محمد سليمان وساڻ طرفان شامل ڪيل ڪتابَ 26

پِشو پاشا ۽ ٻيون ڪهاڻيون

جمال ابڙو
ڪهاڻيون

”پشو پاشا“ جو پهريون ڇاپو 1959ع ۾ زندگي پبليڪيشن پاران ڇپايو ويو، ٻيو دفعو طارق اشرف پاران 1973ع ۾ ”بدمعاش“ جي نالي سان ڇپيو پر هڪ ئي ڏينهن ۾ سڀ ڪاپيون حيدرآباد ۾ ئي وڪامجي ويون. ٽيون دفعو هي ڪتاب ورسٽي پبليڪيشن ڪراچي پاران 1976ع ۾ ڇپايو ويو. سنڌيڪا پاران پڻ ڇپايو ويو ۽ آخر ۾ روشني پبليڪيشن پاران ڇپايو ويو آهي.

آنلائن پڙهو | پي ڊي ايف

سرد لاش جو سفر

امر جليل
ڪهاڻيون

سنڌ سلامت ڊجيٽل بوڪ ايڊيشن سلسلي جو ڪتاب نمبر (195) اوهان اڳيان پيش ڪجي ٿو. هي ڪتاب ”سرد لاش جو سفر“ نامياري ليکڪ امر جليل جي ڪهاڻين جو مجموعو آهي. ياد رهي ته امر جليل جي ڪهاڻي ”سرد لاش جو سفر“ جڏهن پهريون دفعو سهڻيءَ ۾ ڇپي ته رسالي تي پابندي پئجي وئي. هن ڪتاب جو ٽيون ايڊيشن ڪاڇو پبليڪيشن پاران ڇپايو ويو آهي.

آنلائن پڙهو | پي ڊي ايف

تاريخ جو ڪفن

امر جليل
ڪهاڻيون

”تاريخ جو ڪفن“ امر جليل جي ڪهاڻين جو مجموعو آهي. هن ڪتاب جو پهريون ڇاپو 1991ع ۾ نيو فيلڊس پبليڪيشن پاران ڇپايو ويو. ڪتاب جو پنجون ڇاپو 1999ع ۾ روشني پبليڪيشن، ڪنڊيارو پاران ڇپايو ويو.
امر جليل لکي ٿو منهنجين ڪهاڻين ۾ فقط انهن چاهتن جو ذڪر آهي، جن جي نصيب ۾ وصل جو لفظ لکيل نه آهي. مان بنيادي طرح، ذهني طرح، ۽ جذباتي طرح غير معمولي محبتن جو امين آهيان. ڪُل جڳ ۾ عشق جو اوتار، سچل سرمست منهنجو مرشد آهي.

آنلائن پڙهو | پي ڊي ايف

جنين لوهه لڱن ۾ (جيل ڊائري)

علي ھينري / يوسف سنڌي
جيل ڊائري

هيءُ ڪتاب الجزائر جي صحافي علي هينريءَ جي جيل ڊائريءَ تي مشتمل آهي. جنهن جو ترجمو يوسف سنڌيءَ ڪري ڇپايو آهي. هن ڪتاب ۾ ليکڪ تشدد ۽ ايذاءَ ڏيڻ جا طريقا پوري تفصيل سان بيان ڪيا آهن. علي هينري فرينچ هوندي به الجزائر جي آزاديءَ لاءِ پنهنجي هم قوم حڪمرانن خلاف وڙهيو. نتيجي ۾ جيڪي ڪجهه ڀوڳيائين، سو سڀ هن ڊائريءَ ۾ ڄاڻايو اٿس. هو لکي ٿو ته: هنن لفظن پڙهڻ مهل اوهين انهن ماڻهن بابت ضرور سوچيندا هوندا، جيڪي گم ٿي ويا آهن، جن کي پنهنجي آزادي ماڻڻ جو يقين هو ۽ جيڪي هن گهڙيءَ به بي ڊپا ٿي پنهنجي موت جي اوسيئڙي ۾ آهن. انهن بابت، جيڪي ٽياس تي ٽنگيا ويا آهن، انهن جي باري ۾ جيڪي نفرت ۽ تشدد جي باوجود به فرينچ ۽ الجزائري ماڻهن جي وچ ۾ امن ۽ دوستيءَ تي يقين رکن ٿا، ڇو ته هيءُ ڪتاب انهن مان هر هڪ جي ڪهاڻي به ٿي سگهي ٿو.

آنلائن پڙهو | پي ڊي ايف

اُترادي پھاڪا ۽ چوڻيون

انجنيئر عبدالوھاب سھتو
لوڪ ادب، لساني ۽ ادبي تحقيق

سنڌ سلامت سنڌي ٻوليء جي ڪتابن جي ذخيري کي دنيا جي ڪنڊ ڪڙڇ تائين پهچائڻ لاء ڊجيٽل بوڪ ايڊيشن جو سسلو شروع ڪيو آهي، ان سلسلي جو ڪتاب نمبر (177) ”اترادي پهاڪا ۽ چوڻيون“ اوهان اڳيان پيش ڪجي ٿو. هي ڪتاب انجنيئر عبد الوهاب سهتي جو لکيل آهي.

