محمد سليمان وساڻ طرفان شامل ڪيل ڪتابَ

آئنسٽائن جي جيون ڪٿا

نويد سنديلو
آتم ڪٿا / آٽوبايوگرافي

نامياري سائنسدان آئنسٽائين جي ناول نما جيون ڪٿا تي ٻڌل ڪتاب ”آئنسٽائن جي جيون ڪٿا“ اوھان اڳيان پيش آهي. ڪتاب جو سنڌيڪار نويد سنديلو آھي.
ھن جيون ڪٿا جي ھڪ خاص ڳالھ اھا آھي تہ ھيءَ ھڪ اھڙي فرد جي جيون ڪھاڻي آھي جنھن نہ رڳو پنھنجي حياتيءَ جو ڳچ حصو سچ جي ڳولا لاءِ ارپي ڇڏيو ھو پر زمانن کان اڳ فڪري ڌارائن جو احاطو ڪري ايندڙ سوچن ۾ نوان سلا پيدا ڪيا.

آنلائن پڙهو | پي ڊي ايف

ڦاسيءَ جي ڇانوَ ۾

جولس فوچڪ / سنڌيڪار: نور خان
جيل ڊائري

جولس فوچڪ کي جرمن فوجن گرفتار ڪري نازي ڪئمپ ۾ رکيو ۽ اتان جرمني کڻي ويا جتي ھن تي تشدد ڪيو ويو ۽ پوءِ موت جي سزا ملڻ کان پوءِ 8 سيپٽمبر 1943ع تي برلن ۾ ڦاسي ڏني ويئي.
ھيءَ ان سورھيہ سورمي جي جيل جي ڦاسيءَ گهاٽ ۾ گهاريل انھن گهڙين جو عڪس آھي جيڪي ھن جسماني طور تي چُڙي چُڙي گهاريون، پر ذھني طور تي ڦڙت ۽ نؤبنو رھيو ۽ زندگيءَ ڏانھن سندس رويو آخري گهڙيءَ تائين ھڪ ترقي پسند وارو رھيو.
جولس فوچڪ کي جسماني عذاب ڏيڻ ۽ ذھني طور ختم ڪرڻ ۾ دھشت جو ھر اھو طريقو ڪتب آندو ويو جنھن کان نازي واقف ھئا. پر جڏھين جولس فوچڪ جو جسم وڃي رڳو چَم ۽ ھڏ بچيو ھو ۽ فقط منجھس ساھ جي تند ھئي تڏھين بہ ھن ڪتاب جو سورمو ھنن ظالمن کان ذھني توڙي جسماني طور بلند ھو. نازين ھن کي ماري ڇڏيو، پر کيس ختم ڪري نہ سگهيا. جولس جي زنده لفظن ۾ سندس وفات نامو توھان جي اڳيان آھي. سندس پنھنجي وطن جي ماڻھن سان پيار ۽ منجهن عقيدي جي اظھار جو ھر لفظ موت جي پاڇي ۾ لکيو ويو.

آنلائن پڙهو | پي ڊي ايف

اسان مرڻا ناھيون

اقبال ملاح
آتم ڪٿا / آٽوبايوگرافي

سنڌ سلامت ڪتاب گهر پاران نامياري صحافي اقبال ملاح جي لکيل آتم ڪٿا جو ڪتاب ”اسان مرڻا ناھيون“ اوھان اڳيان پيش آهي.
اقبال ملاح پنھنجي ھن آتم ڪٿا نما لکڻي ۾ بيحد سچائيءَ سان پنھنجي جنم ڀومي، ننڍپڻ جي غربت ۽ محنت ڪشيءَ جي جياپي واري جنگ جو احوال لکيو آھي. ھن جي من اندر جي سچائي لفظ لفظ مان ٽپڪي ٿي.

