محمد سليمان وساڻ طرفان شامل ڪيل ڪتابَ

حيدرآباد 47 ڪلوميٽر

زيب سنڌي
ڪهاڻيون

”حيدرآباد 47 ڪلوميٽر“ ۾ 6 ڪھاڻيون شامل آھن. ھن ڪتاب ۾ شامل ڪھاڻيون 2007ع کان 2009ع تائين جي ٽن سالن دوران لکيل آھن. انھن ڪھاڻين ۾ ھڪ فينٽيسي بہ آھي، تہ ھڪ مسٽري اسٽوري بہ آھي.زيب سنڌيءَ جي ڪهاڻين جا پلاٽ اسان جي ئي سماجي مسئلن ۽ مونجهارن تي مشتمل آهن. هن اهڙن ڪردارن تي به لکيو آهي جن کي اڪثر نظر انداز ڪيو وڃي ٿو، جنهن سبب هو معاشري ۾ احساسِ ڪمتري جو شڪار رهن ٿا. پيار کان ويندي پرماريت تائين هن ڪيترن ئي انوکن موضوعن تي لکيو آهي،

آنلائن پڙهو | پي ڊي ايف

وکريل وجود

نظر لاکائي
شاعري

نظر لاکائيءَ جي شاعريءَ ۾ لفظن جي چونڊ سادي سلوڻي ۽ آسان آھي، انھيءَ ۾ ڪوبہ ڏيکاءُ يا اٽڪل بازي، وڌاءُ يا ٽنباءُ ڪونھي. سندس شاعري مقصد کان وانجهيل ناھي. انڪري ئي سندس شاعريءَ ۾ اسان کي ھرھنڌ پڙھندڙ لاءِ پيغام نظر اچي ٿو.

آنلائن پڙهو | پي ڊي ايف

ڀڻ جھڻ

انور پيرزادو
ڪالم / مضمون

ھن ڪتاب اندر انور پيرزادي جا 1989ع کان 1990ع ۾ ھلال پاڪستان اخبار ۾ ڇپيل ڪالم ”ڀڻ جهڻ“ ۽ عوامي آواز، سنڌ سجاڳ ۽ سچ اخبارن ۾ ايڊِيٽر طور 1990ع، 1991ع ۽ 1992ع جا لکيل ڪجه ايڊيٽوريل شامل آھن. انور پيرزادي جا ايڊيٽوريل ”گائيڊ لائين“ جي حيثيت رکندا ھيا ۽ سنڌ، جمھوريت ۽ عوام جو انتھائي بھادري ۽ بيباڪيءَ مان ڪيس وڙھندا ھيا.

آنلائن پڙهو | پي ڊي ايف

سوا سيڪنڊ ۾ دور

محمد موسا ڪمال خان انڙ
تعليم

ڪتاب ”سوا سيڪنڊ ۾ دور (گرامر چوٿين درجي لاءِ)“ اوھان اڳيان پيش آھي. ھن ڪتاب جو ليکڪ محمد موسا ڪمال خان انڙ آھي. ھن ڪتاب ۾ سڄي گرامر جو انتخاب ڏنل آھي. ھن ڪتاب ۾ جھڙوڪ سڄي گرامر جو انتخاب قلمبند ڪيل آھي. ھي ڪتاب ايڇ – احمد اينڊ سنس بڪسيلرس ۽ پبلشرس شاھي بازار حيدرآباد پاران 1956ع ۾ ڇپايو ويو

آنلائن پڙهو | پي ڊي ايف

اُٺ ماما گوگڙو

ياسر قاضي
ٻاراڻو ادب

ھن ڪتاب ۾ ياسر قاضيءَ جي ٻاروتڻ واري زندگيءَ جي اولڙن جا عڪس آھن. ھن ڪتاب ۾ راندين، يادگيرين سان گڏ اڀياسي گيت پڻ شامل آھن، جن ۾ شاعر، ٻارن جي سکيا سان گڏ وندر کي بہ شامل ڪيو آھي. ڪتاب جي اونھن ھر نظم جي مناسبت سان ياسر جا ڊزائين ڪيل اسڪيچ آھن، جيڪي بيت، نظم ۽ گيت جو مُلھ ٻيڻو ٿا ڪري ڇڏين.

آنلائن پڙهو | پي ڊي ايف

دل جو رستو (رومانوي غزل)

اسحاق سميجو
شاعري

ھن ڪتاب ۾ شيخ اياز، نارائڻ شيام، استاد بخاري، ايم ڪمل، امداد حسيني، مخدوم طالب الموليٰ، وفا ناٿن شاھي، ذوالفقار راشدي، ارجن حاسد، تنوير عباسي، آثم ناٿن شاھي، محسن ڪڪڙائي، ارجن شاد، وفا پلي، علي محمد مجروح، واسديو موھي ۽ اياز گُل جا رومانوي غزل ۽ سندن تعارف شامل آھي.

