محمد سليمان وساڻ طرفان شامل ڪيل ڪتابَ 8

ساجن سونھن سرت

تنوير عباسي
شاعري

ھي ڪتاب نامياري شاعر ۽ محقق تنوير عباسيءَ جي شاعريءَ جو مجموعو آھي جنھن ۾ وايون، غزل، نظم ۽ ھائيڪا شامل آھن. ابراھيم کرل لکي ٿو:
”تنوير جي “Vision” جو آخري استعارو “سرت“ آهي، سرت ساڃاهه، ڏاهپ، دانشمندي، غور، فڪر، سوچ، آگاهي، سڃاڻپ جهڙن لفظن کي پاڻ ۾ سمائي ٿي، تنوير جي سموري زندگي تحرڪ، جدوجهد، جاڳ، ويڙهه، مقصد تائين پهچڻ لاءِ سرگرم رهي، سنڌي ٻولي جي بچاءَ جي تحريڪ هجي يا ادارن جي اڏاوت، ٻولي ۽ ادب جي واڌ ويجهه، ون يونٽ خلاف عملي جدوجهد، تنوير هڪ سرگرم ڪارڪن طور ڪم ڪيو.“

آنلائن پڙهو | پي ڊي ايف

سنڌو منھنجي ساھ ۾

امر جليل
ڪهاڻيون

هن ڪتاب جو مهاڳ ’نئون مهاڳ‘ جي عنوان سان ليکڪ جو لکيل آهي، جنهن ۾ هن لکيو آهي ته: ”مان سنڌوءَ جي ڪري آهيان، منهنجي تحرير کي مقصد ۽ مقصد کي منصب سنڌوءَ ڏنو آهي.“ هن ڪتاب ۾ ليکڪ هر ڪالم کي ڪهاڻين وانگر عنوان ڏنا آهن، هن ڪتاب ۾ ٻيا ليک ۽ مختصر ڪهاڻيون چئن حصن ۾ ورهايل آهن، جن ۾ ’ٽٽل آئيني جو عڪس‘، ’چينو‘، ’پيهي منجھه پاڻ‘ ۽ ’سنڌو منهنجي ساهه ۾‘ شامل آهن. هن ڪتاب جي هر حصي ۾ هڪ ئي خيال ۽ تـاثـر واريـون ڪهاڻيون ڏنيون ويون آهن. ڪتاب جي ڪهـاڻين واري پهرين حصي ۾ 21 ڪهاڻيون ڏنيون ويون آهن، جيڪي انهن انسانن بابت لکيون ويون آهن، جيڪي حالتن هٿان چچرجي ۽ مري وڃڻ کانپوءِ به تاريخ ۾ زندهه رهندا آهن. ٻئي حصي ۾ ڪل 17 ڪهاڻيون ۽ مضمون، ٽئين حصي ۾ 19 ۽ چوٿين حصي ۾ 20 ڪهاڻيون ۽ مضمون شامل آهن.

آنلائن پڙهو | پي ڊي ايف

تاريخ جو منظر ۽ پسمنظر

فقير محمد سنڌي
تاريخ، فلسفو ۽ سياست

فقير محمد سنڌي هن ڪتاب ۾ مھيني جي هر تاريخ جي ترتيب سان دنيا خاص ڪري سنڌ جي شخصيتن جي جنم ۽ ورسين جي سال ۽ خاص واقعن کي مختصر نموني 365 ڏينھن ۾ سھيڙيو آهي. تاريخ جي ٽڙيل پکڙيل ورقن کي سھيڙي ڪتابي صورت ۾ آڻڻ جي سخت ضرورت ھئي. فقير محمد سنڌيءَ ان کان اڳ سنڌ جي تاريخ کي ترتيب وار سھيڙي ڪتاب ”سنڌ جي تاريخ“ ڇپرايو ھيو ۽ ھن ڪتاب ۾ دنيا جي شخصيتن ۽ واقعن سان اڳ اڳئين ڪتاب کي سنواري ۽ وڌائي ڇپرايو آھي.

