فقير عبدالله ٿھيم
مذھبي مُفڪر ۽ ليکڪ فقير عبداللہ ٿھيم، جو جنم 12 مئي 1969ع تي ٽنڊي آدم ڀرسان ڳوٺ پيرو فقير شورو ۾ محمد بخش ٿھيم جي گهر ۾ ٿيو. ابتدائي تعليم ڳوٺان پرايائين ۽ وڌيڪ تعليم شاھ عبداللطيف ھاءِ اسڪول ۽ نيشنل علي ڳڙھ ڪاليج ٽنڊي آدم مان حاصل ڪيائين. اسڪول جي زماني کان ئي لکڻ پڙھڻ ۾ دلچسپي ھُئڻ جي ڪري ”گُل ڦل“ رسالي کان لکڻ جي شروعات ڪيائين، شعر و شاعريءَ ۾ سندس استاد محترم ”ناظم منگي“ ھُئا ۽ سندس تخلص ”عزيز“ آھي. پاڻ پيشي جي لحاظ کان پرائمري اسڪول جا اُستاد آھن.
ٽنڊي آدم جي بزرگ شخصيت فقير منٺار رح جي صحبت ۾ رھڻ جي ڪري تصوف ڏانھن سندن لاڙو ٿيو. سلسلہ قادريہ راشديہ جي بُزرگ حضرت محمد حسن عباسي رح جي ھٿ تي بيعت ٿيا، سلسلي جا اذڪار و افڪار سائين محمد حسن رح جي زير تربيت رھي مڪمل ڪيائون ۽ اجازت حاصل ڪيائون، ھيئنر سالڪن کي سلسلہ قادريہ جا اسباق ڪرائين ٿا.
فقير عبداللہ ٿھيم ڪافي ڪتاب ترجمو پڻ ڪيا، جيڪي پڻ سنڌسلامت ڪتاب گهر تي رکيا ويندا.
1
ڪُل ڪتاب
0
پسند ڪيل
