محمد سليمان وساڻ طرفان شامل ڪيل ڪتابَ 10

سومرن جي دور جا سورما

دادا سنڌي
سنڌ شناسي

ڪتاب ”سومرن جي دور جا سورما“ اوهان اڳيان پيش آهي. هن ڪتاب جو ليکڪ ناميارو تاريخدان ۽ محقق دادا سنڌي آهي. نياز همايوني لکي ٿو:
”سومرن جو دور، اھو سڌريل دور آھي جنھن ۾ سنڌين کي تھذيبي قدرن سان گڏ، قومي غيرت ورثي ۾ ملي. انھيءَ عظيم قومي ورثي جي ڪري اسان جي قومي ھيرن ۽ سورمن جي ساک توڙي سچائي، اسان لاءِ قومي علامت جي حيثيت رکي ٿي. اسان جي پياري دوست دادا سنڌي سومرن واري دور جي سورمن تي جيڪا محنت ڪئي آھي سان سندس قومي جذبي ۽ حب الوطنيءَ جي نشاني آھي.“

آنلائن پڙهو | پي ڊي ايف

اسپيس اوڊيسي(سائنسي افسانا)

ڪليم ٻُٽ
ڪهاڻيون

هي ڪتاب سائنسي افسانن جي ترجمي تي مشتمل آهي جنهن جو سنڌي ترجمو نامياري ليکڪ ڪليم ٻُٽ ڪيو آهي.
ڪليم ٻُٽ سنڌي ٻوليءَ ۾ ڪهاڻي ۽ ناول جي حوالي سان نوجوان ٽهيءَ جو ڪافي متحرڪ نالو آهي. سندس ڪيتريون ئي لکڻيون وقفي وقفي سان پڙهڻ لاءِ اکين آڏو اينديون رهن ٿيون. سندس هي ڪم به منفرد آهي. هي سندس سائنسي افسانن جو ترجمو آهي، هي ڪهاڻيون راجيشوري سنگهه ۽ برجندرا سنگهه جي ڪتاب اسپيس اوڊسي، جيڪو لرنرز پريس، نيو دلي انگريزي زبان ۾ ڇپرايو آهي جو ترجمو آهي ۽ ان ۾ ٽي سائنسي افسانا ٽائيم مشين، ليزر ديوتا جا ٻار ۽ نيمسس شامل آهن.

آنلائن پڙهو | پي ڊي ايف

سنڌ جي ڪوهستان جو تاريخي جائزو

مشڪور ڦلڪارو
سنڌ شناسي

ڪتاب ”سنڌ جي ڪوهستان جو تاريخي جائزو“ اوهان اڳيان حاضر آهي. هي ڪتاب نامياري محقق ۽ شاعر مشڪور ڦلڪاري جي سنڌ جي ڪاڇي ۽ ڪوهستان ۾ وڃي اڙانگن پيچرن تان گذري ، جبل جهاڳي تحقيقي لکڻين تي مشتمل آهي. سندس تحقيق ۾ قديمي ماڳ، شخصيتون، سنڌ جو دنيا جي قديم تهذيبن سان تعلق، زندگي جي ارتقا ، بابت لکين سال پراڻا نشان هٿ ڪرڻ ، هن جي پورهئي جو ڦل آهي . هن جي تحقيق موجب سنڌ جي تهذيب پنج هزار نه، پر گهٽ ۾ گهٽ به 25 هزار سال قديم آهي.

