لطيفيات

شاهه جي ڪلام ۾ پھاڪا ۽ محاورا

سيد اظھر گيلاني
لطيفيات

سيد اظھر گيلانيءَ جي تحقيق تي مشتمل ڪتاب ”شاهه جي ڪلام ۾ پھاڪا ۽ محاورا“ اوھان اڳيان پيش آھي. ھن ڪتاب ۾ شاھ عبداللطيف ڀٽائيءَ جي بيتن ۾ استعمال ڪيل پھاڪن ۽ محاورن کي نہ صرف پيش ڪيو ويو آھي ۽ ان جي تشريح ڏني وئي آھي پر ساڳي وقت اھو ثابت ڪيو ويو آھي تہ شاھ جي رسالي ۾ جيترا پھاڪا، محاورا ۽ تشبيھون استعمال ٿيل آھن ايترو خزانو ڪنھن ٻي ٻوليءَ نٿو ملي. ڪتاب ۾ انھن بيتن جي چونڊ ڪئي وئي آھي جن ۾ پھاڪا ۽ محاورا اچن ٿا ۽ ھر پھاڪي کي ڏنگيءَ ۾ رکيو ويو آھي ۽ سامھون ”پ“ لکي ان کي نروار ڪيو ويو آھي.

آنلائن پڙهو | پي ڊي ايف

امُلَهه اڻ توريا (شاهه جي رسالي جا لڌل بيت)

سيد غلام مصطفيٰ شاهه
لطيفيات

ھن ڪتاب ۾ شامل بيت اڳ ڪنھن رسالن ۾ ناھن ڇپيا پر سنڌ ۽ ھند جي ماڻھن وٽ حفظ ٿيل آھن. شاهه عبد اللطيف ڪلچرل سوسائٽي جي صدر سيد غلام مصطفيٰ شاھه ۽ ڪجه ٻين دوستن ڪشالن ۽ مصيبتن سان ھي بيت گڏ ڪيا. شاھ صاحب لکي ٿو:
”ھن ڪم ۾اسان تقريباً ڇھ سال لڳايا، جنھن ۾ اسان جي ڪارڪنن کي ھندوستان ۽ ڪَڇ ۽ ڀِڄ ۽ راجستان ۾ وڃڻو پيو. پاڪستان ۾ ٿر ۽ لاڙ ۾ وڏين ڪوششن سان مواد حاصل ڪيو. جن دوستن اسان جي مدد ڪئي آھي، اُھي آھن فقير امداد علي سرائي، مولوي حاجي خميسو ميرپور بٺوري وارو ۽ فقير رمضان کور واھ وارو. جَت ۽ ناکئا صدين کان شاھ جا مداح ۽ مريد رھيا آھن. شاھ، جو رسالو لاڙي زبان ۾ آھي. جبل، ريگستان، ڪوھستان ۽ سمنڊ سڀ شاھ جي فِڪر جو مرڪز رھيا آھن. اسان ھڪ تمام وڏو مواد ھٿ ڪيو ھو، جنھن جي ڇنڊ ڇاڻ ۽ تصحيح لاءِ اسان محترم محمد ابراھيم جويو ۽ محترم ٻانھي خان کان ڪتاب کي تيار ڪرڻ ۾ مدد ورتي.

آنلائن پڙهو | پي ڊي ايف

شاهه عبداللطيف ڀٽائيءَ جي شاعريءَ ۾ اسلامي قدر

ڊاڪٽر عبدالرحمان جسڪاڻي
لطيفيات

ھي ڪتاب ڊاڪٽر عبدالرحمان جسڪاڻيءَ جو لکيل پي ايڇ ڊي جو مقالو آھي جنھن کي ڊاڪٽر نواز علي شوق پاران نظرثاني ڪري ڪتابي شڪل ڏني وئي آھي.ڪتاب ۾ شاھ جي شاعريءَ ۾ اسلامي قدر، روحانيت ۽ ”جي تو بيت ڀانيان، سي آيتون آھين“ واري فڪر کي قرآني آيتن ۽ رسول ڪريم جي حديثن جي روشنيءَ ۾ ڀيٽي تفصيلي اڀياس پيش ڪيو ويو آھي،

