ناول

قيدي

فخر زمان / غلام نبي مغل
ناول

فخر زمان جي لکيل پنجابي ناول ”بنديوان“ جي سنڌي ترجمي ”قيدي“ جو سنڌيڪار غلام نبي مغل آھي. فخر زمان جو ناول بنديوان ڪھاڻي آھي انقلابن ۽ انقلابين جي. ھي ڪھاڻي آھي اھڙي قيديءَ جي جيڪو غاصبن سان مھاڏو اٽڪائي ٿو ۽ نيٺ ڦاسيءَ جي ڦندي تائين پھچي ٿو. ھي ڪتان مارشلا جي دور ۾ ڇپيو ۽ ليکڪ ذوالفقار علي ڀٽو جو ٻانھن ٻيلي ھجڻ ڪري 6 مھينا جيل ڪاٽي آيو. ھن ناول جا گرمکي، ھندي، انگريزي، اردو ۽ بنگالي ۽ روسي زبان ۾ پڻ ترجما ٿيا.

آنلائن پڙهو | پي ڊي ايف

بلنديون

نجم عباسي
ناول

ھي ناول ايراني ڪردن سان ٿيندڙ ظلم زبردستي، ھنن جي انھيءَ ڏمر ڏاڍ خلاف لاڳيتي جدوجھد ۽ انھيءَ جي نتيجي ۾ حاصل ٿيندڙ ڪن ڪاميابين جي بنياد تي ٻڌل ھڪ دلچسپ فڪرانگيز ۽ اثرائتو ناول آھي جو نجم عباسي صاحب ڏاڍي ڪاريگري سان بيحد وڻندڙ پيرائي ۾ لکيو آھي.

آنلائن پڙهو | پي ڊي ايف

وجود

ذلفي زنئور
ناول

ناول وجود ۾ قبيلائي سردارن جي رهڻي ڪهڻي جو ذڪر ڪيو ويو آهي تہ قبيلائي رهڻيون ڪهڙيو ڪيئن آهن ۽ انهن ۾ قبيلائي جهيڙا ڪيئن پيا ٿين ۽ ان جو اصل ڪارڻ ڇا آهي وجھ ڪھڙي آهي. مطلب دشمنيون ڪو ٻيو نہ پر انھن سردارن اندر ويٺن ماڻھو ئي پيدا ڪن ٿا، جنھن جو اثر پوري قبيلي تي پوي ٿو ۽ پورو قبيلو رت ۾ رنگي وڃي ٿو.
ناول ۾ قومي ويڙھ وڙھندڙ مجاھدن جي بھادري، وفاداري ۽ پيار کي الڳ الڳ واضح ڪري ڏيکاريو ويو آھي. ناول پڙھڻ مھل شروعات کان وٺي آخر تائين ماڻھون ناول جي گھرائي ۾ گم ٿي وڃي ٿو.

آنلائن پڙهو | پي ڊي ايف

ڀٽڪيل ماڻهو

امر ثناءَ
ناول

امر ثناءَ لھٻر جي لکڻين ۾ معاشري اندر ٿيندڙ سماجي براين، ناانصافين، دين ڌرم، ذات پات وارن نہ مٽجندڙ فرقن، ديس ڌڻين جي لاوارث بڻيل دانهن دردن ۽ پيڙائن جي عڪاسي واري جهلڪ سادن لفظن جي جامي ۾ اوڍيل واضع طور نظر اچي پئي. امر ثناءَ لھٻر پنهنجي لکڻين ذريعي هر پل معاشري اندر جھالت واري ڦھليل ٻاٽ کي ختم ڪرڻ خاطر پنهنجي ادبي مھارت سان جگنو جھڙو ڪردار ادا ڪري روشن سج اڀارڻ جي جستجو ڪري رهيو آھي.

آنلائن پڙهو | پي ڊي ايف

رات وچ ۾

بريٽ ھيليڊي / فضل احمد بچاڻي
ناول

مشھور آمريڪي جاسوسي ناول نگار بريٽ ھيليڊي Brett Halliday جي گهڻي دلچسپ ناول Death has Three Lives جو سنڌي ترجمو ”رات وچ ۾“ اوھان اڳيان پيش آھي، جنھن جو سنڌيڪار فضل احمد بچاڻي آھي.
ھن ناول جي ھڪ وڏي خوبي اھا آھي جو ھي ٻين مقبول جاسوسي ناولن کان نرالو ۽ منفرد آھي، ڇو تہ ھن ۾ رڳو سنسني ڪانھي بلڪہ ھي ھڪ بھترين ادب پارو Piece of Literature بہ آھي ان سبب مصنف بہ ٻين جاسوسي ناول نويسن کان منفرد ۽ ممتاز حيثيت رکي ٿو.

