محمد سليمان وساڻ طرفان شامل ڪيل ڪتابَ

جيل گهاريم جن سان

طارق اشرف
جيل ڊائري

طارق اشرف جي جيل جي اندر وارن سياسي ساٿين بابت خاڪا آھن. انهن ۾ سردار شير باز خان مزاري، رسول بخش پليجو، مير رسول بخش ۽ جنرل شيروف سميت ڪل ٻارھن ماڻھن بابت خاڪا آھن. رسول بخش پليجي واري خاڪي ۾ صفائي سٿرائي، ننهن وڌڻ، بوٽ پالش ۽ اھڙن ٻين معاملن تي تفصيل سان لکيو اٿس. بهرحال ھي خاڪا طارق جي ساٿي سياسي قيدين جي عادتن ۽ ذات بابت آھن ۽ دلچسپيءَ کان خالي نه آھن.

آنلائن پڙهو | پي ڊي ايف

يادگيريون

سيٺ نائونمل ھوتچند / محمد حنيف صديقي
آتم ڪٿا / آٽوبايوگرافي

سيٺ نائونمل جي لاءِ اھو مشھور آھي تھ ھن پنھنجي وطن سان غداري ڪري، انگريزن جو ڇاڙتو ٿي، سنڌ کي غلام بنائڻ ۾ اھم حصو ورتو. سنڌي ادبي بورڊ، نائونمل جون ”يادگيريون“ شايع ڪري، قوم جي آڏو تاريخ جي ھڪ اھم مسئلي کي پيش ڪيو آھي.
ڪتاب ۾ ھڪ طرف ميرن جي دؤر جي اقتصادي، تعليمي، سماجي ۽ سياسي حالت جو ذڪر ڪيل آھي، ته ٻئي طرف سيٺ نائونمل، پنھنجون حرفتون، حرڪتون، سازشون، چالاڪيون ۽ چالبازيون پنھنجن ئي لفظن ۾ پاڻ بيان ڪيون آھن.

آنلائن پڙهو | پي ڊي ايف

تلاش

نجم عباسي
ناول

ھن ناول جي ڪھاڻيءَ ۾ نہ رڳو اسان کي سماج جا عڪس ۽ اولڙا نظر ايندا پر پورو سماج نظر ايندو ۽ اسان جي سماج ۾ جيڪي بُرايون موجود آھن، انھن جي تصوير نظر ايندي، جاگيردارانہ سماج جا سمورا اولڙا ۽ اوڻايون نظر اينديون،

آنلائن پڙهو | پي ڊي ايف

جڏھن ٽڙندا ڳاڙھا گل

شگفته شاهه
ناول

شگفته شاهه ڪافي عرصي کان لکندي پئي اچي. شگفته شاهه سنڌ جي هڪ حساس شاعره آهي. پنھنجي نانءَ جيان ٻاجهاري ۽ شگفتہ ڪلاڪار جو ھي ناول ھن سماج جي ھڪ ڪربناڪ صورتحال جو ڪچو چٺو آھي. جن ھيروز جي سنڌي سماج کي ضرورت آھي، ان کي بہ ھوءَ تفصيل سان پڌرو ڪرڻ ۾ ڪامياب وئي آھي.

آنلائن پڙهو | پي ڊي ايف

قيد ڪشالا زندگي

الھورايو بھڻ
آتم ڪٿا / آٽوبايوگرافي

ھي ڪتاب استاد ۽ شاعر الھورايوبِھڻ جي لکيل آتم ڪٿا آھي. ھي ھڪ اھڙي قيدي ٻار جي ڪٿا آھي جيڪو حُر ڪيمپ ۾ قيد ھيو پر علم جي تلاش ۾ رھيو ۽ اھو سفر قلمبند ڪيائين. حر ڪيمپ جي لوڙھن ۾ قيد ۽ ان زماني جون يادون ۽ سارون سندس خاص موضوع آھن.