آنلائن پڙهو | پي ڊي ايف

اک الٽي ڌار

نذير سومرو
لطيفيات

ھي ڪتاب محترم نذير سومرو جي شاھ لطيف جي ٽن سُرن سھڻي، مومل ۽ کنڀات تي لکيل تجزياتي مضمونن جو مجموعو آھي. ساجد سنڌي لکي ٿو:
منفرد ڪردار جي مالڪ ۽ سهڻي قملڪار سائين نذير سومري هن ڪتاب ” اک الٽي ڌار“ ۾ ٽنهي سرن خاص طور سهڻي ۽ مومل جي تقليدي اپٽار بدران علامتي اظهار جا انيڪ مَٽ اپٽيا آهن، جن کي پڙهندي سچ ته اکيون حيرت جو بت بڻجڻ تي مجبور ٿين ٿيون، سندس قلم جي رواني ۽ اظهار جي لکت ڏند ڪٿائي دور کان هاڻوڪين حالاتن آڌار پروڙڻ ۽ پرکڻ جي گهڻو ويجهو آڻين ٿيون.

آنلائن پڙهو | پي ڊي ايف

شاھ لطيف جا ڇٽيھ سُر

استاد لغاري
لطيفيات

ھي ڪتاب نامياري ليکڪ ۽ محقق استاد لغاري جو لکيل آھي جنھن ۾ ھن شاھ لطيف جي شاعريءَ جي 36 سُرن جو تعارف ۽ فلسفو بيان ڪيو آھي. استاد لغاري لکي ٿو:
”هن ڪتاب لکڻ جو مقصد، حضرت سيد شاھ عبداللطيف ڀٽائي رحه جي ڇٽيهن سُرن بابت، مفصل معلومات ڏيڻ آهي، ته ڪهڙي سُر جو نالو، ڪهڙي ٻوليءَ مان نڪتل آهي؟ ۽ ان لفظ جي لغوي معنيٰ ڇا آهي؟ ڪهڙي سُر ۾ ڪيترا بيت؟ ڪيتريون وايون؟ ۽ ڪيترا داستان شامل آهن؟ ۽ اهي سُر ڪهڙي راڳڻي ۾؟ ۽ ڪهڙي وقت (ٽائيم) تي ڳايا وڃن ٿا؟ وغيره. هي ڪتاب لسنرز دوستن لاءِ به هڪ ڄاڻ خزانو آهي. هر هڪ سُر جي تعارف کان پوءِ، چند بيت، انهن جون سمجھاڻيون ۽ فلسفا به بيان ڪيا ويا آهن، ته جيئن شاھ عبداللطيف ڀٽائي رحه جي ڇٽيهن ئي سُرن بابت، هر رخ کان روشني پئجي وڃي.“

آنلائن پڙهو | پي ڊي ايف

شاهه لطيف جي وائي ۽ وائيءَ جي اوسر

ستار پيرزادو
لطيفيات

ھي ڪتاب نامياري ليکڪ، شاعر ۽ ايڊيٽر ستار پيرزادي جو لکيل آھي ۽ ايڊيٽنگ پروفيسر محمد سليم ميمڻ ڪئي آھي.
هن ڪتاب ۾ ستار پيرزادي، شاهه لطيف جي وائي ۽ سنڌي وائيءَ جي اوسر تي کوجنا ڪئي آهي. ادبي تاريخن ۾ وائيءَ جي اوسر تي تمام گهٽ ڌيان ڏنو ويو آهي. هي ڪتاب مستقبل ۾ وائيءَ جي تحقيق ڪندڙن لاءِ گهڻو ڪجهه بنيادي ماخذ مهيا ڪندو. هن وائيءَ تي تحقيق ڪري ڪجهه نتيجا به آڏو آندا آهن ۽ اهو به ثابت ڪرڻ جي ڪوشش ڪئي آهي ته وائيءَ جي صنف شاهه عبداللطيف ڀٽائيءَ کان اڳ به موجود هئي، گڏوگڏ هن شاهه عبداللطيف ڀٽائيءَ جي وائيءَ جو تحقيقي جائزو به ورتو آهي. وائي ۽ ڪافيءَ جي گهاڙيٽن ۾ فني فرق کي واضح به ڪيو آهي.

