احسان رضا، المعروف احسان آڪاش جو جنم 27 جنوري 1982ع، غلام رضا گاڏهي جي گهر، ڳوٺ چؤٻار شريف، تعلقہ خيرپور ناٿن شاھہ، ضلع دادو ۾ ٿيو. پاڻ هڪ ئي وقت پبلشر، ايڊيٽر، ليکڪ، ترجمي نگار، ڪھاڻيڪار ۽ ڪالم نگار آهي.
ھن لکڻ جي شروعات سن 2002ع کان نثر سان ڪئي. پھرين ڪھاڻي "کليل اکين جا سپنا" هالار ڊائجسٽ ۾ سن 2002ع ۾ شايع ٿي هئي. هن وقت تائين 5 گڏيل شاعري جا ڪتاب، 3 ڪھاڻين جا ڪتاب مرتب ڪري چڪو آهي. گڏوگڏ هڪ ڪتاب نثراڻن احساسن تي مشتمل ”ڀڃ ڊاھہ“ جي نالي سان ۽ ترجمي جا ٻہ ڪتاب "شگفتہ" جيڪو سارا شگفتہ جي سوانح عمري تي آهي، ٻيو ”جسم فروشيءَ جي تاريخ“ سنڌي ادب جي جهول ۾ وجهي چڪو آهي.
2017ع کان سلھاڙيل احساس پبليڪيشن حيدرآباد جي ادارت طرفان هن وقت تائين 45 ٽائيٽل شايع ڪري چڪو آهي. گڏوگڏ 2018ع کان 2021ع تائين احساس مئگزين جي ايڊيٽر طور 36 پرچا پڻ شايع ڪري چڪو آهي.

سنڌسلامت ڪتاب گهر تي احسان آڪاش جا ڪُل 5 ڪِتاب موجود آھن