آنلائن پڙهو | پي ڊي ايف

پاڪستان جو ماضي حال ۽ مستقبل

جي ايم سيد
تاريخ، فلسفو ۽ سياست

نامياري ليکڪ، اديب، قومپرست سياستدان ۽ ڏاهي سائين جي ايم سيد جو ڪتاب ”پاڪستان جو ماضي حال ۽ مستقبل“ اوهان اڳيان حاضر آهي.
هن ڪتاب ۾ پاڪستان جي قيام جو تاريخي پس منظر، ان جي ٺاهڻ جا سبب، پاڪستان ٺهڻ کان پوءِ جي صورتحال ۽ پاڪستان جي مستقبل جو تجزيو پيش ڪيل آهي. ھن ڪتاب جو پھريون ڇاپو 1992ع ۾ ڪيرت ٻاٻاڻيءَ ”سورٺ پبليڪيشن“ بمبيءَ وٽان ڇپايو

آنلائن پڙهو | پي ڊي ايف

ساھڙ جا سينگار

جي ايم سيد
شخصيتون ۽ خاڪا

هي ڪتاب نامور عالم، اديب، مفڪر ۽ قومپرست سياستدان سائين جي. ايم. سيد مرتب ڪيو، جيڪو مرتب ڏانھن علامہ آءِ. آءِ. قاضيءَ جي لکيل خطن تي مشتمل آهي. ڪتاب جي شروع ۾ علامہ آءِ. آءِ. قاضيءَ جا جي. ايم. سيد ڏانهن هڪ سنڌي ۽ ٻن انگريزيءَ ۾ لکيل خطن جا عڪس ڏنا ويا آهن. ڪتاب ۾ نامور قانوندان الهه بخش بروهيءَ پاران خطن متعلق تعارفي خط جو سنڌي ترجمو بہ شامل ڪيو ويو آهي. ڪتاب بابت پيش لفظ مرتب جو لکيل آهي. هي ڪتاب پنجن بابن تي مشتمل آهي.

آنلائن پڙهو | پي ڊي ايف

انٽرويو ۽ تقريرون

انور پيرزادو
شخصيتون ۽ خاڪا

ھن ڪتاب ۾ شامل انور پيرزادي جا انٽرويو ۽ ۽ تقريرون ڪجه اخبارن ۽ مئگزين ۾ ڇپيل آھن تہ ڪجه وري آڊيو ۽ وڊيو ڪئسٽن تان ورتا ويا آھن. ھنن انٽرويوز جي خاص ڳالھ اھا آھي تہ اھي انٽرويو ساڳي وقت انور پيرزادي جي ڄڻ تہ آتم ڪٿا بہ بڻجي آڏو آيا آھن. انور پيرزادي انھن انٽرويوز ۾ ڪافي تفصيل سان پنھنجي زندگيءَ جي مختلف دورن تي ڳالھايو آھي. ھن پنھنجي شخصي، ادبي، سياسي، صحافتي ۽ تحقيقي شعبن تي ۽ انھن دورن جي سياست، ادب، صحافت، تاريخ ۽ سماج تي جيڪي رايا ڏنا آھن، تن ھن ڪتاب کي ساڳي وقت تاريخي ڳٽڪو پڻ بڻائي ڇڏيو آھي.

آنلائن پڙهو | پي ڊي ايف

ادبي تحريڪون ۽ تنقيدي زاويا

خليق ٻگهيو
لوڪ ادب، لساني ۽ ادبي تحقيق

خليق ٻگهيو سنڌي نوجوان نقاد ٽهيءَ ۾ نشانبر ادبي نانءُ آهي. ’ادبي تحريڪون ۽ تنقيدي زاويا‘‘ سندس پھريون تنقيدي ڪتاب آهي. خليق ٻگهيي هِن ڪتاب ۾ نہ رڳو شاعري ۽ ڪھاڻين جي ڪتابن تي تنقيدي تجزيا ڪيا آهن بلڪہ هُن ادبي تحريڪن ۽ مروج نون زاوين بابت بہ کُليل روح سان لکيو آهي. جنهن سان هن ڪتاب ۾ تنقيدي ورائٽي بہ نمايان ٿي آهي. سندس لطيف شناسيءَ بابت لکيل ليک خليق ٻگهيي جي ڪلاسڪ ادب تي گرفت ڏانھن ڌيان ڇڪرائين ٿا تہ نئين ٽھيءَ جي شايع ٿيل ڪتابن تي لکيل سندس ڪيئي مھاڳ/رايا سندس جديد ادبي ڪائنات تائين پُھچ جا پاڻ هـڙتو گواهه آهن.