آنلائن پڙهو | پي ڊي ايف

شاھ لطيف هر دور جو شاعر

ڊاڪٽر بشير احمد شاد
لطيفيات

شاھ لطيف جي شاعريءَ ۾ سمايل فڪر ۽ پيغام بابت مقالن ۽ مضمونن جو ھي مجموعو نامياري ليکڪ ۽ محقق ڊاڪٽر بشير احمد شاد جو لکيل آھي. پاڻ لکن ٿا:
”آئون پنهنجي هن ڪتاب ۾ ڀٽائيءَ جي ڪلام جو فني توڙي فڪري جائزو وٺڻ جي ڪوشش ڪئي آهي. حقيقت اها آهي ته لطيف جي شاعري ايڏي ته گھڻ رخي ۽ وسيع آهي جو سندس هڪ هڪ بيت ۽ وائي جا ڪئي پهلو ۽ منجھن ندرتن جا ڪيئي جهان نظر اچن ٿا. منهنجي هن ڪتاب ۾ اهڙا ڪيئي مقالا آهن جن ۾ اوهان شاھ جي ڪلام جي انفراديت، فني ۽ فڪري عروج ۽ ٻوليءَ جي حسناڪين کي محسوس ڪري سگھندا.“

آنلائن پڙهو | پي ڊي ايف

ڀٽائي ۽ ڀُونءِ

ڊاڪٽر ڪمال ڄامڙو
لطيفيات

شاھ عبدالطيف ڀٽائيءَ جي رسالي جي سُرن مان کنيل چونڊ بيتن جي سمجهاڻيءَ تي مشتمل ڪتاب نامياري ليکڪ ۽ محقق ڊاڪٽر ڪمال ڄامڙو لکيو آھي. ڄامڙو صاحب لکي ٿو:
”ڪتاب ’ڀٽائي ۽ ڀونءِ‘ ۾ شاهه سائينءَ جي رسالي جي سڀني سُرن مان ڪجهه بيتن جي سمجهاڻي سُر وار ڏني وئي آھي. اڪثر بيت ڪلياڻ آڏواڻي صاحب جي ترتيب ڏنل رسالي تان کنيا ويا آھن. شاھ سائينءَ جو ڪلام ھزار رنگن جي ھيري مثل آھي. اھو ئي سبب آھي تہ ھر ماڻھو خاص ڪري عالم پنھنجيءَ سمجھه ۽ علم مُطابق بيتن يا شعرن جو مفھُوم ۽ معنيٰ ڪڍندو يا سمجهندو آھي. مُون لطيف سائينءَ کي جيئن سمجهيو آھي، تيئن بيتن جي سمجهاڻي لکي آھي. روحاني رازن بدران بيتن جي ظاهري معنيٰ ۽ مفھُوم کي وڌيڪ اھميت ڏني آھي. ھاڻوڪين حالتن ۾ شاھ جي ڪلام جي اھميت ۽ ڪارج نروار ڪرڻ جي به ڀرپُور ڪوشش ڪئي اٿم. “

