ڪرشن چندر

ڪرشن چندر اردُو ادب جو ناميارو افسانہ نگار ھو. سندس پيدائش 23 نومبر 1914ع تي وزير آباد، گجرانوالا ضلعي ۾ ٿي. سندس والد گوري شنڪر چوپڙا ميڊيڪل آفيسر ھو. ڪرشن چندر پنھنجي تعليم جي شروعات اردو ۽ فارسيءَ کان ڪئي، جنھنڪري اردو ٻوليءَ تي ڪافي گرفت ھُئس. انھن 1929ع ۾ ئي ھاءِ اسڪول جي تعليم مڪمل ڪئي ۽ پوءِ 1935ع ۾ انگريزيءَ مان ايم.اي ڪيائون، ان کان پوءِ قانون جي پڙھائي پڻ ڪيائون.
 سندس قلمي پورھيو ويھن ناولن، ڪھاڻين جي ٽيھن مجموعن ۽ وڏو انگ ريڊيو لاءِ اردو ڊرامن لکڻ تي مشتمل ھُجڻ سان گڏ ورھاڱي کان سُتت پوءِ ھندي ٻوليءَ ۾ پڻ لکندو رھيو. طنزيہ ڪھاڻيون لکندڙ ليکڪ ھُجڻ جي ڪري پنھنجي معمولي آمدنيءَ ۾ واڌارو ڪرڻ جي لاءِ ھن باليووڊ فلمن جي لاءِ مسودا پڻ لکيا. سندس لاجواب ناول بشمول ("ايک گدھے کی سرگزشت" ترجمو "ھڪڙي گڏھ جي آتم ڪٿا) سورھن کان مٿي ھندوستاني ٻولين ۾ ترجمو ٿيا ۽ ڪُجھ سنڌي ۽ انگريزي سميت ٻين ٻاھرين ٻولين ۾ پڻ ترجمو ٿيا. ھن 100 کان مٿي ڪتاب لکيا.
ڪرشن چندر 8 مارچ 1977ع تي ممبئي ۾ پنھنجي ڊيسڪ تي ڪم ڪندي ھي گُذاري ويو.