ھن ڪتاب ۾ شامل انور پيرزادي جا انٽرويو ۽ ۽ تقريرون ڪجه اخبارن ۽ مئگزين ۾ ڇپيل آھن تہ ڪجه وري آڊيو ۽ وڊيو ڪئسٽن تان ورتا ويا آھن. ھنن انٽرويوز جي خاص ڳالھ اھا آھي تہ اھي انٽرويو ساڳي وقت انور پيرزادي جي ڄڻ تہ آتم ڪٿا بہ بڻجي آڏو آيا آھن. انور پيرزادي انھن انٽرويوز ۾ ڪافي تفصيل سان پنھنجي زندگيءَ جي مختلف دورن تي ڳالھايو آھي. ھن پنھنجي شخصي، ادبي، سياسي، صحافتي ۽ تحقيقي شعبن تي ۽ انھن دورن جي سياست، ادب، صحافت، تاريخ ۽ سماج تي جيڪي رايا ڏنا آھن، تن ھن ڪتاب کي ساڳي وقت تاريخي ڳٽڪو پڻ بڻائي ڇڏيو آھي.