ڪهاڻيون

حيدرآباد 47 ڪلوميٽر

زيب سنڌي
ڪهاڻيون

”حيدرآباد 47 ڪلوميٽر“ ۾ 6 ڪھاڻيون شامل آھن. ھن ڪتاب ۾ شامل ڪھاڻيون 2007ع کان 2009ع تائين جي ٽن سالن دوران لکيل آھن. انھن ڪھاڻين ۾ ھڪ فينٽيسي بہ آھي، تہ ھڪ مسٽري اسٽوري بہ آھي.زيب سنڌيءَ جي ڪهاڻين جا پلاٽ اسان جي ئي سماجي مسئلن ۽ مونجهارن تي مشتمل آهن. هن اهڙن ڪردارن تي به لکيو آهي جن کي اڪثر نظر انداز ڪيو وڃي ٿو، جنهن سبب هو معاشري ۾ احساسِ ڪمتري جو شڪار رهن ٿا. پيار کان ويندي پرماريت تائين هن ڪيترن ئي انوکن موضوعن تي لکيو آهي،

آنلائن پڙهو | پي ڊي ايف

ڀانڊارو

ياسمين چانڊيو
ڪهاڻيون

ياسمين چانڊيو بنيادي طور تي هڪ سياسي ڪارڪن آهي، سندس تربيت ۽ شعوري واڌ ويجهه ۾ ان سياسي پھلوءَ جو ادراڪ تمام سگهارو آهي، هن پنهنجي لکڻين ۾ سياسي ۽ سماجي مسئلن ۽ مونجهارن جي نشاندهي ڪئي آهي، گهڻو ڪري موضوع پنهنجي سماج مان ئي ورتل آهن، سندس بيباڪ انداز بيان کيس ٻين کان منفرد ڪري بيھاري ٿو.

آنلائن پڙهو | پي ڊي ايف

عظيم سنڌي ڪھاڻيون

نبي بخش کوسو
ڪهاڻيون

چونڊ سنڌي ڪھاڻيڪارن جي چونڊ ڪھاڻين جو مجموعو ”عظيم سنڌي ڪھاڻيون“ اوھان اڳيان پيش آھي. ھن ڪتاب جو مرتب نبي بخش کوسو آھي. ڪتاب ۾ علي بابا، منير احمد، ارباب سنڌي، مشتاق شورو، اقبال جتوئي، مدد علي سنڌي ۽ ناصر مورائيءَ جون ڪھاڻيون شامل آھن. ھي ڪتاب 1973ع ۾ اڳتي قدم پبليڪيشن پاران ڇپايو ويو،

آنلائن پڙهو | پي ڊي ايف

اوچا ڳاٽ پھاڙن جا

نجم عباسي
ڪهاڻيون

نجم عباسي لکي ٿو تہ مون ھن ڪتاب ۾ شامل ڪھاڻين جي ڇپجڻ بعد ڪھاڻين جي ٽرپل سينچري مڪمل ڪري ورتي آھي. ڪتاب ۾ 10 ڪھاڻيون ۽ نجم عباسيءَ جا 4 انٽرويوز شامل آھن.

آنلائن پڙهو | پي ڊي ايف

ورهه جا روڳ

ذلفي زنئور
ڪهاڻيون

ذلفي زنئور پنھنجي سمورين ڪھاڻين کي انتھائي سادگيءَ سان پيش ڪيو آهي، فِڪري توڙي جذباتي طور هو بنهه سادو شخص آهي جنھن جو عڪس سندس ڪھاڻين ۾ نظر اچي ٿو. سندس ڪھاڻيون جيئن جو تئين واقعن تان نقش ڪيل آهن جِن ۾ هُن پنھنجي احساسن ۽ محسوسات جا هلڪا رنگ ڀريا آهن.
ذلفيءَ! زندگيءَ جي جِن واقعن کي کڻي پنھنجي ڪھاڻين ۾ چِٽيو آهي، اُهي ڪنھن نہ ڪنھن حوالي سان سندس مُشاهدي ۾ آيا هوندا، هُن ڪٿي بہ اُنھن مُشاهدن جي تِکاڻ کي پنھنجي سادہ طبع سان گهٽايو ڪونهي نہ وري ڪٿي ڪنھن چالاڪيءَ جو مظاهرو ڪندي واقعن کي وڌائي چڙهائي پيش ڪيو آهي. اِهوئي سبب آهي جو سندس ڪھاڻيون سندس لاڙ جي سرزمين جيان ٿوريون ڪلراٺيل سھي پر ڳاڙهن چانورن جي خوشبوءِ سان هُٻڪاريل آهن.

