شاعري

وکريل وجود

نظر لاکائي
شاعري

نظر لاکائيءَ جي شاعريءَ ۾ لفظن جي چونڊ سادي سلوڻي ۽ آسان آھي، انھيءَ ۾ ڪوبہ ڏيکاءُ يا اٽڪل بازي، وڌاءُ يا ٽنباءُ ڪونھي. سندس شاعري مقصد کان وانجهيل ناھي. انڪري ئي سندس شاعريءَ ۾ اسان کي ھرھنڌ پڙھندڙ لاءِ پيغام نظر اچي ٿو.

آنلائن پڙهو | پي ڊي ايف

دل جو رستو (رومانوي غزل)

اسحاق سميجو
شاعري

ھن ڪتاب ۾ شيخ اياز، نارائڻ شيام، استاد بخاري، ايم ڪمل، امداد حسيني، مخدوم طالب الموليٰ، وفا ناٿن شاھي، ذوالفقار راشدي، ارجن حاسد، تنوير عباسي، آثم ناٿن شاھي، محسن ڪڪڙائي، ارجن شاد، وفا پلي، علي محمد مجروح، واسديو موھي ۽ اياز گُل جا رومانوي غزل ۽ سندن تعارف شامل آھي.

آنلائن پڙهو | پي ڊي ايف

چنڊ ڳليون

شيخ اياز
شاعري

’چنڊ ڳليون‘، شيخ اياز 244 ترائيلن جو مجموعو آهي. ڪتاب جي مهاڳ ۾ اياز ڄاڻايو آهي تہ ”ترائيل، فرينچ شاعريءَ جي صنف آهي ... اسان ترائيل جو فارم، اردوءَ تان ورتو آهي. ... مون کي اردو ترائيل جو ترنم پسند آيو آهي، جيڪو فرينچ ۽ انگريزي ترائيل وانگر نہ آهي، اُن جو فارم ساڳيو آهي، پر ترنم ۾ زمين آسمان جو فرق آهي. ترائيل جا تجربا اردو يا سنڌي ادب ۾ مان پهريون ڀيرو نہ ڪري رهيو آهيان، پر اردو ۽ سنڌي ترائيل رڳو ’فاعلاتن فعلاتن فعالتن فعلن‘ ۽ غالباً ’مفاعلن فعلاتن مفاعلن فعلن‘ جي وزن تي جوڙيو ويو آهي. مون ان ۾ تجرباتي طور ٻيا وزن بہ پھريون ڀيرو ڪم آندا آهن ۽ گهاڙيٽن کي به ڪڏهن ڪڏهن ڦيرايو آهي.“

آنلائن پڙهو | پي ڊي ايف

انگاس تي ٽنگيل رباب

مرتضى ناز
شاعري

نئين ٽھيءَ جي خوبصورت شاعر مرتضيٰ ناز جي شاعريءَ جو پھريون مجموعو ” انگاس تي ٽنگيل رباب “ اوهان اڳيان پيش آھي. مرتضيٰ ناز نئين ٽھيءَ جي شاعراڻي سٿ جو فني ۽ فڪري قالب جو پختو شاعر آھي جنھن پنھنجي ھن تخليقي پورھيي ذريعي جديد سنڌي شاعريءَ جي وسيع سرسبز کيتر ۾ پير ڌريو آھي. ھن وٽ نہ رڳو موضوعن جي گهڻ پاسائين پالوٽ آھي پر فڪري مبالغي بدران سڌي سنئين چوڏھين چنڊ جھڙي چٽي فڪري رھنمائي ڀري واٽ پڻ آھي.

آنلائن پڙهو | پي ڊي ايف

اي چنڊ ڀٽائيءَ کي چئجان

انور پيرزادو
شاعري

اسان يقين سان چئي سگھون ٿا تـ هي ڪتاب سنڌي شاعريءَ جي تاريخي اڀياس لاءِ گم ٿيل ڪڙيءَ وانگر آهي، 70ع ۽ 80ع وارا ڏهاڪا سنڌي معاشري ۽ ادب لاءِ هڪ اهم دور رهيا آهن. سنڌي سماج جي سامهون اها چئلينج سياسي ۽ معاشرتي طور تي اڀري آئي هئي جتي تاريخي طور تي سهپ ۽ دانش وارين روايتن کي اڻسهپ ۽ انتهاپسندي وارين روايتن ۾ تبديلي ڪرڻ جي شعوري ڪوشش رياستي ذريعن سان ڪئي وئي.

