شاعر، اديب، مُترجم ۽ ڪمپيئر امر رائيسنگهہ راجپوت 26 جون 1987ع تي ڳوٺ ڊونڊيي، تعلقي ڏيپلي، ضلعي ٿرپارڪر ۾ ڪاروجي راجپوت جي گهر ۾ جنم ورتو. ابتدائي، ثانوي ۽ اعليٰ ثانوي تعليم پنھنجي ڳوٺ، سيراڻي ۽ ڊگري ڪاليج بدين مان حاصل ڪئي. نون سالن تائين ريڊيي پاڪستان، مٺيءَ تي سنڌي ۽ ڍاٽڪي ۾ ڪمپيئرنگ ڪئي. کيس هندي ٻولي تي به دسترس حاصل آهي. هي سنڌي ادبي سنگت شاخ، ڏيپلي جو ميمبر ۽ 2019ع ۾ سيڪريٽري به رهي چڪو آهي. نثر توڙي نظم ۾ سندس ڪيترائي ڪتاب ڇپجي چڪا آهن، جن ۾: ”حقيقت هن حال جي“ (نثر: 2007ع)، ”ديس جي ڳل تي ڳوڙها“ (شاعري: 2009ع)، ” ٿر تي ٿڌو چنڊ“ (نثر: 2013ع)، ”منھنجو صحرا سڏڪي ٿو“ (نثر: 2016ع)، ”سوڍا چتر سڄاڻ“ (خاڪا: 2018ع)، ”لُڙڪن سان لبريز خط“ (خط: 2019ع)، ”ڌرا سرنگهي ڍاٽ“ (ترجمو: 2019ع)، ”چونئري مٿان چنڊ“ (شاعري: 2019ع)، ”ڍولا مارو ڍٽ“ (خاڪا: 2020ع ۽ ”توريان تان نه تُرن“ (خاڪا: 2020ع) شامل آهن. کيس سنڌي ادبي سنگت شاخ، ڏيپلي پاران بھترين نظم تي اوارڊ ۽ سندس ٻِن ڪتابن ”لُڙڪن سان لبريز خط“ ۽ ”ڌرا سرنگهي ڍاٽ“ تي انجمن ترقي پسند مصنفين پاران اوارڊ مليل آهن

سنڌسلامت ڪتاب گهر تي امر رائيسنگهہ راجپوت جا ڪُل 6 ڪِتاب موجود آھن