محمد سليمان وساڻ طرفان شامل ڪيل ڪتابَ 32

موهيو مون کي جن

پروفيسر نذير احمد سومرو
شخصيتون ۽ خاڪا

هي ڪتاب “مون کي موهيو جن” نامياري ليکڪ مرحوم پروفيسر نذير احمد سومري جي مختلف شخصيتن بابت خاڪن ۽ تاثرات تي مشتمل آهي. هن ڪتاب جو مرتب ۽ سهيڙيندڙ محترم عبد الوهاب سهتو آهي جڏهن ته ٽائٽل احسان دانش جو ٺهيل آهي. هي اهم ڪتاب رياضت ٻرڙي جي ڪاوشن سان ڏاهپ پبليڪيشن لاڙڪاڻو پاران 2015ع ۾ ڇپايو ويو آهي.

آنلائن پڙهو | پي ڊي ايف

سنڌ جا عوامي ڪردار

دادا سنڌي
سنڌ شناسي

ھن ڪتاب ۾، دادا سنڌيءَ سنڌ جي انھن ڪردارن کي پنھنجي قلم ذريعي ظاھر ڪرڻ جي ڪوشش ڪئي آھي، جيڪي واقعي سنڌ جا عوامي ڪردار آھن ۽ سنڌ جي عام ماڻھوءَ وٽ اھي چڱي طرح سڃاتا وڃن ٿا ۽ انھن جا پنھنجا پنھنجا ڪردار آھن، جن ڪردارن کي سنڌ جي عام ماڻھوءَ وٽ عزت ۽ آبرو آھي ۽ ھو انھن کي پنھنجو سمجھن ٿا.
دودي سومري کان، سگھڙ ٻيڙي فقير تائين ڪتاب ۾ آندل اٺاويھ ئي ڪردار اھڙا آھن، جن سمورن تي اسان کي فخر ۽ وڏائي آھي.

آنلائن پڙهو | پي ڊي ايف

آکيرا آڪاس ۾

رام بخشاڻي / قمر شهباز
شخصيتون ۽ خاڪا

هي ڪتاب “آکيرا آڪاس ۾” آتم ڪٿا يا آتم ڪهاڻي آهي دبئي ۾ رهندڙ سنڌي اديب ۽ بزنس مين شري رام بخشاڻيءَ جي جنهن جو سنڌي ترجمو ڪيو آهي قمر شهباز. هي ڪتاب پهريون ڀيرو 2003ع ۾ TAKING THE HIGH ROAD جي نالي سان انگريزيءَ ۾ ڇپيو هو. جنهن جو سنڌيءَ ۾ ترجمو مرحوم قمر شهباز ڪيو، جيڪو 2005ع ۾سنڌي اڪيڊمي دهليءَ پاران ڇپجي پڌرو ٿيو. ڪتاب انگريزي توڙي سنڌيءَ ۾ گهڻو پسند ڪيو ويو. ڪتاب جو انگريزيءَ ۾ ٻيو ڇاپو 2013ع ۾ سڌارن ۽ ڪجهه بابن جي واڌاري سان ڇپيو. ڪتاب سنڌيءَ کانسواءِ هنڌي، گجراتي، مراٺي، مليالم ۽ اردوءَ ۾ پڻ ترجمو ٿي ڇپجي چُڪو آهي.

آنلائن پڙهو | پي ڊي ايف

ساهت ڏيهه جا سرجڻهار

رضوان گل
شخصيتون ۽ خاڪا

بظاهر ننڍو نظر ايندڙ هي ڪتاب، پنهنجي اندر منجھ سمايل 33 شخصيتن جي زندگين جي اتساهيندڙ ڳالهين، واقعن ۽ سندن ڪارگذارين جي ڪري ڏاڍو وڏو آهي. هِن ڪتاب جي مطالعي سان اسان ڄاڻي سگھنداسون ته فطرت جي گلدان ۾ سنڌُ خوشبودار گلن سان ڀري پئي آهي ۽ دنيا جو ماحول جڏهن دهشت ۽ اڻ سهپ جي اثر ۾ آيل آهي، تڏهن سنڌ جي سهپ ڀري سماج ۾ اهڙيون مهانُ شخصيتون موجود رهيون آهن، جن جي دنيا کي ڏاڍي گھڻي گھرج آهي.

