عاجز غلام رسول ابڙو

ناميارو شاعر عاجز غلام رسول ابڙو ولد رضا محمد ابڙو ڳوٺ ڪولاب جيئل تعلقي ڪنگري ضلعي خيرپور ۾   2  اپريل 1958ع تي پيدا ٿيو. ھن پرائمري تعليم گورنمينٽ پرائمري اسڪول ڪولاب جيئل مان جڏھن تہ مڊل جي تعليم گورنمينٽ مڊل اسڪول ڪولاب جيئل مان 1974ع ۾ ۽ مئٽرڪ گورنمينٽ  ھاءِ  اسڪول ڪنڊيارو مان 1976ع ۾، فرسٽ ايئر گورنمينٽ ڪاليج ڪنڊيارو مان ۽  انٽر گورنمينٽ سپريئر سائنس ڪاليج خيرپور مان 1979ع ۾ پاس ڪئي. ايم ايس سي ڪيمسٽري ۾ شاھ  عبداللطيف يونيورسٽي خيرپور مان 1986\87 ۾ پاس ڪئي.
ھن نوڪرءَ  جي شروعات 1987ع ۾ استاد طور ايس ايس ٽي گورنمينٽ  ھاءِ  اسڪول کٽڻ ضلع ڪڇي بلوچستان کان ڪئي. بعد ۾ پاڻ بي ايڊ ايگرو ٽيڪنيڪل ڪاليج ڪوئيٽا مان ڪيائون. 2 اپريل 2018ع تي گورنمينٽ  ھاءِ  اسڪول ملگزار ضلع صحبت پور بلوچستان مان رٽائر ٿيا.
عاجز غلام رسول لکڻ جي شروعات 1978ع کان ڪئي. سندس ڇپيل ڪتابن ۾: 
1.     درد نگر جا  ماڻھو (شاعري) 2017ع  مرڪ پبلڪيشن ڪراچي 
2.     تاريخي ماڻھو تاريخي ڪردار (مضمون) 2019ع پوپٽ پبليڪيشن خيرپور
3.     سونارا صراف ٿيءُ (تحقيقي ۽ تنقيدي مقالا ) 2024ع چانڊوڪي پبليڪيشن  واھي  پانڌي 
جڏھن تہ سندس شاعريءَ جو ھڪ ڪتاب ”زندگي ءَ جي  جهول  ۾“ چانڊوڪي پبليڪيشن  واھي  پانڌي پاران  2025ع  ۾ ڇپائي جي مرحلي ۾ آھي