آنلائن پڙهو | پي ڊي ايف

عالم سڀ آباد ڪرين

پروين موسيٰ ميمڻ
لطيفيات

پروين موسيٰ ميمڻ جو هيءُ مضمونن جو مجموعو ”عالم سڀ آباد ڪرين“ لطيف سائينءَ جي شاعريءَ جي فلاسافي، فن ۽ فڪر جي الڳ الڳ پهلوئن جي ڇنڊڇاڻ تي آڌاريل آهي. هيءُ شاندار تجزيو سندس محنت ۽ دل سان ڪيل پورهيي کي عيان ڪري ٿو. سپڪ، سهڻي، مڻيادار اندر جي اُڇل ۽ جذبن جي سچائيءَ سان گڏ تحقيق جو پھلو پڻ اُجاگر ٿيل آهي. شاه جي شاعريءَ جي ڪافي پهلوئن کي اجاگر ڪيو اٿس. چاهي ٻولي هجي يا سماجي پھلو هجن. تصوف جي اشارن ۽ علامتي اصطلاحن ذريعي شاه سائينءَ جيڪا انساني اندر کي روشني ۽ رهنمائي ڏني آهي ان کي بيان ڪيو اٿس. سماج جي هر طبقي جي زندگيءَ جا عڪس ۽ اولڙا، ڪڙمي، ڪاسبي، پورهيت هجن يا وري نازڪ جنس عورت جي عظمت جو سوال هجي، سانئڻ پروين وڏي محنت ۽ محبت سان بيان ڪيو آهي.

آنلائن پڙهو | پي ڊي ايف

مونا طور سينا

فقير حاجن نظاماڻي
لطيفيات

هي ڪتاب فقير حاجن نظاماڻي جي مضمونن جو مجموعو آھي جيڪي ھن شاھ عبداللطيف ڀٽائيءَ جي شاعريء، راڳ، سُر ۽ ساز تي لکيا آھن. ساجد سنڌي لکي ٿو:
فقير حاجن نظاماڻي جي قلم جي تقويت ۽ رواني خاص طور مُرشد لطيف جي شاعريءَ کي مختلف پهلوئن جي حوالي سان آشڪار ڪرڻ جي مشق نهايت جاندار ۽ هينئين سان هنڊائڻ جهڙي ان ڪري به آهي جو سندس لکڻ جو ڏانءُ بلڪل منفرد ۽ انوکو آهي، هونئن به فقير حاجن جي مضمونن جو محور شاهه عبداللطيف ڀٽائي رح ۽ لطيف جي لطيف ٻولي ئي رهيو آهي پر سندس لکڻين ۾ شامل سمجهاڻيون، اشارا ۽ اسلوب ايترا ته سهڻي نموني ۽ سادگي سان بيان ڪيا ويا آهن جن کي پڙهندي پڙهندڙ مٿان عجيب سحر جي ڪيفيت طاري ٿي وڃي ٿي، سندس لکڻيون لطيفي رمزن کي سمجهڻ جو آسان ذريعو به آهن ته لطيفي راڳ کي پروڙڻ جو بهترين حل به آهن.

آنلائن پڙهو | پي ڊي ايف

نت نت آهه نئون

لطف پيرزادو
لطيفيات

هي ڪتاب سنڌ جي کاهوڙي ڪردار ۽ ڀٽائي جي پارکو لطف پيرزادي جي شاھ لطيف جي شاعريءَ بابت لکيل مضمونن جو مجموعو آهي.
لطف پيرزادي جي هن ڪتاب ۾ شامل مضمونن ۾ شاهه جي زندگي، شاعري کان سواءِ سندس ذاتي ڪردار ۽ شخصيت تي به گهري نظر وڌي وئي آهي. لطف پيرزادي لطيفيات ۾ ڀٽائي جي درگاهه، سندس فقيرن جي ڪردار ۽ اُن ۾ جديديت توڙي قدامت کي به سامهون آڻڻ جي ڪوشش ڪئي آهي. لطف پيرزادي جي سماج، سياست، عقيدت تي گهري نظر هئي، اُهو ئي سبب آهي جو هن لطيف تي منفرد قسم جو ڪم ڪيو آهي.