آنلائن پڙهو | پي ڊي ايف

ميرو ڌاڙيل

طارق اشرف
ناول

ناول بابت طارق اشرف لکي ٿو:
”جيڪڏهن مان اهو چوان ته ميرو ڌاڙيل سنڌيءَ ۾ پنهنجي نوعيت جو پهريون ڪتاب آهي، ته شايد انهيءَ ۾ وڌاءُ نه ٿيندو ڇاڪاڻ ته سنڌيءَ ۾ ڪنهن به جيئري ڌاڙيل تي ناول لکيو نه ويو آهي. (گهٽ ۾ گهٽ منهنجي نظر مان نه گذريو) ٻي ڳالهه اها ته اهو ناول هڪ سچي حقيقت آهي، ٽئين ڳالهه اها ته اهو ناول ميري جي زندگيءَ ۾ ئي ڇپيو آهي. (مِيري سان منهنجي ملاقات جيل ۾ ٿي هئي، جڏهن مان ڊي.پي.آر تحت گرفتار ٿيو هوس!)
پير حسام الدين راشدي لکي ٿو ”ميرو ڌاڙيل پڙهي ڇڏيو. طارق اشرف جو پهريون ڪتاب پڙهيو اٿم. ختم ڪرڻ بعد ارمان ٿيو ته اسان جا رهبر جيڪڏهن ميرو ڌاڙيل جي ڪردار ۽ اصولن جا هجن ها ته هن حال تي اسان نه پهچون ها. اصول، ڪردار، وفا، پناهه ۽ ساڃاهه جا مثالي نمونا هن ڪتاب ۾ موجود آهن.“

آنلائن پڙهو | پي ڊي ايف

سنڌي ٻوليءَ جا سرجڻهار شاعر

پروفيسر سروپچندر شاد
لوڪ ادب، لساني ۽ ادبي تحقيق

سنڌي شاعريءَ جي مختلف دورن بابت لکيل تحقيقي مضمونن ۽ مقالن تي مشتمل هن ڪتاب جو ليکڪ پروفيسر سروپچندر شاد آهي. شاد صاحب مهاڳ ۾ لکي ٿو:
”مون پنهنجي ڪتاب ”سنڌي ٻوليءَ جا سرجڻهار شاعر“ ۾ قاضي قادن کان شيخ اياز تائين جي زماني واري شاعري کي ارڙهن دور ۾ ورهايو آهي. مون تفصيل سان هر دور ۾ اڀرندڙ نقطن، مضمونن ۽ شاعرانه نمونن جو تفصيل سان ذڪر ڪيو آهي.“

آنلائن پڙهو | پي ڊي ايف

خيال ڪَڙو کڙڪائن ٿا (ريڊيو - اسڪرپٽ)

امر ساهڙ
مختلف موضوع

هي ڪتاب خوبصورت شاعر، تخليقڪار ۽ ليکڪ امر ساهڙ جي ريڊيو اسڪرپٽ جو مجموعو آهي.
’خيال ڪَڙو کڙڪائن ٿا ‘ رڳو سنڌ جي ويجهڙ جي تاريخ تي دلي تبصرو ناهي پر انهن مهربان شخصيتن لاءِ لفظي مڃتا به ان ۾ سمويل آهي، جيڪي ڪنهن نه ڪنهن صورت ۾ اُنهن ڏهاڙن جي ٿڌن ڪُوسن لمحن ۾ پاڻ پتوڙي، عالمَ ۽ عالمَ واسين لاءِ سرهي دعا جو سنديس ٿيا آهن.

آنلائن پڙهو | پي ڊي ايف

جنين لوهه لڱن ۾ (مضمون)

محب ڀيل
ڪالم / مضمون

. هي ڪتاب نامياري ليکڪ ۽ ڪالم نگار محب ڀيل جي ڪالمن ۽ مضمونن جو مجموعو آهي، جنهن جو موضوع گهڻو ڪري پورهيت ئي آهن.
هي ڪتاب ”جنين لوهه لڱن ۾“ ڪائنات ۾ پگهر جو پورهيو ڪندڙ مسڪين محنت ڪش مزدورن جي ڏکن، سورن، دردن، عذابن، مصيبتن، انياءَ، ناانصافين جي وارتائن جو ڏکوئيندڙ داستان آهي. ليکڪ محب ڀيل جي اکر اکر ۾ مزدورن جي سورن جي عڪاسي ٿيل آهي. پورهيتن سان ڏاڍ، جبر، ظلم ۽ استحصال ڪندڙ بدمست عالمي سرمائيدار سامراج جي مزدور دشمن پاليسين، منصوبابندين ۽ سازشن تان پڻ پردو کنيل آهي.