آنلائن پڙهو | پي ڊي ايف

زندان جي جهروڪي مان

ڪامريڊ غلام محمد لغاري
آتم ڪٿا / آٽوبايوگرافي

ھي ڪتاب سنڌ ڌرتيءَ جي ھڪ انتھائي بھادر ۽ بيباڪ انسان ڪامريڊ غلام محمد لغاريءَ جي جيل مان لکيل خطن جو مجموعو آھي جيڪي ھن بنديخاني مان پنھنجي دوست ميان علي بخش علڻ ڏانھن لکيا.
ھو لکي ٿو: ”ھنن اکرن ۾ سترھن تالن جي اندر بند ٿيل قيديءَ جي من جي سوچ ۽ لوچ آھي. جيڪي گهڙيون مون سنڌ کان جدائيءَ ۾ گهاريون آھن، سي منھنجي ندگيءَ جو قيمتي سرمايو آھن. اھي لفظ منھنجي دل جا ٽُڪر آھن، منھنجي مَن جون صدائون آھن. منھنجي اندر جا اُڌما آھن، جن کي منھنجي قيدي قلم پئي لکيو آھي.“

آنلائن پڙهو | پي ڊي ايف

تنهنجي ڳولا تنهنجون ڳالهيون

زرينه بلوچ
ڪهاڻيون

سنڌي لوڪ گيتن جي مشهور گلوڪاره، ليکڪا ۽ سياسي ڪارڪن جيجي زرينه بلوچ جي ڪهاڻين جو مجموعو”تنهنجي ڳولا تنهنجون ڳالهيون“ اوهان اڳيان حاضر آهي. ياد رهي ته سندس هن ڪهاڻين جي مجموعي ۾ سندس مشهور ڪهاڻي ”جيجي“ به شامل آهي. سندس ان ئي ڪهاڻي سبب زرينه بلوچ ”جيجي“ جي نالي سان مشهور ٿي وئي.​
هي ڪتاب نيو فيلڊس پبليڪيشن پاران 1992ع ۾ ڇپايو ويو جنهن جي اسڪين ڪاپي ڪرزمه ويب جي ٿورن سان شيئر ڪجي ٿي.

آنلائن پڙهو | پي ڊي ايف

ڏٺم اڻ ڏٺل

نجم عباسي
آتم ڪٿا / آٽوبايوگرافي

ھي ڪتاب نامياري ليکڪ نجم عباسي جي آتم ڪٿا ۽ ساروڻين تي مشتمل آھي. ڊاڪٽر نجم عباسي، سنڌي ادب ۾، انهن ٿورڙن ليکڪن منجهان هو،جن مقصدي ادب لکيو ۽ ادب ۾ نعريبازيءَ کي جائز سمجهندي، پنهنجي لکڻين جي ذريعي پنهنجي نظرين جو پرچار ڪيو. هي ڪتاب 1980ع ۾ لطيف ادبي اڪيڊمي حيدرآباد پاران ڇپايو ويو.

آنلائن پڙهو | پي ڊي ايف

نورجھان

ڊاڪٽر هوتچند مولچند گربخشاڻي
ناول

نورجهان ڊاڪٽر صاحب جي اعليٰ ادبي ذوق جو هڪ ادنيٰ مثال آهي. سندس هي ناول فن ۽ فڪر جي لحاظ کان هر دؤر ۾ پسند ڪيو ويو آهي. هن ناول جي اشاعت کي اٽڪل اڌ صدي ٿيڻ تي آهي پر ان جي سرهاڻ ۾ ڪوبه فرق نه آيو آهي، بلڪه ڏينهون ڏينهن سندس واس وڃي ٿو وڌندو. نورجهان نه فقط فن ۽ فڪر جي خيال کان ٻاهر بلڪه ٻولي جي لحاظ کان پڻ پنهنجو مٽ پاڻ آهي.
هن وقت تائين جيڪي به تاريخي ناول لکيا ويا آهن، تن مان ڪوبه هن ناول سان برميچڻ جهڙو ڪونهي. بلڪه ائين چوڻ ۾ وڌاءُ نه ٿيندو ته سنڌي تاريخي ناول نگاري جي حقيقي ابتدا نورجهان سان ئي ٿئي ٿي

آنلائن پڙهو | پي ڊي ايف

ساهه مُٺ ۾

ماڻڪ
ناول

منير ماڻڪ جو لکيل ناول ”ساهه مٺ ۾“ به هڪ دور جي تاريخ آهي. هي ناول ون يونٽ جي آئيني تسلسل، ڀٽو حڪومت جي دور ۽ ان ۾ پيدا ٿيل حالتن جي پس منظر ۾ لکيل آهي. جنهن ۾ هڪ غلام قوم جي ساڃاهه وند فرد جي خوف، عدم تحفظ جي احساس، پنهنجي ئي ڌرتيءَ تي اوپرائپ ڀري ماحول مان پيدا ٿيل انديشن جي مڪمل عڪاسي ڪئي وئي آهي.

