علي احمد قريشي صاحب هاري تحريڪ ۾ شروع کان سرگرم رهيو، هارين جي حقن لاءِ پاڻ پتوڙيائين جيتوڻيڪ پاڻ خوشحال آبادگار آهي پر سندس هارين سان اڄ بہ روش مثبت آهي. علي احمد قريشيءَ جي آتم ڪٿا دراصل جديد سنڌ جي تاريخ آهي، سنڌ جي سياسي تاريخ توڙي سياسي اڳواڻن جي ڪيترن ئي لاهن چاڙهن جو مفصل ذڪر ڪيو ويو آهي، ذاتي زندگي جا بہ ڪافي احوال اوريل آهن. 92 ورهين جي عمر ۾ بہ ذهني طور چست هن شخص ڪمال جا مشاهدا بيان ڪيا آهن، جيڪي پڙهڻ سان گهڻو ڪجهه پرائي سگهجي ٿو.