آنلائن پڙهو | پي ڊي ايف

ھٿين ھٿ ڪڙول

طارق اشرف
جيل ڊائري

طارق اشرف کي ٻيو ڀيرو 1983ع ۾ گرفتار ڪيو ويو اھو عرصو ٽن مهينن تي ٻڌل هو، جنهن طارق اشرف کان ”هٿين هٿ ڪڙول“ (جيل جي ڊائري) لکرايو, جنھن ۾ھـُن پنهنجي جيون ساٿي کي خطن ذريعي جيل جي گھڙين کان واقف ڪيو آھي. ان ۾ ملاقات لاءِ اچڻ وارن، جيل جي ساٿين ۽ ٻين ڳالھين جو ذڪر ڪيو آھي. ھو لکي ٿو:
”مان ھڪ سنڌي ليکڪ آھيان .ڇا مون ڪا چوري ڪئي آھي؟ ڪو اخلاقي جرم ڪيو آھي؟ جو مونکي جيل موڪليو ويو آھي؟ منهنجو اھو ڏوھ آھي تہ مون سچ لکيو آھي. ھر ليکڪ ھٿڪڙين ۽ جيلن کان ڊڄي قلم تہ نہ ڦٽو ڪندو. نہ ئي قلم وڪڻندو. ڇو تہ اھڙو بہ وقت ايندو جڏھن نہ ھن لاء جيل ھوندا، نہ حڪومتون، نہ ئي انعام ۽ عهدا ھوندا ڇو تہ ھڪ ڏينهن دنيا ۾ ھن جي قلم سان لکيل لکڻيون رھنديون.“

آنلائن پڙهو | پي ڊي ايف

تبديليءَ جو پٿر (جيون سفر)

گيتا سنڌي
آتم ڪٿا / آٽوبايوگرافي

ھي جيون سفر جي ڪٿا آھي ھڪ اھڙي ڇوڪريءَ جي جنھن جنھن نہ رڳو ھن اڍنگي سماج جي بيھودہ ۽ گندين ريتن رسمن سان بغاوت ڪئي آھي، پر ساڳئي وقت مڙدار ريتن رسمن جي ٺيڪيدارن سان مھاڏو اٽڪائي آئين، قانون ۽ انساني حقن جو علم پڻ بلند ڪيو آھي.

آنلائن پڙهو | پي ڊي ايف

شاهه لطيف جي شاعري

تنوير عباسي
لطيفيات

سنڌ جي ڏاهي اديب ۽ دانشور تنوير عباسي جو هيءُ ڪتاب، لاکيڻي لطيف جي شاعريءَ جي انهن پاسن کي نروار ڪري ٿو جيڪي اسان کي شاهه جي رسالن ۾ نه ٿا ملن. ٻارهن بابن ۾ ورهايل هن ڪتاب جي هر باب ۾ معلومات ڀري پئي آهي. تنوير عباسيءَ جي ڪتاب ’شاهه لطيف جي شاعريءَ‘ ۾ موجود سڀيئي باب، اسان کي شاهه لطيف ڀٽائيءَ جي شاعريءَ جو ويجهڙائيءَ کان ڇيد يا 'Analyze' ڪندي نظر اچن ٿا. ٻارهن ئي بابن ۾ شاهه جي شاعريءَ جو سائنسي اڀياس ڪيو ويو آهي.

