سنڌسلامت پاران
سنڌسلامت ڪتاب گهر پاران نامور ليکڪ ۽ ماحوليات جي ماھر ناصر علي پنھور جو ٿر جي ڪوئلي بابت لکيل مختلف مضمونن ۽ڪالمن جو ترتيب ڏنل ڪتاب ”ٿر جو ڪارو سون: اميدون، آسرا ۽ خدشا“ اوھان اڳيان آڻي رھيا آھيون.
ھن ڪتاب ۾ سنڌ جي ناليوارن ماحولياتي ماھرن، انجنيئرن، ليکڪن ۽ ساڃاھوندن جھڙوڪ ناصر پنھور، علي اڪبر راھمون، نصير ميمڻ، جامي چانڊيو، ڊاڪٽر علي مرتضيٰ ڌاريجو، سھيل سانگي، نواز ڪنڀر ادريس راجپوت، نوز خان زئور، ۽ ٻين جا لکيل مضمون ۽ ڪالم شامل آھن. ھنن ڪالمن ۾ ليکڪن سٺيون صلاحون ڏنيون آھن ساڳي وقت مختلف قسم جا ماحولياتي، اقتصادي ۽ سماجي خدشا ۽ ھاڃا پڻ نروار ڪيا آھن. مضمونن ۾ خاص ڪري ٿر جي سونھن، ماحوليات ۽ لوڪل لڏپلاڻ کي پھتل نقصانن کي پڻ نروار ڪيو ويو آھي.
ھي ڪتاب 2017ع ۾پيڪاڪ پرنٽرز ۽ پبلشرس، ڪراچيءَ پاران ڇپايو ويو، جنھن جي اسڪين ڪاپي ايم ايڇ پنھور انسٽيٽيوٽ آف سنڌ اسٽڊيز جي سھڪار سان اوھان سان شيئر ڪجي ٿي.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com
نوٽ: ھن ڪتاب جي رڳو پي ڊي ايف ڪاپي موجود آھي.