سنڌ سلامت ڪتاب گهر پاران نامياري اديب ۽ محقق ڊاڪٽر محبت ٻرڙي جو لکيل ڪتاب ”انسائيڪلوپيڊيا سنڌيڪا ۽ سنڌي ٻولي“ اوھان اڳيان آڻي رھيا آھيون، جنھن جو سھيڙيندڙ رياضت ٻرڙو آھي.

ڊاڪٽر محبت ٻرڙو سنڌي قوم ۽ سماج جو هڪ اهم ۽ سڄاڻ ماڻھو هو. فقط پنجيتاليھن ورهَن تي پکڙيل پنھنجي ننڍي ڄمار منجهان، ستاويھہ ورھہ هُن عملي سياست ۽ سماجي سرگرمين سميت علمي، تحقيقي ۽ ادبي خدمتون ڪندي گذاريا، جن کيس هڪ ڏاهي، محقق، ٻوليءَ جي ڄاڻُو، اديب، ڪھاڻيڪار، مضمون نويس، تنقيدنگار، مترجم، سياسي ۽ سماجي اڳواڻ ۽ کاهوڙي پُٽ جي سُڃاڻ ڏني. ھي ڪتاب سندس ڇپيل، تحقيق ڪيل ۽ ترجمو ڪيل مضمونن تي مشتمل آھي جيڪي ٽن ڪتابن انسائيڪلوپيڊيا سنڌيڪا“، ”اچو تہ پنھنجي سنڌي لکت سنواريون“ ۽ ”سنڌي ٻولي: لفظ، لغت ۽ لکيت“ جي صورت ۾ ڇپايا ويا ھيا. 

ھي ڪتاب ڊاڪٽر محبت اڪيڊمي، قنبر پاران 2018ع ۾ ڇپايو ويو. ٿورائتا آھيون رياضت ٻرڙي جا جنھن ھي ڪتاب سنڌ سلامت ڪتاب گهر ۾ اپلوڊ ڪرڻ لاءِ موڪليو. 

مينيجنگ ايڊيٽر ( اعزازي)، ڪراچي 

سنڌ سلامت ڊاٽ ڪام

sulemanwassan@gmail.com

www.sindhsalamat.com

 books.sindhsalamat.com