آنلائن پڙهو | پي ڊي ايف

ڏکڻ مان ٿو سج اڀري

ڪرشن چندر / سراج
ناول

نامياري ناول نگار ۽ ڪھاڻيڪار ڪرشن چندر جي لکيل ناول ’جب صبح هوتي هي‘ جو سنڌي ترجمو ”ڏکڻ مان ٿو سج اڀري“ جي نالي سان ڇپيل اوھان اڳيان پيش آھي، جنھن جو سنڌيڪار سراج آھي.
ھن ناول ۾ ھڪ معاشري ۾ جدوجھد ۽ ان واسطي ڪوششون ڪندڙن جو ھڪ پورو داستان آھي. ڪتاب جو ھڪ مڪالمو آھي تہ : ”جڏهن مذهب ۽ ڌرم جي نالي غريبن کي لُٽي سگهجي ٿوـ تڏهن بندوق ۽ گوليءَ جي ڪھڙي ضرورت آهي؟ گولي تہ ان وقت ھلائبي آھي جڏهن فائدي جي ٻي ڪا بہ راھ نہ سجھندي آھي. “

آنلائن پڙهو | پي ڊي ايف

ڪنوار

مارگريٽ اِرون / نور محمد عباسي
ناول

مارگريٽ اِرون جي لکيل تاريخي ناول The Bride جو ترجمو آھي جنھن جو سنڌيڪار نور محمد عباسي آھي.
ھن ناول جا واقعا سترھين صدي جي انگلينڊ ۽ اسڪاٽلينڊ جي تاريخ جي اھڙي خوني باب سان واسطو رکن ٿا، جنھن انھيءَ صديءَ جي يورپي دارلحڪومتن ۾ طوفان برپا ڪري ڇڏيو ۽ وقت جي بادشاھن بہ پاڻ کي محفوظ نٿي سمجهيو. شاھ چارلس پھرين کي غداريءَ جي ڏوھ ۾ ڦاسيءَ جي سزا ڏني وئي ۽ ھن جو سر لنڊن جي مرڪزي چونڪ تي قلم ڪيو ويو.

آنلائن پڙهو | پي ڊي ايف

سيتا هرڻ

قرت العين حيدر / ولي رام ولڀ
ناول

هيءُ ناوليٽ اردو زبان جي جڳ مشهور ناول نگار ۽ ڪهاڻيڪار خاتون قرة العين حيدر جو لکيل آهي. هن هي ناول 1965ع ۾ لکي پورو ڪيو هو. هن ناول جو سنڌي ترجمو، نامياري ليکڪ ۽ مترجم ولي رام ولڀ ڪيو آهي. ’سيتا هرڻ‘ ناوليٽ جو ڪينواس جاگرافيائي، تاريخي ۽ تهذيبي لحاظ کان وسيع آهي. هن ۾ هندستان جي عظيم رزميه شاعري ’رامائڻ‘ جي واقعن کي ‘System of reference’ بڻائي، سيتا ميرچنداڻيءَ جي ڪهاڻي پيش ڪئي وئي آهي.

آنلائن پڙهو | پي ڊي ايف

شرابي نگاھون

امرتا پريتم
ناول

امرتا پريتم پنھنجي لکڻين ۾ عورت جي مظلوم روپ کي اجاگر ڪيو آھي ۽ ھن ناول ۾ پڻ ھڪ اھڙي عورت ايڪتا جو ذڪر آھي جيڪا شادي ڪندي بہ غير شادي شدہ آھي ۽ ان عورت جي پيڙا جيڪا ھن ڀوڳي آھي جو تفصيلي ذڪر ڪيو آھي.

آنلائن پڙهو | پي ڊي ايف

تيرھون سج

امرتا پريتم / ستار
ناول

ھي ڪتاب نامياري ڪھاڻيڪارہ ۽ ليکڪا امرتا پريتم جو لکيل ناول آھي جنھن جو سنڌي ترجمو ستار پيرزادي ڪيو آھي.
امرتا پريتم ھونئن تہ پنجابي زبان جي ليکڪا آھي پر ھن جون لکڻيون قوم، ذات، ٻوليءَ کان مٿاھيون صرف سماج لاءِ آھن. امرتا پريتم جي لکڻين جا موضوع صرف ھندستان تا پنجابي قوم جا ناھن پر اھي موضوع، خاص ڪري اسان سنڌ جي ماڻھن جا پنھنجا موضوع آھن ۽ اھوئي سبب آھي جو اسان وٽ امرتا پريتم کي وڌ ۾ وڌ پڙھيو وڃي ٿو.