آنلائن پڙهو | پي ڊي ايف

جديد سنڌي ڪهاڻي

رئوف نظاماڻي
ڪهاڻيون

رئوف نظاماڻي سنڌي ادب جي ميدان ۾ ترقي پسند ليکڪ طور سڃاتو وڃي ٿو. ھن ڪتاب ۾ شامل 14 مضمونن سان، ھو ڪھاڻيءَ جي فن ۽ ان جي سمجهڻ ۽ تجزيہ نگار جي حيثيت سان سامھون اچي ٿو. ان مان لڳي ٿو تہ رئوف نظاماڻي سنڌي ادب ۾ سرجندڙ ڪھاڻي – ساھت جو ڳوڙھو اڀياسي آھي ۽ ان جي اوک ڊوک ڪرڻ ۾ کرو ۽ بي باڪ نقاد آھي. ھن اھي مضمون مختلف ڪھاڻين جي مجموعن جي مھورتن، ورڪشاپس ۽ سنڌي ادبي سنگت جي گڏجاڻين ۾ پڙھيا ھيا، جيڪي ھاڻي ڪتابي شڪل ۾ شايع ٿيا آھن.

آنلائن پڙهو | پي ڊي ايف

ھو جھان ھي من

اي جي اتم
ڪهاڻيون

ھن ڪتاب ۾ 50 جي ڏھاڪي کان 80 جي ڏھاڪي تائين جون ڪھاڻيون شامل آھن، جيڪي ڪافي دفعا ھند ۽ سنڌ ۾ وري وري ڇپيون آھن. ڪي ڪھاڻيون ٻين ٻولين ۾ پڻ ترجمو ٿيون آھن. ڪي ڪھاڻيون سماجڪ، ڪي ورھاڱي جي درد، سنڌيت ۽ ڪي برابري، ڀائپي، آزادي ۽ ايڪتا جي جذبن جا چتر آھن. ڪن ۾ مذاق ۽ طنز بہ آھي، پر سڀني ۾ ڪھاڻي ڪلا جو انگ ۽ سھڻي سپڪ ٻولي ۽ نجي عبارت بہ آھي.

آنلائن پڙهو | پي ڊي ايف

ڪشمڪش

اي جي اتم
ڪهاڻيون

اي جي اتم سنڌي ٻولي ۽ ادب جو ناميارو نالو آهي، هي سنڌ جي ترقي پسند اديبن جي پهرين صف ۾ شمار ٿئي ٿو. اُتم گڏيل هندوستان واري دور ۾ آزاديءَ جي هلچل دوران جيل به ڪاٽيو، هي سوڀي گيانچنداڻي، حشو ڪيولراماڻي، سائين جي. ايم. سيد، ڪرشن کٽواڻيءَ ۽ ٻين جو ساٿي رهيو. ھي ڪتاب اي جي اُتم جي ڪھاڻين جو پھريون مجموعو آھي جنھن جا ٽي ڇاپا (گجراتيءَ سميت) ڇپيا.

آنلائن پڙهو | پي ڊي ايف

ننڍڙين اکڙين سان

پريا وڇاڻي
ڪهاڻيون

پريا وڇاڻيءَ جون ڪھاڻيون پڙھندي ايئن محسوس ٿيو تہ اھي ڪھاڻيون ٻال منووگيان تي آڌارت آھن. لڳ ڀڳ سڀني ڪھاڻين جو مک ڪردار ننڍڙو ٻار آھي. ٻار جي نظريي سان پريا زندگي ۽ زندگيءَ جي مسئلن کي ڏسڻ جي ڪوشش ڪري ٿي. ھي ڪھاڻيون ٻارن جون ڪھاڻيون نہ پر ٻال منووگيان تي آڌارت اھڙيون ڪھاڻيون آھن جنھن کي ھر ھر سنجيدگيءَ سان پڙھندڙ ماڻي ٿو، محسوس ڪري ٿو.

آنلائن پڙهو | پي ڊي ايف

مٺي مراد

مهتاب محبوب
ڪهاڻيون

ناليواري ڪھاڻيڪارہ ۽ ناولنگار ماھتاب محبوب جي لکيل 9 ڪھاڻين جو مجموعو ”مٺي مراد“ اوھان اڳيان پيش آهي. ھن ڪتاب جي ارپنا نسيم کرل کي ڪئي آھي.
نسيم کرل صاحب لکي:
”ليکڪا ماھتاب محبوب جو نالو ڪنھن بني بشر کان ڳجهو ڪونھي جو ھوءَ گذريل سورنھن سترنھن سالن کان لڳاتار سنڌي ادب جي افق تي چوڏھين جي چنڊ جيان پئي چمڪندي رھندي آھي.“

آنلائن پڙهو | پي ڊي ايف

ھستيءَ جو گم ٿيل ٽڪرو

مشتاق شورو
ڪهاڻيون

سنڌ سلامت ڪتاب گهر پاران نامياري ڪھاڻيڪار مشتاق شوري جي ڪھاڻين جو مجموعو ”ھستيءَ جو گم ٿيل ٽڪرو“ اوھان اڳيان پيش آهي. شوڪت شورو لکي ٿو:
”مشتاق شورو پھريون ڪھاڻيڪار ھو جنھن سنڌي نوجوانن جي فرسٽريشن کي کڻي سنڌ ۾ جديد ڪھاڻي لکڻ جي شروعات ڪئي. ھن ڪنھن بہ آدرش، نظريي، ويچار، سوچ ۽ واسطيدار حقيقت ۽ سچ کي ان جي سموريت (Totality) ۾ قبول نہ ڪيو.

