هي ڪتاب اصل ۾ شاهه عبداللطيف يونيورسٽي خيرپور جي سنڌي شعبي ۾ سال 2018ع ۾ پيش ڪيل تحقيقي مونوگراف آهي. هي مونوگراف ڪالم نگار ۽ مضمون نگار راشد شر جو لکيل آهي.
خوش خير محمد هيسباڻي سنڌي ۽ سرائيڪي ٻوليءَ جو ڪلاسيڪل صوفي شاعر آهي. خوش خير محمد سچل جي ورثي صوفياڻي رنگ ۽ بيخوديءَ واري شاعريءَ کي اڳتي وڌايو ۽ ڪافيءَ کي نوان رنگ ڏنا. هي دور سنڌي ڪافيءَ جي اڀار جو دور هو. صوفي خوش خير محمد جي ڪافي ڪمال جي آهي. هن سچل کان پوءِ بيدل جو اثر ورتو ۽ صوفي شاعرن ۾ اهم مقام حاصل ڪيو.