دل اندر درياوَ
مدد علي سنڌي سنڌ ۾ ستر واري ڏھاڪي جي مزاحمتي نشاني آھي. ھو جاکوڙي سياسي ورڪر، سرگرم صحافي ۽ ھڪ ڪھاڻيڪار کان ھڪ دانشور جي حيثيت ۾ پاڻ نڀائيندو رھيو آھي. ھن ڪتاب ۾ سندس ڪھاڻين جا ٻہ مجموعا ”دل اندر درياوَ“ ۽ ”ھستي جي اجاڙ ايوان ۾“، ھڪ ناوليٽ ”ھو جي مئا ماڳ ۾“، ھڪ سفرنامو ”شھر صحرا ڀانيان“، شاعريءَ جو ڳٽڪو ”پنر ملن“ مخلف قسمن جا لکيل مضمون، قرت العين حيدر جي لکيل ناول ”قلندر“ جو ترجمو ۽ کيس لکيل خط شامل آھن.