سنڌسلامت پاران
سنڌسلامت ڪتاب گهر پاران نامور ليکڪ ۽ ماحوليات جي ماھر ناصر علي پنھور جو ماحوليات، سنڌ جي ڊيلٽا ۽ فطرتي وسيلن بابت لکيل مضمونن ۽ ڪالمن جو مجموعو ”اڇو پاڻي لُڙ ٿيو“ اوھان اڳيان آڻي رھيا آھيون.
سنڌ ۾ ماحولياتي حوالي سان تمام ٿورڙا نالا اهڙا آھن، جن ماحوليات جھڙي اھم موضوع تي سنڌي ٻوليءَ ۾ انتھائي شاندار لکيو آھي. انهن نالن منجهان ناصر علي پنھور پڻ هڪ آهي. هو ماحولياتي حوالي سان نہ رڳو هڪ ماهر پروفيشنل آهي، پر گڏو گڏ ماحولياتي مينيجمينٽ توڙي صحافت جھڙن شعبن ۾ ڪيتري ئي عرصي کان ڪم ڪندو پيو اچي. ھن ڪتاب جي پھرئين حصي ۾ ”سنڌو درياھ، ڊيلٽا ۽ ڊئم“، ٻئي حصي ۾ ”موسمي تبديليون، ماحول ۽ فطري وسيلا“، ٽئين حصي ۾ ”پاڻي“، چوٿين حصي ۾ ”ڍنڍون، جهنگلي جيوت ۽ ٻيلا“ پنجين حصي ۾ ”ٻوڏون، ڏڪار ۽ زلزلا“ جڏھن تہ ڇھين ۽ آخري حصي ۾”پائدار ترقي“ جي عنوانن ھيٺ مضمون شامل آھن.
ھي ڪتاب 2019ع ۾پيڪاڪ پرنٽرز ۽ پبلشرس، ڪراچيءَ پاران ڇپايو ويو، جنھن جي اسڪين ڪاپي ايم ايڇ پنھور انسٽيٽيوٽ آف سنڌ اسٽڊيز جي سھڪار سان اوھان سان شيئر ڪجي ٿي.
محمد سليمان وساڻ
مينيجنگ ايڊيٽر (اعزازي)
سنڌ سلامت ڊاٽ ڪام
sulemanwassan@gmail.com
sindhsalamat.com
books.sindhsalamat.com
نوٽ: ھن ڪتاب جي رڳو پي ڊي ايف ڪاپي موجود آھي.