آنلائن پڙهو | پي ڊي ايف

قيدي

فخر زمان / غلام نبي مغل
ناول

فخر زمان جي لکيل پنجابي ناول ”بنديوان“ جي سنڌي ترجمي ”قيدي“ جو سنڌيڪار غلام نبي مغل آھي. فخر زمان جو ناول بنديوان ڪھاڻي آھي انقلابن ۽ انقلابين جي. ھي ڪھاڻي آھي اھڙي قيديءَ جي جيڪو غاصبن سان مھاڏو اٽڪائي ٿو ۽ نيٺ ڦاسيءَ جي ڦندي تائين پھچي ٿو. ھي ڪتان مارشلا جي دور ۾ ڇپيو ۽ ليکڪ ذوالفقار علي ڀٽو جو ٻانھن ٻيلي ھجڻ ڪري 6 مھينا جيل ڪاٽي آيو. ھن ناول جا گرمکي، ھندي، انگريزي، اردو ۽ بنگالي ۽ روسي زبان ۾ پڻ ترجما ٿيا.

آنلائن پڙهو | پي ڊي ايف

سنڌ (مضمون)

انور پيرزادو
ڪالم / مضمون

ھيءُ ڪتاب سنڌ بابت مختلف وقتن ۾ مختلف اخبارن ۽ رسالن ۾ ڇپيل مضمونن تي ٻڌل آھي، جيڪو مجموعي طور تي سنڌ ۽ سنڌي ماڻھن بابت انور پيرزادي جو ھڪ نقطئہ نظر آھي. ان ۾ سنڌ جو ماضي بہ آھي، حال بہ آھي تہ مستقبل بہ آھي. ھيءُ ڪتاب سنڌ جي تاريخ بہ آھي تہ ان جو ڪيس بہ آھي تہ ان جو فخر لائق ھڪ تعارف بہ آھي. ان ۾ تحقيق بہ آھي، سفر بہ آھي، مشاھدا بہ آھن تہ تجربا بہ آھن ۽ سوال بہ آھن تہ جواب بہ آھن.

آنلائن پڙهو | پي ڊي ايف

چنڊ ڳليون

شيخ اياز
شاعري

’چنڊ ڳليون‘، شيخ اياز 244 ترائيلن جو مجموعو آهي. ڪتاب جي مهاڳ ۾ اياز ڄاڻايو آهي تہ ”ترائيل، فرينچ شاعريءَ جي صنف آهي ... اسان ترائيل جو فارم، اردوءَ تان ورتو آهي. ... مون کي اردو ترائيل جو ترنم پسند آيو آهي، جيڪو فرينچ ۽ انگريزي ترائيل وانگر نہ آهي، اُن جو فارم ساڳيو آهي، پر ترنم ۾ زمين آسمان جو فرق آهي. ترائيل جا تجربا اردو يا سنڌي ادب ۾ مان پهريون ڀيرو نہ ڪري رهيو آهيان، پر اردو ۽ سنڌي ترائيل رڳو ’فاعلاتن فعلاتن فعالتن فعلن‘ ۽ غالباً ’مفاعلن فعلاتن مفاعلن فعلن‘ جي وزن تي جوڙيو ويو آهي. مون ان ۾ تجرباتي طور ٻيا وزن بہ پھريون ڀيرو ڪم آندا آهن ۽ گهاڙيٽن کي به ڪڏهن ڪڏهن ڦيرايو آهي.“

آنلائن پڙهو | پي ڊي ايف

تاريخ ڳالھائي ٿي

سوڀو گيانچنداڻي
ڪالم / مضمون

ھن ڪتاب ۾ عوامي آواز، جاڳو ۽ سنڌ سجاڳ اخبارن ۾ سوڀي گيانچنداڻي جي ڇپيل اٺٽيھن ڪالم تي ٻڌل آھي. ٽي ڪالم سنڌ جي ڪن شخصيتن ۽ سنگتين جي باري ۾ آھن، ٻہ راجيو گانڌي جي قتل ۽ ڪامريڊ سريپد امرت ڊانگي جي موت جي باري ۾ آھن. باقي 33 ڪالم سنڌ، برصغير ۽ عالمگير مسئلن جي باري ۾ آھن.

آنلائن پڙهو | پي ڊي ايف

بلنديون

نجم عباسي
ناول

ھي ناول ايراني ڪردن سان ٿيندڙ ظلم زبردستي، ھنن جي انھيءَ ڏمر ڏاڍ خلاف لاڳيتي جدوجھد ۽ انھيءَ جي نتيجي ۾ حاصل ٿيندڙ ڪن ڪاميابين جي بنياد تي ٻڌل ھڪ دلچسپ فڪرانگيز ۽ اثرائتو ناول آھي جو نجم عباسي صاحب ڏاڍي ڪاريگري سان بيحد وڻندڙ پيرائي ۾ لکيو آھي.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 آخري

انگ اکر

ڪُل ڪتاب: 1153
ڪتابن جو مشاهدو: 3580717
ڪتاب ڊائونلوڊ جو انگ: 977136
2021 - سنڌ سلامت ڪتاب گهر
حق ۽ واسطا محفوظ