سنڌو لکت جو بين الاقوامي لکتن سان لاڳاپو
ھن ڪتاب ۾ قديم سنڌي لکت کي مختلف تھذيبن جي لکت سان ڳنڍڻ کي ظاهر ڪيو ويو آهي. مختلف لکت جي نمونن جي مدد سان اهو ثابت ڪرڻ جي ڪوشش ڪئي وئي آهي تہ سنڌو لکت ھڪ پدي Monosyllable آھي، تنھنڪري اھا، نہ تہ سنسڪرت مان نڪتل آھي نہ وري ان جو سامي ٻوليءَ سان ڪو لاڳاپو آھي. پر ھن لکت جو مصر، سمير، سافا، ايلمي، اٿوپيا ۽ قديم ايلمي سان ڳانڍاپو رهيو آهي. هن ڪتاب جو مقدمو ڊاڪٽر نواز علي شوق لکيو آھي. هن ڪتاب ۾ لکت جون نشانيون ۽ مثال تفصيل سان ڏنل آهن.