آنلائن پڙهو | پي ڊي ايف

ڏورِ تِئائين ڏَسُ

نور احمد جنجهي
لطيفيات

هي ڪتاب نامياري ليکڪ، شاعر ۽ محقق نور احمد جنجهي جو لطيف شناسيءَ تي لکيل مضمونن جو مجموعو آهي.
نور احمد جنجهي صاحب لطيف جي اهڙن اسرارن ۾ ڏَور وڌي آهي جتي لفظن کان اڳيان وڌڻ جو درس آهي، دل ۽ روح مان نڪرندڙ ڳالهين جا هُل هلاچا آهن، محبت جي تشنگي تار مان پار پوڻ جا ساٺ آهن، آيل لاءِ روئڻ کي سرتين جي دانهن آهي. اهڙن سمورن خيال کي سائينءَ بخوبي نڀايو آهي. سائين نور احمد جون هنيين ۾ هنڊائڻ جهڙيون الست تحريرون اميد ته پڙهندڙ تي گهرو اثر ڇڏينديون ۽ ان سحر ۾ اچي هو قدرتي لقائن مان لاڀ حاصل ڪندا. هي يار خود زماني جي رنگ کان پاسي رهي اهي سموريون لافاني تحريرون تحرير ڪندو رهيو آهي.

آنلائن پڙهو | پي ڊي ايف

شاهه لطيف ۽ وليم ورڊس ورٿ جي شاعريءَ ۾ رومانويت (تقابلي جائزو)

ڊاڪٽر ساجده پروين
لطيفيات

هي ڪتاب ڊاڪٽر ساجدہ پروين جي ايم.اي فائنل جي مونوگرافڪ ٿيسز آھي جنھن کي ڪتابي صورت ۾ ڇپايو ويو آهي. محترمہ لکي ٿي:
آءٌ سمجهان ٿي تہ شاه جي فڪر ۽ فلسفي کي جيڪڏهن گلوبل ليول تي مڃتا ڏيارڻي آهي تہ پوءِ کيس دنيا جي ناليوارين ادبي شخصيتن سان ڀيٽڻ جي سخت ضرورت آهي. هي ڪتاب انهيءَ سلسلي جي هڪ ڪڙي ثابت ٿيندو. هن وقت ضرورت ان ڳالھ جي آهي تہ اسان گهڻ ورجايل روايتي ۽ عام موضوعن کان هٽي جديد بين الاقوامي تناظر ۽ تحريڪن جي پس منظر ۾ پنهنجي ادب کي پيش ڪريون.

آنلائن پڙهو | پي ڊي ايف

شاهه جي شاعريءَ جو پهاڪاتي پهلُو

انجنيئر عبدالوھاب سھتو
لطيفيات

هن ڪتاب ۾ اهي سڀ ميسر ٿي سگهيل مقالا ۽ مضمون ڪَٺي ڪيا ويا آهن، جيڪي شاهه لطيف جي شاعريءَ جي پهاڪن ۽ چوڻين تي لکيا ويا آهن. ان ريت، ڄاڻايل موضوع تي هيءُ پهريون مرتب ڪيل ڪتاب چئي سگهجي ٿو.

آنلائن پڙهو | پي ڊي ايف

شاهه جو رسالو (ڪلياڻ آڏواڻي)

ڪلياڻ آڏواڻي
لطيفيات

شاهه جو رسالو (ڪلياڻ آڏواڻي) اوهان اڳيان پيش ڪري رهيا آهيون. هي رسالو معنيٰ ۽ تشريح سان گڏ ٽيڪسٽ فارميٽ ۾ پهريون دفعو آنلائين ڪري رهيا آهيون.
سڀ کان اڳ هن رسالي جا مڪمل بيت ڀرڳڙي ويب سائيٽ تي اپلوڊ ڪري آنلائين ڪيا ويا هئا. پياري راشد شر پاران سنڌيڪا اڪيڊمي پاران ڇپايل تشريح ۽ معنيٰ واري ايڊيشن کي نئين سر ڪمپوز ڪري آنلائين ڪرڻ لاءِ موڪليو آهي. سنڌ سلامت سٿ راشد جي محنتن تي کيس سلام پيش ڪري ٿو.

آنلائن پڙهو | پي ڊي ايف
صفحا: پهريون 1 2 3 آخري

انگ اکر

ڪُل ڪتاب: 1024
ڪتابن جو مشاهدو: 3343334
ڪتاب ڊائونلوڊ جو انگ: 890360
2020 - سنڌ سلامت ڪتاب گهر
حق ۽ واسطا محفوظ