شاھ عبداللطيف ڀٽائيءَ جي رسالي جو هي نسخو،علامہ آءِ آءِ قاضيءَ جي محنت سان تيار ٿيو. هن رسالي ۾ قاضي صاحب لطيف جي ڪلام جا 29 سـُر شامل ڪيا آهن، جڏهن تہ سـُر ڪيڏارو هن رسالي ۾ شامل ناهي. قاضي صاحب جو مرتب ڪيل هي ’شاھ جو رسالو ‘سنڌي ادبي بورڊ پاران 1961ع ۾ پھريون ڀيرو شايع ٿيو .ان کانپوءِ 1986ع ۽ پوءِ 1993ع ۾ بہ سندس نوان ڇاپا بورڊ پاران شايع ڪيا ويا .هن رسالي جي خوبي اها بہ آهي تہ بيتن ۽ واين ۾ اعرابن جو خاص خيال رکيو ويو آهي تہ جيئن پڙهڻي درست رهي ۽ گڏوگڏ رسالي جي آخر ۾ ڏکين لفظن جي معنيٰ واري پٽي پڻ شامل ڪيل آهي .