آنلائن پڙهو | پي ڊي ايف

اجري ڌرتي ميرا ماڻهو

يار محمد چانڊيو
ناول

”سنڌ جيڪا هميشه امن ۽ صوفين جي سرزمين طور مشهور آهي اها اڄڪلهه مذهبي ڪٽرپڻي ۽ نفرت جو شڪار ٿيڻ لڳي آ. ڪجهه ميرا ماڻهو هن اجري ڌرتيءَ کي ميرو ڪرڻ جو ناپاڪ ارادو رکن ٿا! اڄ ان ڳاله جي ضرورت آهي ته اهڙن ماڻهن جي خراب خيالن کي رد ڪرڻ لاءِ قلم کڻجي! هي ناول لکي يار محمد چانڊئي هڪ پيچرو ٺاهيو آهي جنهن تي سنڌ جي ٻين قلم ڌڻين کي به هلڻ کپي ته جيئن ملي ڪري سنڌ جي تقدس کي برقرار رکي سگهجي!“

آنلائن پڙهو | پي ڊي ايف

هائوسنگ سوسائٽي

قرت العين حيدر / منصور ٻرڙو
ناول

هائوسنگ سوسائٽي ورهاڱي جي پسمنظر ۾لکيل ناول آهي، جنهن ۾ 1947ع ۾ هندستان کان لڏي آيل ٻن گهراڻن جو قصو آهي. هن ناول ۾ ورهاڱي جي تصوير پيش ٿيل آهي ته ڪيئن ماڻهن ڪوڙ ڳالهائي ڪوڙا ڪليم داخل ڪري هتي مال ملڪيتون ورتيون ۽ ڪيئن اتي جا سکيا ستابا ماڻهو پنهنجي حقن وٺڻ کان محروم ٿي ويا.

آنلائن پڙهو | پي ڊي ايف

ڳولا

رحمت الله ماڃوٺي
ناول

1987ع ۾ لکيل ھن ناوليٽ کي 2012ع ۾ ڇپايو ويو آھي. رحمت جي نوجواني ۾ لکيل ناول ”ڳولا“ جيڪو سندس الائي ڪيترن پرستارن ته اڻ ڇپيل ئي پڙهي ورتو۔ پر هن درويش کي ڪا فڪر نه رهي ته ناول جو ڇا ٿيندو۔ ۽ هاڻ جڏهن اهو ناول ڇپيو آهي ته ڪُجهه نا معلوم سببن جي ڪري مارڪيٽ ۾ اچي ناهي سگهيو۔

آنلائن پڙهو | پي ڊي ايف

ماءُ

ميڪسم گورڪي / محمد عثمان ڏيپلائي
ناول

ميڪسم گورڪيءَ جي لکيل ھن ناول جو سنڌيڪار محمد عثمان ڏيپلائي آھي.
روسي ناول نگار ميڪسم گورڪيءَ جو لکيل ھي ناول 1906ع ۾ انگريزيءَ ۾ Mother جي نالي سان ۽ 1907ع ۾ روسي زبان ۾ ڇپيو. ڏيپلائي صاحب 1957ع ۾ ان جو سنڌي ترجمو ڪيو. ڪتاب جو ٻيو ڇاپو 1994ع ۾ روشني پبليڪيشڻ ڪنڊيارو پاران ڇپايو ويو.

آنلائن پڙهو | پي ڊي ايف

ٽي ناوليٽ (رُڃ ۽ پڙاڏا، پاتال ۾ بغاوت ۽ لڙهندڙ نسل)

ماڻڪ
ناول

ماڻڪ جي سڃاڻ هڪ منفرد ۽ الڳ ليکڪ واري آهي، جنهن لاء ماڻڪ جي ڪتاب ”حويليءَ جا راز“ جي مهاڳ ۾ شوڪت شورو لکي ٿو ”ماڻڪ، بي رحم، قاتل ۽ ظالم ليکڪ، سنڌي ليکڪن جي ڊگهي قطار کان هٽيل، ڪٽيل ۽ الڳ. جنهن کي سنڌ ادب جا تارا ٺيڪيدار ليکڪ مڃڻ لاءِ ئي تيار ناهن ۽ پڙهندڙ هن کي شوق سان پڙهڻ کانپوءَ گاريون ڏيندا آهن.“
هي ناوليٽ مختلف وقتن ۾ ڪيترائي دفعا ڇپيا پر روشني پبليڪيشن پاران ٽنهي ناوليٽس کي هڪ ئي ڪتاب ۾ 1992ع ۾ ڇپايو ويو.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 آخري

انگ اکر

ڪُل ڪتاب: 1024
ڪتابن جو مشاهدو: 3343501
ڪتاب ڊائونلوڊ جو انگ: 890419
2020 - سنڌ سلامت ڪتاب گهر
حق ۽ واسطا محفوظ