آنلائن پڙهو | پي ڊي ايف

سنڌي صورتخطي

ڊاڪٽر غلام علي الانا
لوڪ ادب، لساني ۽ ادبي تحقيق

نامياري عالم، اديب ۽ محقق ڊاڪٽر غلام علي الانا جو لکيل تحقيقي ڪتاب ”سنڌي صورتخطي“ اوھان اڳيان حاضر آھي.
سنڌي صورتخطي جي حوالي سان ھي ڪتاب دستاويزي حيثيت رکي ٿو. ھن ڪتاب ۾ انھن سوالن جا جواب پڻ ڏنل آھن تہ موجودہ سنڌي صورتخطي يعني عربي – سنڌي صورتخطيءَ جي شروعات ڪڏھن ٿي، ڪنھن ڪئي، ۽ ڪھڙي دور ۾ ڪئي؟ ھي ڪتاب سنڌي صورتخطي جي سلسلي ۾ ھڪ قسم جو ٽيڪنيڪل ڪتاب بڻجي ويو آھي.

آنلائن پڙهو | پي ڊي ايف

سنڌي نثر جي تاريخ

ڊاڪٽر غلام علي الانا
لوڪ ادب، لساني ۽ ادبي تحقيق

پاران نامياري عالم، اديب ۽ محقق ڊاڪٽر غلام علي الانا جو لکيل تحقيقي ڪتاب ”سنڌي نثر جي تاريخ“ اوھان اڳيان حاضر آھي.
ھن ڪتاب جي اھميت پڙھندڙ پاڻ محسوس ڪري سگهن ٿا. ھيءُ پھريون ڪتاب آھي جنھن سنڌيءَ جي قابل ۽ مشھور نثر نويسن جي زندگيءَ جي احوال سان گڏ سندن ادبي خدمتن کي گڏ ڪري، انھن تي روشني وڌي ويئي آھي.

آنلائن پڙهو | پي ڊي ايف

سنڌي درسي ڪتاب (ڀاڱو پھريون)

ڊاڪٽر غلام علي الانا
تعليم

غير مادري زبان وارن آفيسرن / ملازمن لاءِ سنڌي سکيا جو ڪتاب آھي جيڪو سنڌ پبلڪ سروس ڪميشن جي نصاب ۽ منظوريءَ مطابق تيار ڪيو ويو آھي.
سرڪاري ملازمن کي سنڌي ٻولي سيکارڻ جي سلسلي ۾ سنڌ پبلڪ سروس ڪميشن جي اسڪيم آف اسٽڊيز موجب سنڌي ٻولي سکڻ لاءِ نصاب ٺاھڻ جو اختيار ٻولي اٿارٽي کي مليو. بي پي ايس 5 کان 17 ۽ مٿي واري آفيسرن لاءِ ٺاھيل ھن نصاب ڪميٽي جا ميمبر محمد ابراھيم جويو، امين لغاري ۽ تاج جويو ھيا جڏھن تہ نگراني چيئرمين ڊاڪٽر غلام علي الانا ڪئي.

آنلائن پڙهو | پي ڊي ايف

پَهڻَ پيرَ پِٿون ڪَيا

فرزانه شاهين
شاعري

فرزانا شاهين نثر توڙي نظم جي پُختي ليکڪا آهي، سندس ھي ڪتاب ”پهڻ پير پٿون ڪيا“ ان ڪري به مختلف آهي جو هي مجموعو سنڌي شاعريءَ جي ڪلاسيڪل صنفن واين ۽ بيتن تي آڌاريل آهي. وقت جون ويرون، اهنجن جا اولڙا، پنهنجن جا پيڙاءُ، اهم رشتن جو ناروا سلوڪ، اڄ جي سسئي ۽ سُهڻي سان ٿيندڙ انياءُ، ڌرتي ڌڻين سان ڌوڪا، ڪامڻين سان ڪلور، سکين، سانگين، نياڻين، اياڻين شهرن ۽ ٻهراڙين جي عورتن سان ناانصافيون سندس واين ۽ بيتن جا اهم موضوع آهن.

