ڪارو سج

سنڌسلامت ڪتاب گهر پاران نامياري شاعرہ ريحانہ چنڙ جي نظمن جو مجموعو ”ڪارو سج“ اوھان اڳيان آڻي رھيا آھيون، جنھن جو اردو ترجمو ”سياہ سورج“ جي نالي سان عطيہ دائود ڪيو آھي.
ھي ڪتاب ريحانہ چنڙ جي نثري نظمن جو ڳٽڪو آھي، جيڪي اکين جو رستو چيري اندر ۾ آنڌمانڌ مچائڻ جي سگهہ رکن ٿا. ريحانہ ھنن نظمن کي سيلف ايڪسپريشن سڏي ٿي پر حقيقت ۾ ھي نظم معاشري جو آواز آھن. ھنن نظمن ۾ وارتائن ۽ لقائن ڏانھن آڱر کنيل آھي. نظمن جو اردو ترجمو عطيہ دائود ڪيو آھي.
ھي ڪتاب 2019ع ۾ سمبارا پبليڪيشن، حيدرآباد پاران ڇپايو ويو. ڪتاب جي اسڪين ڪاپي ايم ايڇ پنھور انسٽيٽيوٽ آف سنڌ اسٽڊيز جي سھڪار سان اوهان سان شيئر ڪجي ٿي.

محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com

نوٽ: ھن ڪتاب جي رڳو پي ڊي ايف ڪاپي موجود آھي