آنلائن پڙهو | پي ڊي ايف

کن پل جو ڇانورو

ممتاز بخاري
ناول

ممتاز بخاريءَ جي شخصيت گهڻ پاسائين آھي. ھو ڪهاڻيڪار، ناول نگار، ڊرامانويس، ترجمانگار، ڪالم نويس، تنقيدنگار، پبلشر، ٽي وي هوسٽ، ڊائريڪٽر ۽ صحافي آھي. وڏي ڳالھ تہ ھن ھر فيلڊ ۾ پاڻ مڃايو آھي. سندس ھي ناوليٽ جنھن جي ٻولي آسان ۽ سولي آھي سو سڀني کي پسند ايندو.

آنلائن پڙهو | پي ڊي ايف

تلاش

نجم عباسي
ناول

ھن ناول جي ڪھاڻيءَ ۾ نہ رڳو اسان کي سماج جا عڪس ۽ اولڙا نظر ايندا پر پورو سماج نظر ايندو ۽ اسان جي سماج ۾ جيڪي بُرايون موجود آھن، انھن جي تصوير نظر ايندي، جاگيردارانہ سماج جا سمورا اولڙا ۽ اوڻايون نظر اينديون،

آنلائن پڙهو | پي ڊي ايف

جڏھن ٽڙندا ڳاڙھا گل

شگفته شاهه
ناول

شگفته شاهه ڪافي عرصي کان لکندي پئي اچي. شگفته شاهه سنڌ جي هڪ حساس شاعره آهي. پنھنجي نانءَ جيان ٻاجهاري ۽ شگفتہ ڪلاڪار جو ھي ناول ھن سماج جي ھڪ ڪربناڪ صورتحال جو ڪچو چٺو آھي. جن ھيروز جي سنڌي سماج کي ضرورت آھي، ان کي بہ ھوءَ تفصيل سان پڌرو ڪرڻ ۾ ڪامياب وئي آھي.

آنلائن پڙهو | پي ڊي ايف

نورجھان

ڊاڪٽر هوتچند مولچند گربخشاڻي
ناول

نورجهان ڊاڪٽر صاحب جي اعليٰ ادبي ذوق جو هڪ ادنيٰ مثال آهي. سندس هي ناول فن ۽ فڪر جي لحاظ کان هر دؤر ۾ پسند ڪيو ويو آهي. هن ناول جي اشاعت کي اٽڪل اڌ صدي ٿيڻ تي آهي پر ان جي سرهاڻ ۾ ڪوبه فرق نه آيو آهي، بلڪه ڏينهون ڏينهن سندس واس وڃي ٿو وڌندو. نورجهان نه فقط فن ۽ فڪر جي خيال کان ٻاهر بلڪه ٻولي جي لحاظ کان پڻ پنهنجو مٽ پاڻ آهي.
هن وقت تائين جيڪي به تاريخي ناول لکيا ويا آهن، تن مان ڪوبه هن ناول سان برميچڻ جهڙو ڪونهي. بلڪه ائين چوڻ ۾ وڌاءُ نه ٿيندو ته سنڌي تاريخي ناول نگاري جي حقيقي ابتدا نورجهان سان ئي ٿئي ٿي

آنلائن پڙهو | پي ڊي ايف

ساهه مُٺ ۾

ماڻڪ
ناول

منير ماڻڪ جو لکيل ناول ”ساهه مٺ ۾“ به هڪ دور جي تاريخ آهي. هي ناول ون يونٽ جي آئيني تسلسل، ڀٽو حڪومت جي دور ۽ ان ۾ پيدا ٿيل حالتن جي پس منظر ۾ لکيل آهي. جنهن ۾ هڪ غلام قوم جي ساڃاهه وند فرد جي خوف، عدم تحفظ جي احساس، پنهنجي ئي ڌرتيءَ تي اوپرائپ ڀري ماحول مان پيدا ٿيل انديشن جي مڪمل عڪاسي ڪئي وئي آهي.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 آخري

انگ اکر

ڪُل ڪتاب: 1153
ڪتابن جو مشاهدو: 3580571
ڪتاب ڊائونلوڊ جو انگ: 977110
2021 - سنڌ سلامت ڪتاب گهر
حق ۽ واسطا محفوظ