(3)
سِڪي دلڙي سڪايل دي ملڻ دي ڪر مهرباني
1: ڏکا جَلوه جٿان هووين اِٿان هووين اُٿان هوين
مخاطب جٿ ڪٿان هووين پسائو پاڪ پيشاني
2: تئڏا درشن ثواب حج دي ملو همدم اَڄو اَڄدي
چُمان جُتي ڪران سجدي ٿيوان قدمان تون قرباني
3: ملا ديدار ديداندي مَنون مطلب مُريداندي
مهابي شاهه شهيدان دي ڪرو آوڻ دي احساني
4: ڦَٽيل دلڙي فراقي ٿي ملا مَرَهَمِ مُلاقي ٿي
اسان ڪُن آ اوطاقي ٿي رَلائو راز روحاني
5: بره تئڏي لَنئُون لاتي سگها پائو پِرين جهاتي
ملا ڇاتي نال ڇاتي ٿيوي دل شاد ويراني
6: مُئل جندڙي تڏان جيسي وِصل پيالا جڏان پيسي
ملڻ مٺڙا ڪڏان ٿيسين تيڏي پل پل پريشاني
7: هو ال اول هو ال آخر هوي باطن خواه ظاهر
وِچون پرده ڏکا ٻاهر سهڻي صورت سلطاني
8: طمع نان مال ملڪيت دي نڪا ڪَشف و ڪرامت دي
ضرورت هي زيارت دي ڏکا تجلات نوراني
9: خوشي آرام درد نيتي سڙي سوران دي ڍڪ پيتي
ڏُکي دلڙي ڏيکڻ ڪيتي رهي شب روز گرياني
10: وَصُل واڳان ولا جلدي پري هڪ پل نهين پَلدي
تئڏي تن تات ول ول دي مڻا معراج جسماني
11: رهيا تن من تَسا دلبر دِلِ ويران وَسا دلبر
پهچ پل وچ پَسا دلبر حسن جلوه يوسف ثاني
12: ڪرو دل خوش غمان ڳلي مهر منگدا معشوق علي
هو وَ وهامي خفي جلي ٿيوي شفقت شاهاني.