آنلائن پڙهو | پي ڊي ايف

سچل جو فڪر

حزب الله آءِ سومرو
تصوف

هن ڪتاب ۾ شامل حزب الله آءِ سومري جا اڪثر مقالا ”سچل ادبي ڪانفرنس“ ۾ پڙهيل ۽ ”سرمست“ ۾ شايع ٿيل آهن. هونئن به ضرورت ان ڳالهه جي هوندي آهي ته ڪنهن به وڏي شاعر جي شاعريءَ جي حوالي سان صف خانه پوري ڪرڻ لاءِ يا ڪانفرنس ۾ نالو ڳڻائڻ لاءِ روايتي ڳالهيون لکڻ بجاءِ ڪا نئين تحقيق ڪجي. حزب الله آءِ سومرو به سچل سائينءَ جي فڪر جي حوالي سان ڪي نيون ڳالهيون ۽ ڪي نوان نقطا ڳولڻ جي ڪوشش ۾ مصروف آهي.

آنلائن پڙهو | پي ڊي ايف

زينت

مرزا قليچ بيگ
ناول

مرزا قليچ بيگ جي ناول “زينت” کي خاص اهميت حاصل آهي. هي هڪ، معاشرتي ناول آهي.
هن ناول لکڻ وقت مرزا صاحب مرحوم، ناول جي جديد اصولن کي مد نظر رکيو آهي، پر ان هوندي به ڪجھ قدرتي داستانوي رنگ اچي ويو آهي. هن کان اڳ ۾ سنڌي زبان ۾ داستانن جو رواج هو.
هي سنڌيءَ جو پهريون ناول آهي، جنهن ۾ ناول جي فن جي تقاضائن کي نظر ۾ رکيو ويو آهي.

آنلائن پڙهو | پي ڊي ايف

صحرا مون ۾ ساهه کڻي ٿو

امر ساهڙ
شاعري

’’صحرا مون ۾ ساهه کڻي ٿو‘‘ جديد سنڌي شاعريءَ جي رنگن جي عڪاسي ڪندڙ اهڙو مجموعو آهي، جنهن جي فڪر تي ڪنهن جي ڇاپ ناهي بلڪه امر ساهڙ جي ٻوليءَ جي ٻه رنگي ڍنگ سبب منفرد اسلوب طور ڏسجي ٿو. هُو گهٽ لکيو پر سٺو لکيو جي پيروي ڪندڙ شاعر آهي، جنهن جي هر هڪ تخليقَ پنهنجي جوهر ۾ سگهاري ۽ وڻندڙ آهي.

آنلائن پڙهو | پي ڊي ايف

ڌرتي ماءُ

زيب سنڌي
ناول

هي ڪتاب روسي رياست ڪرغيستان سان تعلق رکندڙ ليکڪ چنگيز اعتماتوف جي ناول جو سنڌي ترجمو آهي جنهن جو سنڌيڪار ناميارو ليکڪ، ڪهاڻيڪار، شاعر، ناول نگار ۽ براڊڪاسٽر زيب سنڌي آهي.
چنگيز اعتماتوف جو هي ناول جنگ جي موضوع تي لکيل دنيا جي اهم ترين ناولن مان هڪ آهي ، جنهن ۾ سوڀ حاصل ڪرڻ جي لاءِ ملڪ جو هر فرد قرباني ڏيڻ لاءِ تيار ٿي وڃي ٿو. هي نه فقط جنگ جي ڪهاڻي آهي ، پر ماءُ جي مامتا ، زال جي محبت ، ابهم ٻارڙن جي بُکَ ، مقصد خاطر لڳاتار جدوجهد ۽ پنهنجي ڌرتيءَ سان لازوال عشق جي ڪهاڻي به آهي.