آنلائن پڙهو | پي ڊي ايف

سنڌي ٻوليءَ جون حسناڪيون

ڊاڪٽر بشير احمد شاد
تاريخ، فلسفو ۽ سياست

ڊاڪٽر بشير احمد ”شاد“ جي هن ڪتاب ”سنڌي ٻوليءَ جون حسناڪيون“ ۾ 11 مضمون/مقالا شامل آهن، جيڪي موضوعي سٽاءَ موجب ٽن ڀاڱن ۾ ونڊيل آهن. هي ڪتاب سنڌي ٻوليءَ جو مطالعو ڪندڙ، اديبن، محققن، استادن، شاگردن ۽ عام ماڻهن لاءِ پڻ هر طرح لاڀائتو ثابت ٿيندو، شرط فقط اهو آهي ته اهي پنهنجي سنڌي ٻوليءَ سان محبت کي من ۾ سمائي هي ڪتاب پڙهن.

آنلائن پڙهو | پي ڊي ايف

سپنن جو انت

رضوان گل
ڪهاڻيون

رضوان گل جي ڪتاب ”سپنن جو انت“ ۾ موجود ڪهاڻيون نه ته ديو مالائي ڪردارن تي مشتمل آهن ۽ نه ئي وري ڪي خيالي ڪهاڻيون آهن، پر اسان جي چؤگرد گهمندڙ ڦرندڙ ۽ رهندڙ ماڻهن جي ڪردارن تي مشتمل آهن. اسان جي ئي معاشري جي عڪاسي ڪندڙ ڪهاڻيون آهن. اهڙيون ڪهاڻيون جن کي پڙهندي ماڻهو پاڻ کي به ان ئي ڪهاڻي جو ڪو ڪردار محسوس ڪري ٿو.

آنلائن پڙهو | پي ڊي ايف

خط خوشبو خواب

فياض لطيف
مختلف موضوع

هي ڪتاب سنڌ جي حساس ۽ خوبصورت شاعر ۽ نثر نويس فياض لطيف جي محبوبا، دوستن ۽ اديبن ڏانهن لکيل خطن جو مجموعو آهي.
خطن جي مجموعي وارو هِيءُ منفرد ڪتاب فياض لطيف جي فطرت پسند ذهني سفر جي ڪٿا آهي، جنهن ۾ سندس زندگيءَ جي لڳ ڀڳ پندرهنِ ورهَن جي وارتائن جا انيڪ عڪس پَسي سگهجن ٿا، جن ۾ ڏکن ڀريا ڏکيا پيچرا به آهن، ته سکن سان سلهاڙيل انڊلٺي رنگ به اوتيل آهن.

آنلائن پڙهو | پي ڊي ايف

واءُ وکيريا خيال

رياضت ٻرڙو
مختلف موضوع

هي ڪتاب ناليواري شاعر، ليکڪ ۽ پبلشر رياضت ٻرڙي جي لکيل ريڊيو اسڪرپٽس تي مشتمل آهي. هي ڪتاب تفريحي تحرير سان گڏ معلومات سان به ڀرپور آهي. گلابي ٻوليءَ سان گڏوگڏ تحريرن ۾ تحقيق وارو پهلُو به نمايان نظر اچي ٿو.
رياضت ٻرڙي جو هي ڪتاب انتهائي معياري ۽ لاجواب آهي جنهن ۾ ٻوليءَ جي معيار ۽ ريڊيو جي فني ۽ فڪري گھرجن کي به پورو ڪيو ويو آهي.

آنلائن پڙهو | پي ڊي ايف

طبقاتي فڪر جا سنڌي ادب تي اثر

ڊاڪٽر فيض جوڻيجو
لوڪ ادب، لساني ۽ ادبي تحقيق

فيض جوڻيجي جو سال 2009ع جو پيش ڪيل ڊاڪٽوريٽ لاءِ ٿيسس “طبقاتي فڪر جا سنڌي ادب تي اثر” نظر مان ڪڍيو اٿم ۽ حيراني آهي ته ايترو خوبصورت انداز ۾ سنڌ جي اندر مارڪسي نڪتي نگاهه ۽ ترقي پسند نڪتي نگاهه کان ڪتابن جو تجزيو ڪيو ويو آهي. هڪ ته اهي ڪتاب آهن جيڪي پاڪستان کان اڳ جا ڇپيل آهن ۽ ٻيا اُهي ڪتاب آهن جيڪي پاڪستان کان پوءِ جا ڇپيل آهن

آنلائن پڙهو | پي ڊي ايف

جديد ڪهاڻي: فن ۽ موضوع

عباس ڪوريجو
لوڪ ادب، لساني ۽ ادبي تحقيق

“جديد ڪهاڻي : فن ۽ موضوع” ڪهاڻيڪار ۽ پياري دوست عباس ڪوريجي جو لکيل تحقيقي مونوگراف آهي. هي ڪتاب اصل ۾ عباس ڪوريجي سنڌي ادب ۾ ايم اي ڪرڻ دواران مونوگراف جي شڪل ۾ ”سال 2000ع کان 2014ع تائين شايع ٿيل ڪهاڻي ڪتابن جو تنقيدي جائزو“ جي عنوان سان سنڌ يونيورسٽيءَ جي سنڌي شعبي ۾ پيش ڪيو هو. جيڪو هاڻي ڪتابي صورت ۾ ڇپايو ڪيو ويو آهي.