آنلائن پڙهو | پي ڊي ايف

نسيم کرل جون ڪھاڻيون

نسيم کرل
ڪهاڻيون

ڪتاب ”نسيم کرل جون ڪهاڻيون“ سندس ڪهاڻين جي ٽن مشهور ڪتابن شبنم شبنم ڪنول ڪنول، چوٽيهون در ۽ ڊمي جو گڏيل مجموعو آهي.
نسيم Objective ڪھاڻيڪار آھي. ھو پنھنجي ڪھاڻين لاءِ ڪچو مال پنھنجي ارد گرد، عام ماڻھن مان حاصل ڪري ٿو. کيس ماحول ۽ ماڻھن جي وسيع ڄاڻ آھي، جنھن جي بيان ڪرڻ ۾ ھو ڪا ڪسر نٿو ڇڏي. حقيقتون بيان ڪرڻ ۾، ڪردارن کي پيش ڪرڻ مھل ھو حالتن ۽ وارداتن کي چٽائيءَ ۽ باريڪ بينيءَ سان استعمال ڪري ٿو، پر پنھنجي شخصيت جو ذرو بھ دخل ڏيڻ کان سواءِ، ھو مڙيو ئي ھردم پنھنجي موجودگي جو احساس ڏياريندو رھندو آھي.

آنلائن پڙهو | پي ڊي ايف

سرَ ۾ سانجھيءَ ويرَ

عبدالواحد آريسر
شخصيتون ۽ خاڪا

آريسر صاحب پنهنجي ڪتاب ”سَرَ ۾ سانجھيءَ وير“ ۾ سنڌ جي ڪردارن کي جيئن پيش ڪيو آهي، اهو هُن جو ڪمال ته آهي ئي پر سندس وطن دوست تاريخ نويس هجڻ جو به مثال ڏئي ٿو.
ڪتاب جي ڪمپوزنگ شاھنواز سومري ڪئي آهي.

آنلائن پڙهو | پي ڊي ايف

پهاڪن جي پيڙهه

الله بخش حسين بخش ٽالپر
لوڪ ادب، لساني ۽ ادبي تحقيق

سنڌ سلامت سنڌي ٻوليء جي ڪتابن جي ذخيري کي دنيا جي ڪنڊ ڪڙڇ تائين پهچائڻ لاء ڊجيٽل بوڪ ايڊيشن جو سسلو شروع ڪيو آهي، ان سلسلي جو ڪتاب نمبر (178) ”پهاڪن جي پيڙهه“ اوهان اڳيان پيش ڪجي ٿو. هي ڪتاب الله بخش حسين بخش ٽالپر جو لکيل آهي.

آنلائن پڙهو | پي ڊي ايف

نعره مستانه (ڪالمن جو مجموعو)

شيخ عبدالمجيد سنڌي / خان محمد پنھور
تاريخ، فلسفو ۽ سياست

نعرہ مستانه سنڌ جي تاريخ ساز شخصيت، سياستدان، صحافي ۽ برصغير جي آزاديءَ جي ممتاز اڳواڻ شيخ عبدالمجيد سنڌيءَ جي تحرير جو نالو آھي، جو الوحيد جھڙي تحريڪ ساز اخبار ۾ شايع ٿيندو ھو.

آنلائن پڙهو | پي ڊي ايف

پھاڪن جي حڪمت

مرزا قليچ بيگ
لوڪ ادب، لساني ۽ ادبي تحقيق

سنڌ سلامت سنڌي ٻوليء جي ڪتابن جي ذخيري کي دنيا جي ڪنڊ ڪڙڇ تائين پهچائڻ لاء ڊجيٽل بوڪ ايڊيشن جو سسلو شروع ڪيو آهي، ان سلسلي جو ڪتاب نمبر (179) ”پهاڪن جي حڪمت“ اوهان اڳيان پيش ڪجي ٿو. هي ڪتاب مرزا قليچ بيگ جو لکيل آهي جيڪو 1925ع ۾ ڇپيو.

