سنڌ سلامت ڪتاب گهر پاران نامياري سياستدان ۽ اديب ڄام ساقيءَ جو لکيل ناوليٽ ”کاھوڙي کِجن“ اوهان اڳيان پيش آهي.

ڪامريڊ ساقيءَ جو ناوليٽ ”کاهوڙي کِجن“ هڪ اهڙي انقلابيءَ جي ڪٿا آهي، جيڪو پنھنجي وطن ۽ ديس واسين جي نجات لاءِ جدوجھد ڪري ٿو، ظلم آڏو جهڪي نٿو ۽ جدوجهد کي جاري رکڻ لاءِ انقلابي طريقو اپنائيندي روپوشي واري زندگي گذاري ٿو. ڪامريڊ ڄام ساقي ناول ۾ روپوشي واري زندگي گذاريندڙ مرڪزي ڪردار جانب عليءَ جي ڪَٿا، اهڙيءَ ريت چِٽي آهي، جو ائين محسوس ٿئي ٿو تہ اهو انقلابي ڄڻ ڪامريڊ ساقي پاڻ هجي. هي ناوليٽ، ڪو تصوراتي ناوليٽ ڪونھي. هي هڪڙي سياسي دور جي ڪَٿا آهي، جڏهن آواز تي پابندي هئي، ان جي باوجود سرخ سويرن ڏانهن سفر ڪندڙ مسافر اٽل ارادن ۽ سچائين سان اڳتي وِکون کڻي رهيا هئا. 

ھن ناوليٽ جو پھريون ڇاپو 1973ع ۾ ۽ ٽيون ڇاپو 2018ع ۾ پارڪر پبليڪيشن آڌيگام _ ٿرپارڪر پاران ڇپايو ويو. ٿورائتا آھيون پارڪر پبليڪيشن جي سرواڻ ايشور لال سوجاڻيءَ جا جنھن ڪتاب جي ڪمپوز ڪاپي سنڌ سلامت لاءِ موڪلي ۽ مھربانيون ڀيڻ بختاور ڄام جون جنھن ڪتاب سنڌ سلامت ڪتاب گهر ۾ پيش ڪرڻ جي اجازت ڏني.

مينيجنگ ايڊيٽر ( اعزازي ) 

سنڌ سلامت ڊاٽ ڪام

sulemanwassan@gmail.com

www.sindhsalamat.com

 books.sindhsalamat.com