آنلائن پڙهو | پي ڊي ايف

محمود مغل جون ڪھاڻيون

محمود مغل
ڪهاڻيون

نامياري ڪالم نگار، ڪھاڻيڪار، ڊراما نگار ۽ ناول نگار محمود مغل جي 30 ڪھاڻين تي ٻڌل مجموعو ”محمود مغل جون ڪھاڻيون“ اوھان اڳيان پيش آهي. محمود مغل لکي ٿو:
”ھنن ڪھاڻين جي چونڊ طارق عزيز شيخ ڪئي آھي. ڪھاڻين جا سڄا سارا ٻہ مجموعا مڪمل کڻي ۽ ڪجه اضافي ڪھاڻيون چونڊي شامل ڪيون اٿس. مون کي اولاد جيان پنھنجي ھر لکڻي عزيز آھي ۽ انھن مان ڪا بہ گهٽ يا وڌيڪ ھرگز نہ ٿو سڏي سگهان.“

آنلائن پڙهو | پي ڊي ايف

چنڊ وسامي ويو

امر جليل
ڪهاڻيون

ھي ڪتاب نامياري ڪھاڻيڪار، ڊراما نگار، ناول نگار ۽ ڪالم نگار امر جليل جي ڪھاڻين جو مجموعو آھي جنھن ۾ ٽن ترجمي ٿيل ڪھاڻين سميت 26 ڪھاڻيون شامل آھن. مھاڳ ۾ امر جليل لکي ٿو:
” روزِ اول کان مون ڏکين ۽ ڏنگين حالتن ۾ لکيو آھي. اوکيون ۽ سوليون حالتون ملن ھا تہ مان شايد لِکي نہ سگھان ھا. گھُٽ، ٻوسٽ ۽ تعزيرات جي ورن وڪڙن ۾ مان پنھنجي وجود ۾ وڌيڪ سگھھ محسوس ڪندو آھيان. مونکي اھڙي زندگي قبول ڪونھي جنھن ۾ چيلينجز ۽ آزمائشون نہ ھجن. گل وڇايل راھن تي ھلڻ بدران مونکي ڪنڊن ۽ ڀڳل شيشا وڇايل راھن تي پيرين اُگاڙو راھي ٿيڻ وڻندو آھي.“

آنلائن پڙهو | پي ڊي ايف

ٽيون وجود

امر جليل
ڪهاڻيون

ھي ڪتاب نامياري ڪھاڻيڪار، ڊراما نگار، ناول نگار ۽ ڪالم نگار امر جليل جي ڪھاڻين جو مجموعو آھي. هي ڪتاب ڪيئي دفعا ڇپيو آهي ۽ هن مجموعي ۾ شامل ڪهاڻيون پنهنجي دور جون لازوال ڪهاڻيون آهن جهڙوڪ، منهنجو پُٽ مهدي، پنجين موسم، ٽيون وجود ۽ ٻيون ڪهاڻيون.

آنلائن پڙهو | پي ڊي ايف

منھنجو ڏس آسمان کان پڇو

امر جليل
ڪهاڻيون

ھي ڪتاب نامياري ڪھاڻيڪار، ڊراما نگار، ناول نگار ۽ ڪالم نگار امر جليل جي ڪھاڻين جو مجموعو آھي. مھاڳ ۾ امر جليل لکي ٿو:
”منھنجي ڪھاڻين جي موضوع ۾ ظاھري يا باطني طرح، سڌي يا اڻ سڌي طرح موت ۽ محبت جو ذڪر ايندو آھي. عام رواجي محبت وانگر عام رواجي موت بہ مونکي متاثر ڪندو آھي. مان غير معمولي ۽ ممنوع محبتن جو شاھد آھيان. ھيءُ ڪتاب ڪنهن بہ لائبريريءَ جي زينت ٿيڻ لاءِ نہ آھي. ھيءُ ڪتاب ھاسٽلن، گھرن ۽ جھر جھنگن ۾ پڙھڻ لاءِ آھي. “

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 آخري

انگ اکر

ڪُل ڪتاب: 1153
ڪتابن جو مشاهدو: 3580722
ڪتاب ڊائونلوڊ جو انگ: 977136
2021 - سنڌ سلامت ڪتاب گهر
حق ۽ واسطا محفوظ