سنڌ سلامت ڊجيٽل بوڪ ايڊيشن سلسلي جو نئون ڪتاب” ڪارو ڪاري _ ڪڌي رسم (قرآن و حديث جي روشنيءَ ۾)“ اوهان اڳيان حاضر آهي. ھي اھم تحقيقي ڪتاب مفتي محمد جميل ڦلپوٽو جو لکيل آھي، جڏھن تہ نظرثاني حزب اللہ آءِ سومري ڪئي آھي.

هن وقت سنڌ ۾ ٻين براين سان گڏ هڪ وڏي برائي عورتن سان نا انصافي آهي ۽ غيرت جي نالي تي انھن جو ناحق قتل ڪيو وڃي ٿو. غيرت جي ڇا حقيقت آهي ۽ اهڙي صورتحال ۾ قرآن ۽ سنت ۾ ڪھڙو حل موجود آهي. هن ڪتاب ۾ ان جي مڪمل ۽ پوري معلومات فراهم ٿيل آهي. مولانا موصوف جو هي تحقيقي مقالو عام ماڻهن جي ذهنن ۾ مثبت سوچ پيدا ڪندو ۽ سنڌ جي ماڻهن کي عورتن جي قتل کان روڪيندو. هي ڪتاب عوام سان گڏ علماءِ جي لاءِ بہ مفيد ثابت ٿيندو.

ھي ڪتاب 2014ع ۾ علم دوست ادبي سنگت سنڌ پاران ڇپايو ويو. ٿورائتا آھيون حزب اللہ آءِ سومري جا جنھن ڪتاب جي ڪمپوز ڪاپي سنڌ سلامت ڪتاب گهر لاءِ موڪلي، مھربانيون مفتي محمد جميل ڦلپوٽي جون جنھن ڪتاب سنڌ سلامت ڪتاب گهر ۾ پيش ڪرڻ جي اجازت ڏني.

مينيجنگ ايڊيٽر ( اعزازي ) 

سنڌ سلامت ڊاٽ ڪام

sulemanwassan@gmail.com

www.sindhsalamat.com

books.sindhsalamat.com