آنلائن پڙهو | پي ڊي ايف

پريت پراڻي ريت نرالي

سندري اتم چنداڻي
ناول

سندري اتمچنداڻي جو نالو هند ۽ سنڌ جي مشهور ليکڪائن ۾ ٿيندو آهي۔ سندس ٻولي، سندس ڪردار ۽ ڊائلاگ سچ ته دل تي گهرا اثر ڇڏيندا آهن۔
سندري اتمچنداڻي جو شاهڪار ناول پريت پراڻي ريت نرالي پيش ڪجي ٿو۔ هي ڪتاب سندري اتم ويبسائيٽ تان ورتل آهي ۽ سنڌي سنگت جي آشا چاند جي ڪوششن سان اي بوڪ جي صورت ۾ پبلش ٿيو آهي۔

آنلائن پڙهو | پي ڊي ايف

ڀڳل کنڀڙاٽيون

خليل جبران
ناول

خليل جبران جون ڪهاڻيون ۽ ناول تمام گهڻو پڙهيا ويندا آهن۔ خليل جبران 1883ع ۾ لبنان ۾ پيدا ٿيو ۽ 48 سالن جي عمر ۾ آمريڪا ۾ وفات ڪري ويو ۽ سندس مڙهه لبنان جي جهنڊي ۾ ويڙهي لبنان موڪليو ويو ۽ کيس سندس پيدائش واري هنڌ دفن ڪيو ويو۔ سندس ڪتاب 20 کان وڌيڪ ٻولين ۾ ترجمو ٿيا آهن۔ سندس هي ڪتاب ”ڀڳل کنڀڙاٽيون“ سلمى ڪريمي سان ڪيل عشق تي آهي جنهن سان سندس شادي نه ٿي سگهي ۽ پوء جبران سموري عمر شادي ڪانه ڪئي۔ هي ڪتاب عربيء ۾ ڇپيو ۽ پوء 20 ٻولين ۾ ترجمو ٿيو ۽ لڳ ڀڳ 20 لک ڪاپيون وڪرو ٿيون آهن۔ هو هڪ هنڌ لکي ٿو ته:

”عورت جي پيار ڀري هڪ ئي نطر اوهان کي دنيا جو خوشقسمت ترين شخص بنايو ڇڏي“ ​

آنلائن پڙهو | پي ڊي ايف

پيار پناهون ڇانورا

مهتاب محبوب
ناول

سنڌ جي نامياري ليکڪا ماهتاب محبوب جو ناول ”پيار پناهون ڇانورا“ اوهان اڳيان پيش آهي. هي ناول 2001ع ۾ نيو فيلڊس پبليڪيشن پاران ڇپايو ويو هو. ڪرزمه ويب جي ٿورن سان اوهان سان اسڪين ڪاپي شيئر ڪجي ٿي.
هي ناول معاشري جي حقيقتن ۽ انساني روين توڙي بدلجندڙ ۽ قدرن جي ترجماني ڪرڻ جي هڪ ننڍڙي ڪوشش آهي، جنهن ۾ تصوراتي يا خيال ڪردارن بدران هِن ڌتيءَ سان تعلق رکندڙ زنده ڪردارن جي چونڊ ڪئي وئي آهي.

آنلائن پڙهو | پي ڊي ايف

مونکي ساهه کڻڻ ڏيو

غلام نبي مغل
ناول

”مونکي ساهه کڻڻ ڏيو“، سنڌي سماج جي هڪ المناڪ ڪلچر ڪارو ڪاري جي موضوع تي لکيل آهي. انهي موضوع تي اهو پهريون ناول آهي. . هي هڪ پرچاري ناول آهي، جنهن ۾ ليکڪ نهايت مناسب ۽ سگهارن لفظن ۾ ”مظلوم عورت“ جي وڪالت ڪئي آهي.
هي ناول 2001ع ۾ نيو فيلڊس پبليڪيشن پاران ڇپايو ويو هو جنهن جي اسڪين ڪاپي ڪرزمه ويب جي ٿورن سان پيش آهي.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 آخري

انگ اکر

ڪُل ڪتاب: 799
ڪتابن جو مشاهدو: 1675328
ڪتاب ڊائونلوڊ جو انگ: 468762
2019 - سنڌ سلامت ڪتاب گهر
حق ۽ واسطا محفوظ