![Author Name](https://books.sindhsalamat.com/assets/images/authors/668cef20ed678.jpg)
نامياري شاعر بيخود بلوچ جو اصل نالو فتح ﷲ جسڪاڻي آھي. سندس جنم 14 آگسٽ 1971ع تي تعلقي پني عاقل جي ڳوٺ جمعي جسڪاڻيءَ ۾ ٿيو. هُن جو والد مرحوم نصر ﷲ جسڪاڻي هڪ سچو سماجي ڪارڪن هو. بيخود بلوچ 1996ع ۾ شاهہ عبداللطيف يونيورسٽيءَ مان ايم. اي سنڌيءَ جي ڊگري حاصل ڪئي. سندس پھريون شعر 1988ع ۾ ماهوار ”الصادق“ ۾ ڇپيو ۽ سنڌي ادبي سنگت پنو عاقل سان 1990کان وابستہ آهي ۽ شاخ جو 3 دفعا سيڪريٽري پڻ رهيو آهي. ان کان علاوہ (05-2004ع) ۾ س. ا. س ضلعي سکر جو رابطا سيڪريٽري بہ ٿيو. شاهہ لطيف فائونڊيشن جو تعلقي صدر ۽ ضلعي پريس سيڪريٽري بہ رھيو آهي. هُو مرحوم اظھر گيلانيءَ جي صحبت ۾ پڻ رهيو. 2007ع ۾ اظھر اڪيڊميءَ سنڌ جو سيڪريٽري پڻ ٿيو. بيخود بلوچ غزل جو سٺو شاعر آهي ۽ شاعريءَ جي ٻين صنفن تي بہ طبع آزمائي ڪئي اٿس.
سندس ڇپيل ڪتابن ۾: 1. درد ۽ امنگ دل ۾ (1995)، 2. ٻوليون لوليون ٻارن جون (1996)، 3. هوا ۾ ٻرياسين (2005، 4. جاڳو ٻارو (2010ع)۽ اعتراض (2018ع) شامل آھن.
سنڌسلامت ڪتاب گهر تي بيخود بلوچ جا ڪُل 2 ڪِتاب موجود آھن