آنلائن پڙهو | پي ڊي ايف

سنڌو ديش ڇو ۽ ڇا لاءِ

جي ايم سيد
تاريخ، فلسفو ۽ سياست

سائين جي ايم سيد جو هي ڪتاب اسان جي هر قدم تي اها رهنمائي ڪري ٿو ته سنڌ هڪ الڳ ملڪ رهيو آهي، تنهنڪري سنڌ هاڻي به هڪ آزاد ملڪ جي ئي حيثيت ماڻي

آنلائن پڙهو | پي ڊي ايف

سنڌ ڳالهائي ٿي

جي ايم سيد
تاريخ، فلسفو ۽ سياست

ڪتاب سنڌ ڳالهائي ٿي اوهان اڳيان پيش ڪجي ٿو. ياد رهي ته هي تاريخي ڪتاب اصل ۾ سائين جي ايم سيد جو پاڪستاني ڪورٽ لاء عدالتي بيان آهي جيڪو سنڌ ڪيس جي نالي سان انگريزيء ۾ به ڇپيو آهي. هي ڪتاب پڙهڻ کانپوء اهو احساس ٿو ٿئي ته پاڪستان جي ٺهڻ کان وٺي هن وقت تائين سنڌ سان ڪيڏا وڏا ڪلور ٿيندا رهيا آهن.

آنلائن پڙهو | پي ڊي ايف

اکين ۾ رهجي ويل عڪس

پرويز
ڪهاڻيون

پرويز جي ڪهاڻين جو نيٽ ورڪ اصلوڪو، داخلي ۽ خارجي دنيا سان هم آهنگ آهي. هن جي فن جو سنجيدگيءَ سان اڀياس ڪبو ته هن کي سنڌ ۽ ٽين دنيا جي وڏن ڪهاڻيڪارن جي قطارن ۾ بيهاري فخر محسوس ٿيندو. شهرت ۽ پبلڪ رليشنز کان ڏور هي پورهيت ڪهاڻيڪار، جيڪو زمين ۾ گُڏ ڪري ٿو، رونبو هڻي ٿو. پنهنجي فصل جي جهار هڪلڻ سان گڏ ڪهاڻي جي اُفق تي ڇانيل دونهي کي به هٽائي ٿو. هن جو فن ۽ مشاهدو ساهس ڏيندڙ، تُز ۽ ٺهڪيل آهي.

آنلائن پڙهو | پي ڊي ايف

برسات کانپوءِ

اختر حفيظ
ڪهاڻيون

نوجوان ڪهاڻيڪار اختر حفيظ پنهنجي ڪهاڻين بابت لکي ٿو:
منهنجيون ڪهاڻيون ڪنهن کي وڻن ٿيون يا نٿيون وڻن انهي تي مون کي اعتراض نه آهي، مون کي صرف ايتري خبر آهي ته منهنجون ڪهاڻيون هن سماج مان ورتل آهن، هونئن به پنهنجي سماج کان ڪٽيل ڪهاڻي جو ڪو سرو نه هوندو آهي

آنلائن پڙهو | پي ڊي ايف

تخليق جو انت

عابده گهانگهرو
ڪهاڻيون

هن ڪتاب ۾ شامل ڪهاڻين ۾ عورتن لاءِ محنت، سجاڳيءَ ۽ جدوجهد جو پيغام آهي. جيڪي گهڻي قدر حقيقتن تي ٻڌل آهن ۽ اڪثر ان وقت جي واقعن ۽ حالتن پٽاندر آهن. مثال طور 2005ع وارو زلزلو، شائسته عالماڻيءَ وارو ڪيس، ڪاري ڪاريءَ جا وڌندڙ واقعا يا وري پيار جي پرڻن متعلق منظر تي آيل واقعن جي گهڻائي وغيره.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 آخري

انگ اکر

ڪُل ڪتاب: 835
ڪتابن جو مشاهدو: 2186934
ڪتاب ڊائونلوڊ جو انگ: 555248
2019 - سنڌ سلامت ڪتاب گهر
حق ۽ واسطا محفوظ