفيم جون جنگيون، چين جاپان جنگ، آفيم جي جنگين کانپوءِ نوآبادياتي ۽ جاگيرداراڻي نظام جي گرفت، 1911ع جو انقلاب ۽ محرڪ، 1911ع جو ناڪام انقلاب، انقلاب ۾ شاگردن جو ڪردار، محدود جمهوريت جو قيام، مهاڀاري لڙائيءَ ۾ چين جي شرڪت، شاگردن جا مظاهرا، ڪميونسٽ پارٽي جو قائم ٿيڻ، سرخ فوج جي اڳڀرائي، چين جو انقلاب 1949ع، مائوزي تنگ ۽ انقلاب، مائوزي تنگ جو فڪر، انقلاب کان پوءِ چين، چين جو ثقافتي ۽ تعليمي انقلاب، ھانگ ڪانگ ۽ ميڪائو جي چين کي واپسي سميت ڪيترن ئي موضوعن بابت ڄاڻ موجود آھي.

آنلائن پڙهو | پي ڊي ايف

انسان ۽ عشق

ڊاڪٽر علي شريعتي / نديم گل عباسي
تاريخ، فلسفو ۽ سياست

انسان ۽ انسانيت تي عشق جي اثرن جو تواريخي، سماجياتي، حياتياتي ۽ ذاتياتي مطالعي بابت عظيم عالمي اسڪالر ڊاڪٽر علي شريعتي جي شاهڪار ڪتاب جو ترجمو آھي جنهن جو سنڌيڪار نديم گل عباسي آھي.

آنلائن پڙهو | پي ڊي ايف
صفحا: پهريون 1 2 3 4 5 6 7 آخري

انگ اکر

ڪُل ڪتاب: 1153
ڪتابن جو مشاهدو: 3580556
ڪتاب ڊائونلوڊ جو انگ: 977108
2021 - سنڌ سلامت ڪتاب گهر
حق ۽ واسطا محفوظ