آنلائن پڙهو | پي ڊي ايف

واٽون ڦلن ڇانئيون

شيخ اياز
شاعري

زيب سنڌي لکي ٿو: ”ھا ! اياز جي شاعري ھڪ سمنڊ آھي (جنھن جو ڪوئي انت نہ آھي) ۽ انھيءَ سمنڊ کي پنھنجون گهٽيون آھن، سوڙھيون ۽ ويڪريون، نہ ڄاڻ ڪيتريون. جن مان اڄ جي ڪيترن ئي شاعرن پنھنجا رستا ڳولي لڌا آھن ۽ سڀان جا ڪيترائي شاعر انھن گهٽين مان گذرندا.“

آنلائن پڙهو | پي ڊي ايف

محمود مغل جون ڪھاڻيون

محمود مغل
ڪهاڻيون

نامياري ڪالم نگار، ڪھاڻيڪار، ڊراما نگار ۽ ناول نگار محمود مغل جي 30 ڪھاڻين تي ٻڌل مجموعو ”محمود مغل جون ڪھاڻيون“ اوھان اڳيان پيش آهي. محمود مغل لکي ٿو:
”ھنن ڪھاڻين جي چونڊ طارق عزيز شيخ ڪئي آھي. ڪھاڻين جا سڄا سارا ٻہ مجموعا مڪمل کڻي ۽ ڪجه اضافي ڪھاڻيون چونڊي شامل ڪيون اٿس. مون کي اولاد جيان پنھنجي ھر لکڻي عزيز آھي ۽ انھن مان ڪا بہ گهٽ يا وڌيڪ ھرگز نہ ٿو سڏي سگهان.“

آنلائن پڙهو | پي ڊي ايف

يادن جا ورق

علي احمد قريشي
آتم ڪٿا / آٽوبايوگرافي

علي احمد قريشي صاحب هاري تحريڪ ۾ شروع کان سرگرم رهيو، هارين جي حقن لاءِ پاڻ پتوڙيائين جيتوڻيڪ پاڻ خوشحال آبادگار آهي پر سندس هارين سان اڄ بہ روش مثبت آهي. علي احمد قريشيءَ جي آتم ڪٿا دراصل جديد سنڌ جي تاريخ آهي، سنڌ جي سياسي تاريخ توڙي سياسي اڳواڻن جي ڪيترن ئي لاهن چاڙهن جو مفصل ذڪر ڪيو ويو آهي، ذاتي زندگي جا بہ ڪافي احوال اوريل آهن. 92 ورهين جي عمر ۾ بہ ذهني طور چست هن شخص ڪمال جا مشاهدا بيان ڪيا آهن، جيڪي پڙهڻ سان گهڻو ڪجهه پرائي سگهجي ٿو.

آنلائن پڙهو | پي ڊي ايف

چنڊ وسامي ويو

امر جليل
ڪهاڻيون

ھي ڪتاب نامياري ڪھاڻيڪار، ڊراما نگار، ناول نگار ۽ ڪالم نگار امر جليل جي ڪھاڻين جو مجموعو آھي جنھن ۾ ٽن ترجمي ٿيل ڪھاڻين سميت 26 ڪھاڻيون شامل آھن. مھاڳ ۾ امر جليل لکي ٿو:
” روزِ اول کان مون ڏکين ۽ ڏنگين حالتن ۾ لکيو آھي. اوکيون ۽ سوليون حالتون ملن ھا تہ مان شايد لِکي نہ سگھان ھا. گھُٽ، ٻوسٽ ۽ تعزيرات جي ورن وڪڙن ۾ مان پنھنجي وجود ۾ وڌيڪ سگھھ محسوس ڪندو آھيان. مونکي اھڙي زندگي قبول ڪونھي جنھن ۾ چيلينجز ۽ آزمائشون نہ ھجن. گل وڇايل راھن تي ھلڻ بدران مونکي ڪنڊن ۽ ڀڳل شيشا وڇايل راھن تي پيرين اُگاڙو راھي ٿيڻ وڻندو آھي.“