آنلائن پڙهو | پي ڊي ايف

جڏھن مان نہ ھوندس

امر جليل
ڪهاڻيون

”جڏهن مان نه هوندس“ ۾ گهڻو ڪري ون يونٽ جي دور جون ڪهاڻيون لکيل آهن، اهو دور جنهن ۾ سنڌ سياسي ۽ شعوري طور اڀري پئي هئي ۽ سياستدانن سان گڏ ليکڪ ۽ اديب به اڳئين مورچي تي موجود رهيا هئا. هي دور آمر فوجي جو دور هو جنهن ۾ سنڌ جي شناخت ختم ڪرڻ جي ڪوشش ڪئي وئي هئي. لڇمڻ ڪومل جي ديهانت کانپوء سندس پهرين جنم ڏينهن تي کيس ڀيٽا لاء ڪراچي ۾ ٿيندڙ هڪ پروگرام ۾ امر جليل اهو اقرار ڪيو ته ”جڏهن مان نه هوندس“ اصل ۾ لڇمڻ ڪومل جي هڪ ڊرامي جو نالو هيو جنهن کان متاثر ٿيس ۽ کيس چيم ته مان اهو نالو پنهنجي ڪهاڻي ۽ ڪتاب کي ڏيڻ ٿو چاهيان ۽ ايئن لڇمڻ ڪومل مرڪندي، خوش ٿيندي کيس اجازت ڏئي ڇڏي.

آنلائن پڙهو | پي ڊي ايف

تڙ تڙ تيڏيان ڳالھيان

استاد بخاري
شاعري

نامياري شاعر استاد بخاريءَ جي سرائيڪي شاعريءَ تي ٻڌل ڪتاب ”تڙ تڙ تيڏيان ڳالھيان“ اوھان اڳيان پيش آھي.
استاد بخاري سنڌي ٻوليءَ جو وڏو شاعر تہ ھيو ئي پر کيس سرائڪي ٻوليءَ تي بہ ڪمال جي دسترس ھئي . ھن سرائڪيءَ ۾ بہ ڪافي شاعري ڪئي جنھن کي فنڪارن ڳائي عام ماڻھن تائين پھچايو. سرائڪي شاعريءَ ۾ استاد ڳوٺاڻي ماحول، روايتن، رسمن ۽ ثقافت جي ڀرپور عڪاسي ڪئي آھي.

آنلائن پڙهو | پي ڊي ايف

چونڊ نوبل ڪھاڻيون

ممتاز بخاري / حبيب ساجد
ڪهاڻيون

ھن ڪتاب ۾ دنيا جي 13 مشھور ڪھاڻيڪارن بجورنسٽرين بجورنسن، رڊيارڊ ڪپلنگ،رابندر ناٿ ٽيگور، نٽ ھمسن، پرل ايس بڪ، وليم فاڪنز، ارنيسٽ ھمينگري، ھينرج بول، ازاڪ باشويس سنگر، گبرائيل گارشيا مارڪيز، نجيب محفوظ، ڪاميلو جوز سيلا ۽ ناڊيني گورڊيمير جون چونڊ 14 نوبل ڪھاڻيون شامل جن جو ترجمو ۽ ترتيب ممتاز بخاري ۽ حبيب ساجد ڪئي آھي.

آنلائن پڙهو | پي ڊي ايف

تعليمي فلسفو

محمد اسماعيل عرساڻي / سيد قادر بخش شاهه بخاري
تعليم

تعليم ڇا آھي، ان جو انسان ۽ انسانيت سان ڪڏھن کان ۽ ڪھڙو واسطو آھي. ان جا اثر انسان تي ڪھڙا پون ٿا؟ صحيح تعليم جا اھڃاڻ ڪھڙا آھن؟ ڪنھن کي تعليم يافتہ چئجي ۽ ڪنھن کي نہ، تعليم ڪڏھن کان ۽ ڪھڙي قسم جي ڏجي؟ تعلين جي وصف، اصول، نظريا ۽ ان قسم جا جواب ۽ تعليمي فلسفي بابت مختلف باب ھن ڪتاب ۾ شامل آھن.

آنلائن پڙهو | پي ڊي ايف

ڪرسي

عبد القادر جوڻيجو
ڪالم / مضمون

عبدالقادر جوڻيجي جي لکڻين جو اھو ڪمال آھي جو ڪالم يا مضمون شروع ڪرڻ کان پوءِ ان کي مڪمل ڪري ساھ کڻبو آھي. ھو لکي ٿو تہ ”انھيءَ ۾ ڪو شڪ ناھي تہ اڄڪلھ اسپيلائيزيشن جو دور آھي، پر انھي ھوندي بہ ڪنھن خاص موضوع تي لکڻ وقت ٻين موضوعن کي بہ ڇھڻو ٿو پوي تہ جيئن ڳالھ چٽي ٿي بيھي. سماجيات، سماجي نفسيات، سياست، ميڊيا ۽ ادب وغيرہ تي لکندي مونکي انھن موضوعن سان گڏ ٻيا موضوع بہ گڏڻا پيا آھن.“