آنلائن پڙهو | پي ڊي ايف

راھون پنڌ پيون

نارايڻ شيام
شاعري

ھند سنڌ جي نامياري شاعر نارايڻ شيام جي غزلن جو مجموعو ”راھون پنڌ پيون“ اوھان اڳيان پيش آھي. ھن ڪتاب جو سھيڙيندڙ مصطفيٰ نانگراج آھي، ھو لکي ٿو:
”شيام گهڻ رخو شاعر هو- هونئن بہ ڪيفيتن جا انبار ئي تہ شاعريءَ جي خوراڪ ٿي ٿئي- هُن شاعريءَ جي پراڻي گلدان ۾ شعرن جا ايترا تہ نوان گل رکيا جو سنڌي شاعري نہ رڳو رات راڻيءَ جي خوشبوءَ جيان مهڪي اٿي، بلڪ شاعريءَ جو هڪ نئون نڪور ۽ رنگ برنگي ڪهڪشان جُڙي پيو.“

آنلائن پڙهو | پي ڊي ايف

پيار پن ڇڻ ۽ وفا

وفا حاڪم وساڻ
شاعري

وفا حاڪم وساڻ جي شاعريءَ ۾ خاص ڪري غزل ۾ نھايت سليس تشبيھون عام ٻوليءَ کان ھٽي سادگيءَ سان پنھنجي جذبن جو اظھار نمايان آھي. وفا حاڪم پيار جو شاعر ھجڻ سان گڏ پنھنجي سماج سان بہ سلھاڙيل آھي. سندس شاعري ۾ سھڻي سوچ سان گڏ جذبن جي سچائي بہ موجود آھي.

آنلائن پڙهو | پي ڊي ايف

ڏات ۽ حيات

نارايڻ شيام
شاعري

ھن ڪتاب ۾ نارايڻ شيام جا 315 غزل شامل آھن. مهاڳ، نامياري عالم ۽ شاعر هرو مل سدارنگاڻي ’خادم‘ لکيو آهي. هو لکي ٿو تہ:
”شيام اسان جو پيارو ۽ قرب وارو شاعر آهي. ڪتاب ۾ احساسن جي شاعري آهي. شبد چتر (Imagism) ان جي جان آهي. شعر پڙهڻ سان اکين آڏو هڪ تصوير اُڀري اچي ٿي ۽ پنهنجو مفهوم محسوس ڪرائي ٿي.“

آنلائن پڙهو | پي ڊي ايف

چنڊ چنبيليءَ ول

شيخ اياز
شاعري

ھن ڪتاب ۾نظم، گيت، وايون ۽ ٽہ سِٽا شامل آهن. مھاڳ ۾ سراج صاحب لکي ٿو:
”اياز جو شعر اياز جي مُرڪ جيان سچو بہ آھي تہ ڇرڪائيندڙ بہ. اياز جي سڀ کان وڏي شاعراڻي خوبي آھي، جو ھن جي فڪر ۽ خيال ۾ جيڪا لطافت يا رنگيني آھي، ان لاءِ ھو لفظ بہ اھڙا ئي لطيف ۽ رنگين ٿو استعمال ڪري. اياز جو ھي مجموعو سنڌي ادب ۾ ۽ خاص طرح شاعريءَ ۾ ھڪ خاص، منفرد جاءِ والاريندو ڇاڪاڻ تہ اياز انھن بلندين تي موٽي آيو آھي، جن کي اسان وٽ اسان جي وقت ۾ ٻيو ڪو شاعر اڃا ڇُھي نہ سگهيو آھي.

آنلائن پڙهو | پي ڊي ايف

امر راڳي امر گيت - سرمد سنڌي

ڪوثر ٻرڙو (مرتب ڪندڙ)
شاعري

ھن ڪتاب ۾ سنڌ جي امر راڳي مرحوم رحمان مغل (سرمد سنڌي) پاران ڳايل مختلف شاعرن جي شاعريءَ کي ھڪ ڪتاب ۾ سھيڙي ڀيٽا ڏني وئي اھي.

آنلائن پڙهو | پي ڊي ايف

اڪن نيرا ڦليا

شيخ اياز
شاعري

ھن ڪتاب ۾ شامل شيخ اياز جي شاعري ٿر جي پسمنظر ۾ ڪيل آهي، ان ۾ نہ رڳو ٿر جا اصطلاح، پر رسمون، تهذيب، تاريخ ۽ طبعي سونهن بيان ٿيل آهي. ھي ڪتاب ٻن ڀاڱن تي مشتمل آھي. ھڪ ڀاڱو بيتن جو آھي ۽ ٻيو گيتن، واين ۽ نظمن جو آھي. شيخ اياز هن ڪتاب جي ارپنا پنهنجي دوست ۽ محسن محمد ابراهيم جويي جي نالي ڪئي آهي.