آنلائن پڙهو | پي ڊي ايف

تاريخ جو سفر

ڊاڪٽر مبارڪ علي / ابوبڪر شيخ
تاريخ، فلسفو ۽ سياست

ھي ڪتاب نامياري محقق ۽ تاريخدان ڊاڪٽر مبارڪ علي جو لکيل آھي جنھن جو سنڌيڪار ابوڪر شيخ آھي. ھي ڪتاب، تاريخ کي سمجھڻ ۾ نھايت اھم ڪردار ٿو ادا ڪري. ھن ڪتاب ۾، تاريخ ۽ انساني زندگي جي ڳانڍاپن ۽ پوندڙ اثرن جو تجرباتي ۽ سائنسي بنيادن تي تجزيو ڪيو ويو آھي. ھي ڪتاب ھر پڙھيل لکيل ۽ سڄاڻ ذھن کي مطالعو ڪرڻ گهرجي، ڇو تہ مستقبل جو رستو ماضيءَ جي حقيقتن مان ئي تخليق ڪري سگھجي ٿو.

آنلائن پڙهو | پي ڊي ايف

ادب ۽ اديب (عجب ھي رشتا ناتا)

گوبند مالھي
آتم ڪٿا / آٽوبايوگرافي

ھند سنڌ جي نامياري ليکڪ گوبند مالھيءَ جي آتم ڪٿا ”عجب، ھي رشتا ناتا“ تي ٻڌل ڪتاب ”ادب ۽ اديب“ اوھان اڳيان پيش آهي. ھو لکي ٿو:
”منھنجو عقيدو آھي، بھتر اديب بھتر انسان ھجڻ کپي، مون بھتر انسان ٿيڻ جي ڪوشش ڪئي آھي. ھيءَ آتم ڪٿا، يا جيڪي ڪي اِھا آھي، اِھا منھنجي اتفاقن ڀري زندگيءَ جي تضادن جي ڪھاڻي آھي ۽ بس ...“

آنلائن پڙهو | پي ڊي ايف

ڏوري ڏوري ڏيهه (يورپ جو سفرنامو)

تنوير عباسي
سفرنامه

ھي ڪتاب ليکڪ نامياري شاعر ۽ محقق تنوير عباسي جو يورپ بابت لکيل سفرنامو آھي. هي سفرنامو سولي ۽ سلوڻي ٻوليءَ ۾ لکيو ويو آهي، جنهن ۾ اٿينس، روم شهر، نيپلس، ڪٽپري، لنڊن، نيشنل آرٽ گئلري، برٽش ميوزيم، مادا تساد ميوزيم جي معائني، لسيٽر ۾ يادگار رات، ڪنگس لين، شيڪسپيئر جي شهر، ڊاڪٽر شئڪل ۽ ڊاڪٽر آلچن سان ملاقات، ائمسٽرڊام (هالينڊ)، پئرس وغيره بابت دلچسپ سفري يادگيريون شامل آهن.

آنلائن پڙهو | پي ڊي ايف

گانڌيءَ جو قتل

خالد چانڊيو
تاريخ، فلسفو ۽ سياست

جسٽس جي. ڊي کوسلا جي لکيل ھن ڪتاب جو سنڌيڪار خالد چانڊيو آھي.
ھي ڪتاب ھندستان جي اڳوڻي چيف جسٽس جي. ڊي کوسلا جي ڪتاب ”گانڌيءَ جو قتل ۽ ٻيا ڪيس“ تان ورتو ويو آھي. مھاتما گانڌي عدم تشدد واري نظريي جو پرچارڪ ھيو. مھاتما گانڌيءَ جيڪي اصول ڏنا آھن انھن جو بنياد محبت تي ھيو، ھو مذھبي ماڻھو ھيو پر سندس مذھب روح جي پاڪائي ۽ انسانن جي ڀلائيءَ وارو ھيو. ھن اھڙي سماج جا خواب ڏٺا جنھن جو بنياد پيار ۽ محبت تي ھجي. مھاتما گانڌي کي ھڪ فرقي پرست ۽ ڀائيچاري واري سياست جي ڪٽر مخالف پونا جي ھڪ برھمڻ نٿو رام گاڊسي کيس گوليون ھڻي قتل ڪيو.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 آخري

انگ اکر

ڪُل ڪتاب: 1067
ڪتابن جو مشاهدو: 3443458
ڪتاب ڊائونلوڊ جو انگ: 924432
2020 - سنڌ سلامت ڪتاب گهر
حق ۽ واسطا محفوظ