آنلائن پڙهو | پي ڊي ايف

شاھنامي وارا شاهه (قديم ايران جي تاريخ)

شمس العلماء ڊاڪٽر مرزا قليچ بيگ
تاريخ، فلسفو ۽ سياست

1926ع ۾ ڇپيل ھي ڪتاب فردوسيءَ جي شاھنامي جو ترجمو آھي جنھن جو سنڌيڪار ۽ ترتيب ڏيندڙ شمس العلماء ڊاڪٽر مرزا قليچ بيگ آھي.
فردوسيءَ جو شاھنامو مشھور آھي، جنھن ۾ قديم ايران جي بادشاھن جو احوال ڏنل آھي ۽ منجھس عجيب غريب ڳالھيون آھن، جن مان گهڻيون خيالي ۽ شاعرائي ڊول جون آھن. انھي قديم تاريخ بابت ٻيا بہ ڪتاب نثر ۾ لکيل آھن، جن تان ھن ڪتاب جو مضمون ورتل آھي.

آنلائن پڙهو | پي ڊي ايف

ترم ياترا

عبدالواحد آريسر
جيل ڊائري

”ترم ياترا“ سنڌ جي نالي واري دانشور ۽ قومپرست سياستدان عبدالواحد آريسر جي جيل جي يادگيرين تي مشتمل ڊائري آهي، جيڪو جيل هن ذوالفقار علي ڀٽي جي دور ۾ ڪاٽيو هو. هن ڪتاب جو انتساب سائين ’جي. ايم. سيد‘ جي نالي ڪيو ويو آهي.

آنلائن پڙهو | پي ڊي ايف

لذت گناھ

آغا سليم
ڪهاڻيون

ھي ڪتاب نامياري ليکڪ ۽ محقق آغا سليم جي لکيل ڪھاڻين جو مجموعو آھي, جيڪو سندس ڇپيل پھريون ڪتاب آھي. ياد رھي تہ ان وقت آغا سليم پنھنجو ھي مجموعو آغا شاھين جي نالي سان ڇپرايو ھو. پاڻ لکن ٿا:
”منھنجا ڪجه افسانا منھنجي زندگيءَ سان وابستہ آھن ۽ ڪجه منھنجي انھن دوستن جي زندگيءَ سان جيڪي سارو ڏينھن مونسان گڏ آھن. مون پنھنجن افسانن ۾ اڄڪلھ جي خوددارن جي خوديءَ جي، عاشقن جي عشق جي مذاق اڏائڻ جي ڪوشش ڪئي آھي.“

آنلائن پڙهو | پي ڊي ايف

اولاڻا عشق جا (ڪلام فقير معشوق علي کوکر)

راشد شر
تصوف

ھي ڪتاب فقير معشوق علي کوکر جي شخصيت ۽ شاعريءَ (اڻ ڇپيل) بابت تحقيقي مقالو آھي جنھن جي ترتيب ۽ تحقيق راشد شر ڪئي آھي.
پاڻ جڏهن فقير معشوق علي کوکر جو ڪلام پڙهون ٿا ته اسان کي هن فقير وٽ به عشق فراق جي دانهن سان گڏ سندس شاعريءَ جو ٻيو جيڪو اهم موضوع ملي ٿو اهو آهي صوفياڻو رنگ جنهن ۾ هن پاڻ کان اڳ وارن ڪلاسيڪل صوفي شاعرن جي پيغام جي تسلسل کي اڳتي وڌايو آهي.

آنلائن پڙهو | پي ڊي ايف
صفحا: پهريون 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 آخري

انگ اکر

ڪُل ڪتاب: 1153
ڪتابن جو مشاهدو: 3580594
ڪتاب ڊائونلوڊ جو انگ: 977112
2021 - سنڌ سلامت ڪتاب گهر
حق ۽ واسطا محفوظ