آنلائن پڙهو | پي ڊي ايف

بوند، لھرون ۽ سمنڊ

نارايڻ شيام
شاعري

ھند سنڌ جي نامياري شاعر نارايڻ شيام جي غزلن جو مجموعو ”بوند، لھرون ۽ سمنڊ“ اوھان اڳيان پيش آھي. ھن ڪتاب ۾ نارايڻ شيام جي شاعريءَ جو اڀياس ”تنوير عباسيءَ“ لکيو آھي. تنوير عباسي لکي ٿو:
”نارايڻ شيام سنڌيءَ جو اھو نرالو شاعر آھي، جيڪو پنھنجي نرالي اسلوب، لھجي ۽ مزاج، فڪر، ٻوليءَ، موسيقيت ۽ ڪامياب تجربن سببان، سنڌي شاعريءَ جي موجودہ دور جي وھڪري ۾ رھندي بہ، ان وھڪري کان ڌار ھڪ انوکي، نرالي ۽ دائمي حيثيت رکي ٿو.“

آنلائن پڙهو | پي ڊي ايف

پيار جا 9 گيت

شمشير الحيدري
شاعري

جرمن ٻوليءَ جي شاعرہ مئڊم ارمگارڊ ليوپڪي گريف جي 9 گيتن جو سنڌي ترجمي جو ڪتاب ”پيار جا 9 گيت“ اوھان اڳيان حاضر آھي. ھنن گيتن جو سنڌيڪار تيرٿداس ھوتچند جڏھن تہ ڪوتا ۽ راڳ ۾ آڻيندڙ شمشير الحيدري آھي.
مئڊم ارمگارڊ ھڪ ئي وقت جرمني ٻوليءَ جي شاعرہ، ناول نويس، افسانہ نويس، مضمون نگار، مزاح نگار، نقاد ۽ ريڊيو آرٽسٽ آھي ۽ سندس گيت موسيقيءَ جي محفلن ۾ اڪثر ڳايا ويندا آھن. ھن کي سندس مڙس ڊاڪٽر گرڊ ليوپڪي کي سنڌي شاعريءَ سان گهڻو چاھ ۽ انس آھي.

آنلائن پڙهو | پي ڊي ايف

هوا جي بانسري

رضا بخاري
شاعري

رضا بخااريءَ جي شاعريءَ ۾ ڪمال جي crafting آھي. لفظن کي ايئن گهڙڻ جيئن رضا گهڙيو آھي ڪو سولو ڪم ناھي اھو ڪو ڪاريگر ئي ڪري سگهي ٿو. ھن غزلن ۾ ننڍڙا، سادا ۽ سليس وزن استعمال ڪيا آھن. ننڍي وزن وارا غزل ئي رضا جي سڃاڻپ ۽ انفراديت ٿي ويا آھن. رضا جي شاعريءَ ۾ اظھار جو نئون ۽ نرالو انداز آھي. ھن وٽ خيالن کي بيان ڪرڻ ۽ احساسن کي چِٽڻ جو ھڪ الڳ اسلوب ۽ ڌار اسٽائيل آھي.

آنلائن پڙهو | پي ڊي ايف

ٿوھر ھيٺان ننڊ

فراق ھاليپوٽو
شاعري

ڪتاب ۾ غزل، بيت، وايون، نظم ۽ نثري نظم شامل آهن. هن ڪتاب جو مهاڳ وسيم سومري لکيو آهي، هو لکي ٿو ته: ”جڏهن شاعر پُختگيءَ جون منزلون ماڻڻ شروع ڪندو آهي ته بحر وزن سان گڏ ٻوليءَ جي استعمال جا ڪيترائي مامرا هن لاءِ ثانوي ٿي ويندا آهن ۽ هن لاءِ رڳو تصور جي اڏام ئي اصل مقصد بنجي ويندي آهي.“

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 آخري

انگ اکر

ڪُل ڪتاب: 1153
ڪتابن جو مشاهدو: 3580613
ڪتاب ڊائونلوڊ جو انگ: 977118
2021 - سنڌ سلامت ڪتاب گهر
حق ۽ واسطا محفوظ