سنڌ جي ڍنڍن. ڍورن، آبي گذرگاھن، وڻراھن، ريگستانن ۽ انھن ۾ وسندڙ مخلوق جي مشاھداتي مطالعي تي لکيل امر لغاريءَ جو ڪتاب ”جت سنڌوءَ ۾ سمنڊ وھي ٿو“  اوھان اڳيان پيش آھي. امر لغاري سنڌ جو انوکو ليکڪ آھي، جنھن سنڌوءَ جي ڇوڙ واري ڊيلٽائي علائقي ۾ اتي جي ماڻھن ۽ ٻئي جيوت تي انتھائي خوبصورت انداز سان لکيو آھي. ھن رومانٽڪ ۽ سادي انداز ۾ سنڌ جي انتھائي سنجيدہ مسئلن کي ڇُھيو آھي. ھو دنيا جي ڊيلٽائي علائقن وانگر سنڌ جي ساحلي پتي کي ماحولياتي اک سان ڏسي ٿو. ھو تمر جي ٻيلن، اتان جي ماڻھن، جانورن، پکين ۽ ٻوٽن تي لکي ٿو.