پروفيسر ڪي. ايس. ناگپال

ڊاڪٽر ناگپال جو جنم 15 اپريل 1951ع تي پنهنجي ڳوٺ شهداد ڪوٽ ۾ ٿيو جتي هن مئٽرڪ تائين تعليم حاصل ڪئي. ان بعد انٽر لاڙڪاڻي جي گورنمينٽ ڪاليج مان ڪئي. باقي تعليم سنڌ يونيورسٽيءَ مان هڪ ريگيولر شاگرد جي حيثيت ۾ ڪئي ۽ 1974ع ۾ ٽاپ پوزيشن ۾ انگريزيءَ ۾ ماسٽرس ڪئي. هيءَ انهن ڏينهن جي ڳالهه آهي جڏهن مئڊم امينا خميساڻي ۽ سائين اڪرم انصاريءَ جهڙا ماڻهو انگلش ڊپارٽمينٽ ۾ پروفيسر هئا. 1982ع ۾ سنڌ يونيورسٽي مان ايل ايل بي جي ڊگري حاصل ڪيائون.
گرئجوئيشن ڪرڻ بعد ڊاڪٽر صاحب مختلف ڪاليجن ۽ سنڌ يونيورسٽيءَ ۾ پڻ پڙهايو. نوڪريءَ جي شروعات هن ڪنڌ ڪوٽ ڊگري ڪاليج کان ڪئي. پاڻ ڪراچيءَ جي “ڊي جي سائنس ڪاليج” ۾ به يارهن سال هيد آف انگلش ڊپارٽمينٽ ٿي رهيو. 2007 ۾ پروفيسر ناگپال سي آءِ اِي سي ۾ ڊائريڪٽر طور 2011 تاء ڪم ڪيو بعد ۾ رٽائرمينٽ تائين ويهين گريڊ ۾ لياري ڊگري سائنس ۽ ڪامرس ڪاليج سان پرنسپال طور سلهاڙيل رهيو.CSS جي چٽاڀيٽي امتحان لاءِ هن 32 بئچون پڙهايون آهن ۽ پڙهائي پيو ۽ SIUT ۾ پڻ ميڊيڪل ٽيڪنالاجي B.S کي پڙهائي ٿو.
ڊاڪٽر صاحب هڪ سٺو اديب، شاعر ۽ ڪمپيوٽر جو ڄاڻو آهي. سندن ڪيترائي ڪتاب ڇپجي چڪا آهن جيئن ته سنڌيءَ ۾ شاعريءَ جو ڪتاب: “جيون تاءُ تتيءَ جو”. هڪ تصوف جو ڪتاب: “پنهنجو پاڻ سڃاڻ” ۽ “گنج شاهه لطيف”. هڪ ڪتاب اردوءَ ۾ هن امر جليل تي لکيو آهي: “امر جليل: شخصيت اور فن.”
انگريزيءَ ۾ سندن ڪيترائي ڪتاب آهن جيئن ته شاعريءَ جو هڪ ڪتاب بعنوان: Life’n Dreams جنهن جي 3 ايڊيشن هن ڪتاب سان گڏ ڇپيل آهي.
ان کان علاوه شاگردن جي مدد ۽ رهنمائيءَ لاءِ هن انگريزي سکڻ بابت ڪجهه ڪتاب لکيا آهن. ڊاڪٽر ڪنهيا لال ناگپال جي خاص دلچسپي ادب، فلسفو ۽ روحانيت آهي.
سندس ڇپيل ڪتاب:

1. A Hand Book of English 4 additions
2. Life’n dreams ( English poetry) 2 additions
3. امر جليل فن اور شخصيت
4. جيون تاءِ تتيءَ جو (سنڌي شاعري)
5. ڪارل مارڪس
6. ايک داتا (اردو)
7. Ek-o-Ankar, Spiritual Treatise.
8. Spoken English by Sindhica 1913.
9. پنھنجو پاڻ سڃاڻ (سنڌي)
10. Hindu Religious Books prepared for classes one to graduation