مذهب

محمد رسول الله صلي الله عليه وآله وسلم

هي ڪتاب سابق تعليمي ماهر لال چند امرڏنو مل جڳتياڻي جو لکيل آهي۔ ڪنهن به غير مسلم شخصيت جو محمد رسول الله صه جي زندگيء بابت هي پهريون ڪتاب آهي۔ اسين ٿورائتا آهيون اسلاميه سائنس ڪاليج سکر جي اسٽنٽ پروفيسر محترم عبدالجبار شيخ صاحب جا، جنهن هي ڪتاب ڪمپوز ڪري سنڌ سلامت تي پيش ڪرڻ لاء موڪلي ڏنو آهي.
Title Cover of book محمد رسول الله صلي الله عليه وآله وسلم

مسجد جو مانڊاڻ

محمد صاحب ﷺ جي هاڻ مرضي ٿي ته مدينه ۾ هڪ عبادتگاه اڏائجي پٽ پسند ڪيائون ساڳيو جتي سندس اٺ اچي ويٺي هئي.اهو پٽ ڪن ٻن ڇورڙن جو هو. هوسو قبرستان پر ته به مديني وارن ڦوڙي ڪري مالڪن کي پٽ جي قيمت آڇي. ڇورڙن پئسن وٺڻ کان صفا انڪار ڪيو چيائون اسان دعويٰ ڇڏي پٽ تان هٿ کنيو ڀل پيغمبر صاحب اتس عبادتگاه اڏائي. ترت ئي اڏاوت جو ڪم شروع ٿيو. سڀيئي مسلمان مزورن وانگر ڪم کي لڳي ويا خود حضرت محمد ﷺ ٻين سنيون تغاريون پئي کنيون. عمارت سادي سودي ٺهي اوائل ۾ ته منجهس منبر به ڪونه هو. اهو به پوءِ ٺهيو حضرت محمد ﷺ هميشه منبر جي ٽئين ڏاڪي تي بيهي.اتان وعظ ڪندو هو.