آنلائن پڙهو | پي ڊي ايف

سنڌي ڪلچر

جي ايم سيد
تاريخ، فلسفو ۽ سياست

سائين جي ايم سيد جو لکيل هي ڪتاب ”سنڌي ڪلچر“ جيڪو هڪ پمفليٽ آهي جنهن ۾ ڪلچر جي وصف، ڪلچر ڪيئين ٺهندو آهي ۽ سنڌي ڪلچر ۽ ان جا جزا هڪ بهترين ڄاڻ وارو ڪتاب آهي۔ هن ۾ سنڌي ثقافت ۽ ڪلچر تي تفصيلي بحث ٿيل آهي۔ هن ڪتاب جي ڪمپوزنگ محترم شاهنواز سومرو ڪئي آهي ۽ وائيس آف سنڌ پاران اي بوڪ جي صورت ۾ انٽر نيٽ تي متعارف ڪرايل آهي۔

آنلائن پڙهو | پي ڊي ايف

لِڱ منھنجا لوھه

اشرف دھقاني / محبوب علي راھوجو
ناول

ايران جي تاجدار بادشاھه سمجھيو ھو ته عوام ته اٻوجھ آھي، انھن کي پنھنجن حقن جو ڪھڙو شعور؟ پر جي ڪڏھن عوام پنھنجا حق گھريا به، ته وفادار فوج کين نيست ۽ نابود ڪري ڇڏيندي!. ايران جو عوام به نيٺ سجاڳ ٿيو ۽ جڏھن عوامي فوج، آزاديءَ جي متوالن جي فوج ميدان ۾ اچي ويئي، تڏھن شاھه جي جديد ترين ھٿيارن سان مسلح فوج به سندن راھه نه روڪي سگھي ۽ ايران ۾ عوامي عوام جو اقتدار قائم ٿي ويو. پاڻ کي ذري گھٽ خدا سمجھڻ وارو شاھه جان بچائڻ لاءِ دنيا ۾ ھنڌ ھنڌ پناھه جو طالب ٿي ڦرندو رھيو، پر نه کيس ڪٿي پناھه ملي سگھي، نه ذھني سڪون! نيٺ پرڏيھ ۾ گذاري ويو- ۽ دنيا جي امير ترين شخص کي سندس وطن ۾ قبر به نصيب نه ٿي.
عوام جي انھيءَ جنگ جو نالو آھي ’لِڱ منھنجا لوھه‘ شاھه جي فوجن، آزاديءَ جي متوالن تي ڪھڙا ڪھڙا ظلم ڪيا، ۽ ھو پنھنجي مقصد تي قائم رھي، منزل تائين ڪيئن پھتا، اھوئي سڀ ڪجھ ھن ڪتاب ۾ بيان ڪيل آھي.

آنلائن پڙهو | پي ڊي ايف

سِسي نيزي پاند

محمد عثمان ڏيپلائي
ناول

سسي نيزي پاند، برک روسي اديب اوستروسڪي جي ناول how the steel was tempered جو اختصار آهي، جيڪواسانجي بزرگ ساٿي محمد عثمان ڏيپلائي اڄ کان ڳچ عرصو بقول ڏيپلائي صاحب جي ته متاثر ٿي ڇپايو هو. ڇپجڻ بعد ٿوري عرصي ۾ ئي ڪتاب وڪامي ويو.
هن ڪتاب جي ڪمپيوٽر ڪمپوزنگ محمد بخش ڪلادي صاحب ڪئي آهي.

آنلائن پڙهو | پي ڊي ايف

آواز اخلاق سنڌي پهاڪا

ڪوڙومل چندن مل کلناڻي
لوڪ ادب، لساني ۽ ادبي تحقيق

سنڌ سلامت سنڌي ٻوليء جي ڪتابن جي ذخيري کي دنيا جي ڪنڊ ڪڙڇ تائين پهچائڻ لاء ڊجيٽل بوڪ ايڊيشن جو سسلو شروع ڪيو آهي، ان سلسلي جو ڪتاب نمبر (176) ”آواز اخلاق : سنڌي پهاڪا“ اوهان اڳيان پيش ڪجي ٿو. هي ڪتاب ڪوڙومل چندن مل کلناڻي جو لکيل آهي جيڪو ورهاڱي کان اڳ ڇپيو.

آنلائن پڙهو | پي ڊي ايف

جي ماريا نَه موتَ (ويٽنامي ناول)

تنوير عباسي
ناول

هي ناول ”جي ماريا نه موت“ ويٽنام جي انهن ڪردارن تي لکيل آهي جن غلامي جي خلاف جدوجهد ڪئي ۽ گيدي ۽ بزدل قومن لاء هڪ مثال قائم ڪيو۔ هن ناول جو سنڌي ترجمو مرحوم ڊاڪٽر تنوير عباسي صاحب جن ڪيو آهي۔
ڪتاب جي ڪمپيوٽر ڪمپوزنگ محترم شاهنواز سومرو ڪئي آهي ۽ وائيس آف سنڌ پاران ڊجيٽل بوڪ جي صورت ۾ انٽرنيٽ تي آندو ويو آهي۔

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 آخري

انگ اکر

ڪُل ڪتاب: 799
ڪتابن جو مشاهدو: 1674465
ڪتاب ڊائونلوڊ جو انگ: 468412
2019 - سنڌ سلامت ڪتاب گهر
حق ۽ واسطا محفوظ